1 SAMUEL 31:7 - Edisana ñwed Abasi Ibom

⁷ Ndien adaŋemi nditɔ Israel eke edude ke edem itihere oko, ye mmɔ eke edude ke edem Jordan oko, ekutde nte nditɔ Israel efeŋede, ye nte Saul ye nditɔ esie ema enyuŋ ekpa, mmɔ ekpɔŋ mme obio efeŋe; ndien mme Philistine edi ediduŋ ke esit.

1 SAMUEL 31:7 ပူးပေါင်းရင်းမြစ်များ

LEVITICUS 26:32

Ami nyenyuŋ nnam isɔŋ odobo; ndien oro eyesin idem akpa mme asua mbufo eke eduŋde ke esit.

LEVITICUS 26:36

Ndien ama edi mme mmɔ emi edisuhɔde ke otu mbufo, nyesin mmɔ esit ufep ke mme idut mme asua mmɔ, ndien uyom ikɔŋ eke enyeŋede eyenam mmɔ efeŋe itɔk, ndien mmɔ eyefeŋe, nte emi efeŋede ofut; enyuŋ eduɔŋɔ ke baba owo kiet mibineke.

DEUTERONOMY 28:33

Idut eke afo mufiɔkke eyedia mfri iŋwaŋ fo, ye ofuri utom fo; ndien afo eyesuk edi se efikde, enyuŋ etukde, kpukpru usen.

JUDGES 6:2

Ndien ubɔk Midian ɔsɔŋ akan Israel: ndien Midian esin nditɔ Israel eka ekenam mme ebedeŋ emi edude ke ikpɔ obot, ye mme obube, ye mkpɔsɔŋ ebiet.

1 SAMUEL 13:6

Ke adaŋemi nditɔ Israel ekutde mbaba oro ababade mmɔ (koro efikde mmɔ) mmɔ edibe ke aba itiat, ye ke ikɔt, ye ke ikpɔ itiat, ye ke ŋkokoŋo ebiet, ye ke obube.

1 SAMUEL 13:7

Mme Hebrew enyuŋ ebe Jordan eka ke isɔŋ Gad ye Gilead. Ama edi Saul, enye osuk etie ke Gilgal, ndien kpukpru owo etiene enye ke nnyekidem.

1 SAMUEL 31:6

Ntre ke Saul akakpa, ye nditɔ-iren esie ita, ye andibiom ŋkpɔ-ekɔŋ esie, ye kpukpru ikɔt esie, ke usen oro, ɔtɔ kiet.

1 SAMUEL 31:8

Edikem mkpɔŋ, mme Philistine edi ndisioŋo mme akpa-mkpa ŋkpɔ ke idem, ndien mmɔ ekut Saul, ye nditɔ esie ita, nte mmɔ eduɔŋɔde ke obot Gilboa.