1 SAMUEL 4:3 - Edisana ñwed Abasi Ibom

³ Ndien adaŋemi mmɔ edukde ke nna - ekɔŋ, mbiowo Israel edɔhɔ ete, Nsinam Jehovah asuande nnyin mfin emi ke iso mme Philistine? Eyak nnyin idɔŋ ekeda ekebe ediomi Jehovah ke Shiloh esɔk nnyin, man enye edi ke otu nnyin, onyuŋ anyaŋa nnyin osio mme asua nnyin ke ubɔk.

1 SAMUEL 4:3 ပူးပေါင်းရင်းမြစ်များ

2 SAMUEL 15:25

Ndien edidem ɔdɔhɔ Zadok, ete, Men ekebe Abasi fiak ke obio: edieke Jehovah edimade mi, enye eyenam mi mfiak ndi, eyenyuŋ owut mi idem esie ye iduŋ esie:

1 CHRONICLES 17:1

EDIKEM adaŋemi David etiede ke ufɔk esiemɔ, David ɔdɔhɔ Nathan prophet, ete, Sese, ami ntie ke ufɔk cedar, ndien ekebe ediomi Jehovah etie ke idak ikpehe.

ŊWED MME PSALM 74:1

O ABASI, nsinam afo emende nnyin ɔduɔk ke nsinsi? Nte iyaresit fo ɔwɔrɔ nsuŋikaŋ ye ufene emi afo ɔbɔkde?

ŊWED MME PSALM 74:11

Nsinam afo adade ubɔk fo ye nnasia fo efep? Sio ke ikpanesit fo nam ma.

ISAIAH 50:1

NTEM ke Jehovah ɔdɔhɔ, ete, enye ŋwed usio-ndɔ eka mbufo emi ŋkebinde mfep? Mme anie ke otu mmɔ emi ŋkamade mmɔ isɔn ke ŋkanyam mbufo nnɔ? Sese, ekenyam mbufo ebaŋa mme idiɔk ido mbufo, ekenyuŋ ebin eka mbufo efep ebaŋa mme oburobut ido mbufo.

ISAIAH 58:3

“Nnyin inam didie itre udia, ndien afo mukwe? ituk ukpɔŋ nnyin, ndien afo mufiɔkke?” Sese, mbufo ekut inemesit ke usen utre-udia mbufo, enyuŋ ekpak ofuri utom mbufo.

ISAIAH 59:1

SESE, ubɔk Jehovah ikabakede imuhɔ ikan nte enye anyaŋade; utɔŋ esie inyuŋ idobike ikan nte enye okopde;

ISAIAH 59:2

edi mme idiɔk ŋkpɔ mbufo emedianare mbufo ye Abasi mbufo, mme oburobut ido mbufo emenyuŋ edip mbufo iso esie, esin enye okukop.

JEREMIAH 3:16

Jehovah onyuŋ ɔdɔhɔ, ete, Ama ekem, koro mbufo eyewak enyuŋ esiaha ke isɔŋ ke eyo oro, mmɔ ididɔhɔke aba, ite, “Ekebe ediomi Jehovah”: enye idinyuŋ idukke aba mmɔ esit: mmɔ idinyuŋ itihi aba enye; inyuŋ iyomke; inyuŋ inamke aba.

JEREMIAH 7:4

Mbufo ekubuɔt idem ke ikɔ nsu, ete, temple Jehovah, temple Jehovah, temple Jehovah edi mme mmɔ emi.

NUMBERS 10:33

Ekem mmɔ edaŋa ke obot Jehovah, esaŋa isaŋ usen ita; ekebe ediomi Jehovah onyuŋ ebem mmɔ iso ke isaŋ usen ita, ndiyom ebiet nna nnɔ mmɔ.

NUMBERS 10:35

Edikem, ke ini ekebe adahade, Moses ɔdɔhɔ ete, Daha ke enyɔŋ, O Jehovah, nyuŋ yak mme asua fo esuana; yak mmɔ eke esuade fi enyuŋ efeŋe itɔk ke iso fo.

NUMBERS 31:6

Ekem Moses ada mmɔ kpa tɔsin owo ke kpukpru mme esien, ɔdɔŋ mmɔ eka ekɔŋ, mmɔ, ye Phinehas eyen Eleazar oku, ye mme edisana ŋkpɔ, kpa mme ukorowo eke enye akamade ke ubɔk aduat.

DEUTERONOMY 29:24

ndien kpukpru mme idut eyedɔhɔ ete, Ke didie ke Jehovah akanam isɔŋ emi ntem? Nsinam akamba ikaŋ iyaresit emi?

DEUTERONOMY 31:26

Mbufo eda ŋwed mbet emi ekediɔk ke ŋkaŋ ekebe ediomi Jehovah Abasi mbufo, man enye ana do nte ntiense abaŋa fi.

2 ŊWED TIMOTHY 3:5

enyene enyɔŋ-enyɔŋ ido uteŋe Abasi, edi isa ŋake ŋkpɔ ye odudu ke odude ke uteŋe Abasi. Wɔŋɔre kpɔŋ mmɔ eke etiede ntem.

MME HEBREW 9:4

emi enyenede ŋkpɔ ufɔp-incense o-gold, ye ekebe ediomi emi edade gold efuk ekanare ekuk, emi eso o-gold emi mana esinede ke esit,

JOSHUA 4:7

Ndien mbufo edibɔrɔ mmɔ ete, Mmɔŋ Jordan ama ekekpehe ke iso ekebe ediomi Jehovah; adaŋaemi enye ebede Jordan, mmɔŋ Jordan ekpehe: ndien mme itiat emi eyena ke editi ŋkpɔ nditɔ Israel ke nsinsi.

JOSHUA 6:6

Ekem Joshua eyen Nun okot mme oku, onyuŋ ɔdɔhɔ mmɔ ete, Mbufo emen ekebe ediomi, oku itiaba enyuŋ ekama obukpoŋ itiaba ebem ekebe Jehovah iso.

JOSHUA 7:7

Ndien Joshua ɔdɔhɔ ete, O Jehovah ɔbɔŋ, nsinam afo adade mbio emi ebe Jordan, onyuŋ adade nnyin esin mme Amorite ke ubɔk, man esobo nnyin? Nnyin ikpekam ima nditie ke edem Jordan oko!

JOSHUA 7:8

O Ɔbɔŋ, ndidɔhɔ didie, ke Israel ekpade edem enɔ mme asua mmɔ?

1 PETER 3:21

mmɔŋ eke ebietde mmɔŋ oro ke eda enyaŋa mbufo ke emi, oro edi baptism, emi midige eriyet ɔkɔp ikpɔhidem mfep, edi edide eribeŋe eke nnyin ibeŋede Abasi anam nnyin inyene edisana esit ke iso Esie, oto ke eriset Jesus Christ;

JUDE 1:5

Edi mmonyom nditi mbufo se mbufo ema ekefiɔk ema, nte, ke adaŋemi Jehovah ama akanyaŋa ikɔt osio ke Egypt, ekem Enye osobo mmɔ emi minimke ke akpanikɔ.

1 SAMUEL 1:24

Ndien adaŋemi enye akanamde eyen adaha ke eba, enye ada enye ye enaŋ ita, ye eti ndom-uyo ke ephah kiet, ye wine ke ikpa, ɔdɔk, onyuŋ ada enye aka ke ufɔk Jehovah ke Shiloh; ndien eyen oro edi eyenɔwɔŋ.

1 SAMUEL 14:18

Ndien Saul ɔdɔhɔ Ahijah, ete, Da ekebe Abasi di: koro ekebe Abasi odude ye nditɔ Israel ke ini oro.

1 SAMUEL 4:2

Ekem mme Philistine etim udim-ekɔŋ ndiŋwana ye Israel: ndien ekɔŋ eyi; Israel enyuŋ esuana ke iso mme Philistine; ndien mmɔ ewot esim tɔsin owo inaŋ ke udim ke ɔtɔ oro.