1 SAMUEL 5:10 - Edisana ñwed Abasi Ibom

¹⁰ Ndien mmɔ enɔ ekebe Abasi esɔk Ekron. Ndien edikem, ke ini ekebe Abasi osimde Ekron, mbio-obio Ekron eseme, ete, Emeda ekebe Abasi Israel ewɔŋɔre esɔk nnyin, ete iwot nnyin ye mbio-obio nnyin.

1 SAMUEL 5:10 ပူးပေါင်းရင်းမြစ်များ

2 SAMUEL 7:9

mma nnyuŋ ndu ye afo ke kpukpru ebiet emi afo akade, nnyuŋ nsibe kpukpru mme asua fo mfep ke iso fo, nnyuŋ nnam akamba enyiŋ nnɔ fi, eke ebietde enyiŋ ikpɔ owo emi ekedude ke ererimbot.

2 NDIDEM 1:2

Ndien Ahaziah oto ke window ubet-enyɔŋ esie emi odude ke Samaria ɔduɔ, ndien udɔŋɔ anam enye; ndien enye ɔdɔŋ mme isuŋ-utom, onyuŋ ɔdɔhɔ mmɔ, ete, Mbufo eka ekebup Baal-zebub abasi Ekron, mme udɔŋɔ emi eyekure mi.

1 CHRONICLES 7:21

ye Zabad eyen esie, ye Shuthelah eyen esie, ye Ezer, ye Elead. Ndien nditɔ Gath emi ekemanade ke edem oro, ewot mmɔ, koro mmɔ esuhɔrede eka ndida ufene mmɔ.

AMOS 1:8

Nyenyuŋ nsibe andiduŋ Ashdod, ye andikama mmɔnyɔ ke Ashkelon mfep, nnyuŋ ndori ubɔk mi ke Ekron: ndien mme Philistine emi esuhɔde eyetak. Ntem ke Ɔbɔŋ Jehovah ɔdɔhɔ.

AMOS 6:2

Mbufo ebe eka Calneh ekese; enyuŋ eto do eka ke akamba Hamath; ndien esuhɔre ke Gath mme Philistine: nte mmɔ efɔn ekan mme idut emi? Nte adaŋa mmɔ okpon akan adaŋa mbufo?

JOSHUA 13:3

ye ofuri Geshuri, ɔtɔŋɔde ke Shihor emi anade ke iso Egypt, tutu osim adaŋa Ekron ese edem edere, emi ebatde ke eke mme Canaanite: mbɔŋ mme Philistine ition; mme Gazite, ye mme Ashdodite, ye mme Ashkelonite, ye mme Gittite, ye mme Ekronite;

JOSHUA 15:11

ndien adaŋa ada ediwɔrɔ ke edem edere Ekron: ndien enim adaŋa aka Shikkeron, ndien enye ebe aka obot Baalah, ndien ada ediwɔrɔ ke Jabneel; ndien utit adaŋa emi ɔwɔrɔ ke mben inyaŋ.

JOSHUA 15:45

Ekron, ye mme obio esie, ye mme obio iŋwaŋ esie:

JUDGES 1:18

Ndien enyiŋ obio oro ekere Hormah. Ndien Judah ada Gaza ye adaŋa esie, ye Ashkelon ye adaŋa esie, ye Ekron ye adaŋa esie.

1 SAMUEL 17:52

Ndien nditɔ Israel ye Judah edaha ke enyɔŋ ekpɔk ukube, enyuŋ ebine mme Philistine, tutu esim ke itihere ye ke inua-otop Ekron. Ndien mme Philistine emi mmɔ ewotde eduɔŋɔ ke usuŋ Shaaraim, tutu osim ke Gath ye Ekron.

1 SAMUEL 5:11

Ndien mmɔ edɔŋ ekekot kpukpru mbɔŋ mme Philistine edi ɔtɔ kiet, ndien edɔhɔ ete, Mbufo eyak ekebe Abasi Israel ɔnyɔŋ, man afiak ke ebiet esiemɔ, mbak ediwot nnyin ye mbio-obio nnyin. Koro mkpa osobode owo ke ofuri obio: ubɔk Abasi onyuŋ ɔsɔŋ eti-eti do.

1 SAMUEL 5:9

Edikem adaŋemi mmɔ ema ekeda enye ewɔŋɔre eka, ubɔk Jehovah odoro ke obio, kpa ata akamba nsobo. Enye onyuŋ amia mbio-obio, ɔtɔŋɔde ke nditɔwɔŋ tutu osim ikpɔ owo, mme akpasak enyuŋ etibe mmɔ ke idem.

1 SAMUEL 6:1

NTRE ke ekebe Jehovah odu ke isɔŋ mme Philistine ke ofuri ɔfiɔŋ itiaba.