1 SAMUEL 5:9 - Edisana ñwed Abasi Ibom

⁹ Edikem adaŋemi mmɔ ema ekeda enye ewɔŋɔre eka, ubɔk Jehovah odoro ke obio, kpa ata akamba nsobo. Enye onyuŋ amia mbio-obio, ɔtɔŋɔde ke nditɔwɔŋ tutu osim ikpɔ owo, mme akpasak enyuŋ etibe mmɔ ke idem.

1 SAMUEL 5:9 ပူးပေါင်းရင်းမြစ်များ

ŊWED MME PSALM 78:66

Ndien enye ɔtɔ mme asua mmɔ, anam mmɔ efiak edem: onyuŋ ɔnɔ mmɔ nsinsi esuene.

AMOS 5:19

Kpa nte owo efehede ɔbɔhɔ lion, ndien bear osim enye: ye nte owo odukde ke ufɔk akadian ubɔk ke ibibene, ndien urukikɔt odom enye.

DEUTERONOMY 2:15

Ubɔk Jehovah onyuŋ otuk mmɔ ŋko, onyuŋ osobo mmɔ ke nna efep, tutu mmɔ ekure.

1 SAMUEL 12:15

edi edieke mbufo midikopke uyo Jehovah, edi etut utɔŋ ke uyo Jehovah, ndien Jehovah eyeda ubɔk odori mbufo, kpa nte enye okodoride mme ete mbufo ke idem.

1 SAMUEL 5:10

Ndien mmɔ enɔ ekebe Abasi esɔk Ekron. Ndien edikem, ke ini ekebe Abasi osimde Ekron, mbio-obio Ekron eseme, ete, Emeda ekebe Abasi Israel ewɔŋɔre esɔk nnyin, ete iwot nnyin ye mbio-obio nnyin.

1 SAMUEL 5:11

Ndien mmɔ edɔŋ ekekot kpukpru mbɔŋ mme Philistine edi ɔtɔ kiet, ndien edɔhɔ ete, Mbufo eyak ekebe Abasi Israel ɔnyɔŋ, man afiak ke ebiet esiemɔ, mbak ediwot nnyin ye mbio-obio nnyin. Koro mkpa osobode owo ke ofuri obio: ubɔk Abasi onyuŋ ɔsɔŋ eti-eti do.

1 SAMUEL 5:6

Ndien Jehovah ɔsɔŋ ubɔk otuk nditɔ Ashdod, onyuŋ osobo mmɔ, onyuŋ ada akpasak amia mmɔ, kpa Ashdod ye mme adaŋa esie.

1 SAMUEL 6:11

Ndien mmɔ edori ekebe Jehovah ke ukpatŋkpɔ, ye ekpri ekebe ye usine gold, ye mbiet akpasak mmɔ.

1 SAMUEL 7:13

Ntre ke mme Philistine ekɔŋɔ mfaŋ, inyuŋ itɔŋɔke aba ntak iduk ke adaŋa Israel: Jehovah onyuŋ ada ubɔk odori mme Philistine ke ofuri eyo Samuel.