1 SAMUEL 5:7 - Edisana ñwed Abasi Ibom

⁷ Ekem adaŋemi mbio-obio Ashdod ekutde nte edide ntre, mmɔ edɔhɔ ete, Ekebe Abasi Israel ididuŋke ye nnyin: koro enye ɔsɔsɔŋ ubɔk otuk nnyin ye Dagon abasi nnyin.

1 SAMUEL 5:7 ပူးပေါင်းရင်းမြစ်များ

2 SAMUEL 6:9

Ndien David abak Jehovah ke usen oro, onyuŋ ɔdɔhɔ ete, Ekebe Jehovah edinam didie oduk ke ɔtɔ mi?

1 CHRONICLES 15:13

Koro mbufo mikanamke ntre akpa ini, esin Jehovah Abasi nnyin obumere anam nnyin: koro nnyin mikoyomke enye ke ido esie.

EXODUS 10:7

Ndien ikɔt Pharaoh edɔhɔ enye ete, Adaŋa didie ke owo emi edidi afia nnyin? Yak mbio oro eka, man ekenam ŋkpɔ enɔ Jehovah Abasi mmɔ: nte afo ufiɔkke kaŋa ete Egypt amatak?

EXODUS 12:33

Ndien nditɔ Egypt ekpak mbon oro, ete, ibin mmɔ ewɔŋɔ usɔp-usɔp ke isɔŋ koro mmɔ edɔhɔde ete, Nnyin kpukpru idi mme akpaŋa mkpa.

EXODUS 8:28

Ndien Pharaoh ete, Ami nyeyak mbufo eka, man mbufo ewa uwa enɔ Jehovah Abasi mbufo ke wilderness; edi mbufo ekuka anyan usuŋ: enam mkpe-ubɔk enɔ mi.

EXODUS 8:8

Ndien Pharaoh okot Moses ye Aaron edi, onyuŋ ɔdɔhɔ ete, mbufo ekpe Jehovah ubɔk, ete, Enye emen ikwɔt efep ɔbɔ mi, ye mbio-obio mi, ndien nyeyak mbio oro eka, man ekewa uwa enɔ Jehovah.

EXODUS 9:28

Mbufo ekpe Jehovah ubɔk, ndien yak uyom Abasi ye edim - itiat ekem; ndien nyeyak mbufo eka, ndien mbufo idibigike aba. Ndien Moses ɔdɔhɔ enye, ete,

JEREMIAH 46:25

Jehovah mme udim Abasi Israel ɔdɔhɔ, ete, Sese, ami mmɔŋ nda ufen ntiene Amon emi otode ke No, ye Pharaoh ye Egypt ye mme abasi mmɔ, ye ndidem mmɔ; kpa Pharaoh ye mmɔ eke ebuɔtde idem mmɔ ye enye.

JEREMIAH 48:7

Ŋkɔm eyenyuŋ emum fi ŋko, koro afo ɔbuɔtde idem ke se afo akanamde ye ke inyene fo: eyenyuŋ etaŋ Chemosh efep ye mme oku esie, ye mbɔŋ esie, ini kiet.

1 SAMUEL 4:8

Ɔdiɔk ye nnyin! anie edisio nnyin ke ubɔk mkpɔsɔŋ abasi emi? Mme mmɔ emi edi abasi oro akamiade nditɔ Egypt kpukpru ufen ke wilderness.

1 SAMUEL 5:6

Ndien Jehovah ɔsɔŋ ubɔk otuk nditɔ Ashdod, onyuŋ osobo mmɔ, onyuŋ ada akpasak amia mmɔ, kpa Ashdod ye mme adaŋa esie.

1 SAMUEL 5:8

Ndien mmɔ edɔŋ ekekot kpukpru mbɔŋ mme Philistine edi ke ɔtɔ mmɔ; ndien ebup, ete, Nnyin idinam ekebe Abasi Israel nso ŋkpɔ? Ndien mmɔ edɔhɔ ete, Yak eda ekebe Abasi Israel ewɔŋɔre eka ke Gath. Ndien mmɔ emen ekebe Abasi Israel ewɔŋɔre eka do.

1 SAMUEL 6:20

Ndien nditɔ Beth-shemesh edɔhɔ ete, Anie ekeme ndida ke iso edisana Jehovah Abasi emi? Enye edinyuŋ ɔdɔk etiene mme anie ɔkpɔŋ nnyin?