1 SAMUEL 30:6 - Edisana ñwed Abasi Ibom

⁶ ndien David etie ke ata itie ukut: koro kpukpru owo edɔhɔde ete itɔŋɔ enye ke itiat; koro esit ayatde kpukpru owo abaŋa nditɔ mmɔ iren ye iban: edi David ɔsɔŋɔ esit esie ke Jehovah Abasi esie.

1 SAMUEL 30:6 ပူးပေါင်းရင်းမြစ်များ

GENESIS 32:7

Ndien Jacob efehe ndik eti, enyin onyuŋ anan enye: ndien enye abahare mmɔ emi edude ye enye, ye erɔŋ, ye ebot ye enaŋ, ye camel, esin

2 SAMUEL 17:8

Ndien Hushai ɔdɔhɔ ete, Afo ɔmɔfiɔk usɔ ye ikɔt esie, ete ke mmɔ edi mbon uko, esit onyuŋ ayat mmɔ, nte bear eke ewotde nditɔ esie ke ikɔt; usɔ onyuŋ edi owo ekɔŋ, idinyuŋ idaŋke ke otu mmɔ eken ke okoneyo.

2 NDIDEM 4:27

Nte ɔfɔn ye eyen? Ndien ŋwan ɔbɔrɔ, ete, Ɔfɔn. Ekem enye osim owo Abasi ke obot, onyuŋ omum enye ukot: edi Gehazi asaŋa ekpere, ete inuk enye ifep. Edi owo Abasi ɔdɔhɔ ete, Kpɔŋ enye: koro esit ayatde enye: ndien Jehovah omodip mi, inyuŋ isianke mi.

ŊWED JOB 13:15

Sese, mme enye eyewot mi: nnyeneke idorienyin, edi nyekaŋ ido mi ke iso esie.

ŊWED MME PSALM 116:10

Ami ŋkonim ke akpanikɔ; koro ndɔhɔde (ntem): mmetie ke ata itie ukut.

ŊWED MME PSALM 138:3

Ke usen emi nsemede nnɔ fi, afo ama eyere mi, anam mi ndaha uko ɔkpɔsɔŋ ke ukpɔŋ mi.

ŊWED MME PSALM 18:2

Jehovah edi akwa itiat mi, ye ufɔk ekɔŋ mi ye andinyaŋa mi; Abasi mi edi akwa itiat mi; nyebuɔt idem mi ye enye; otu-ekɔŋ mi, ye nduk erinyaŋa mi, ye edikoŋ ebiet mi.

ŊWED MME PSALM 18:6

Nseme nnɔ Jehovah ke nnanenyin mi, nnyuŋ mfiori ŋkot Abasi mi: enye etie ke temple esie okop uyo mi, mfiori mi onyuŋ edi enye ke iso, oduk enye ke utɔŋ.

ŊWED MME PSALM 25:17

Ndutuhɔ esit mi omokpon: sio mi ke nnanenyin mi.

ŊWED MME PSALM 27:14

Bet Jehovah: sɔŋ idem, ndien enye eyesɔŋ fi esit: tim bet Jehovah.

ŊWED MME PSALM 31:24

Mbufo ekop uko, ndien enye eyesɔŋ mbufo esit, kpukpru mbufo emi edoride Jehovah enyin.

ŊWED MME PSALM 42:11

O ukpɔŋ mi, nsinam afo ɔfuhɔde? Nsinyuŋ inam afo etimerede mi ke idem? Dori enyin ye Abasi: koro nyesuk ntoro enye, kpa erinyaŋa iso mi, ye Abasi mi.

ŊWED MME PSALM 42:5

Ukpɔŋ mi, nsinam afo ɔfuhɔde, onyuŋ etimerede mi ke idem? Dori enyin ye Abasi; koro nyesuk ŋkɔm enye ke erinyaŋa iso esie.

ŊWED MME PSALM 42:7

Udem ofiori okot udem ke uyom uda-mmɔŋ fo; ofuri odut fo ye aya efuk mi.

ŊWED MME PSALM 56:11

Mmɔbuɔt idem mi ke Abasi: ndik idinamke mi. Nso ke owo ekeme ndinam mi?

ŊWED MME PSALM 62:1

UKPƆŊ mi odop ɔnɔ Abasi ikpɔŋ-ikpɔŋ: erinyaŋa mi oto enye.

ŊWED MME PSALM 62:5

O ukpɔŋ mi, dop nɔ Abasi ikpɔŋ-ikpɔŋ: koro idorienyin mi otode enye.

ŊWED MME PSALM 71:4

O Abasi mi, nam mi mbɔhɔ idiɔk owo ke ubɔk, ke ita anam-idiɔk ye eke owo nnama.

ŊWED MME PSALM 71:5

Koro afo, O Ɔbɔŋ Jehovah, edide idori-enyin mi; ye iberedem mi, ɔtɔŋɔde ke ini uyen mi.

EXODUS 17:4

Ndien Moses eseme ɔnɔ Jehovah, ete, Ndinam nso ye mbon emi?

MME ŊKE 18:10

Enyiŋ Jehovah edi ɔkpɔsɔŋ tower: eti owo efehe oduk ke esit, ndien odu ke ifure.

ISAIAH 25:4

Koro afo edide ɔkpɔsɔŋ ebiet owo unana, ɔkpɔsɔŋ ebiet eyen ubuene ke nnanenyin esie, ubɔhɔ edim, ufuk eyo, koro oyobio mbon afai ebietde edim eke ɔbɔŋde ibibene.

JEREMIAH 16:19

O Jehovah odudu mi, ye ɔkpɔsɔŋ ufɔk mi, ye ebiet ubɔhɔ mi ke ini ukut, mme idut eyeto ke mme utit isɔŋ etiene fi, enyuŋ edɔhɔ, ete, Ŋkɔm mme ete nnyin ekedia akpa nsu, ye ikpikpu ŋkpɔ, baba kiet eke odorode udori inyuŋ iduhe ke otu mmɔ.

JONAH 2:2

Ukut mi esin mi mfiori ŋkot Jehovah, ndien Enye eyere mi; ndu ke idibi udi nseme, ndien afo okop uyo mi.

NUMBERS 14:10

Edi ofuri esop edɔhɔ ete, Yak etɔŋɔ mmɔ ke itiat. Ndien kpukpru nditɔ Israel ekut ubɔŋ Jehovah ke efe esop.

MATTHEW 21:9

Mme otu owo emi ebemde Enye iso ye mmɔ emi etienede ke edem efiori ete, Hosanna enyene Eyen David; Itoro enyene Enye emi edide ke enyiŋ Jehovah; Hosanna ke ata enyɔŋ.

MATTHEW 27:22

Pilate ete mmɔ, Nnam ndien didie ye Jesus emi ekotde Christ?

JOHN 8:59

Do mmɔ etaŋ itiat ete itɔ Enye: edi Jesus odibe ɔwɔrɔ ke temple.

ŊWED MBON ROME 4:18

Abraham osuk odori enyin onim ke akpanikɔ ke ini idori-enyin miduhe, man enye ekpedi ete ediwak mme idut, kpa nte ekedɔhɔde enye ete, Ntem ke ubon fo editie.

ŊWED MBON ROME 4:20

edi mbuɔtidem ibɔhɔke enye: enye owuk enyin ese uŋwɔŋɔ Abasi, inyuŋ iyikke ke unana mbuɔtidem, edi akabare enyene odudu oto ke mbuɔtidem, ɔnɔ Abasi ubɔŋ:

ŊWED MBON ROME 8:31

Nso ke ididɔhɔ ndien ibaŋa ŋkpɔ emi? Edieke Abasi adade ye nnyin, anie edikeme ndibiɔŋɔ nnyin?

2 ŊWED CORINTH 1:6

Edi edieke nnyin ikutde ukut, edi man mbufo enyene ndɔŋesit ye erinyaŋa; edieke ibɔde ndɔŋesit, edi man mbufo enyene ndɔŋesit, eke anamde mbufo enyene ukeme ndibiom ukem-ukem ndutuhɔ eke nnyin inyuŋ ikutde:

2 ŊWED CORINTH 4:8

Nnyin ikop mfihe ke kpukpru edem, edi iduhe ke mbaba; efina nnyin ekikere,

2 ŊWED CORINTH 7:5

Koro kpa ke ini nnyin isimde Macedonia, ikopde nduɔk-odudu ke obukidem; efefik nnyin ke kpukpru ŋkan; eŋwan odu nnyin ke edem, ndik odu nnyin ke esit.

MME HEBREW 13:6

Ntre ke nnyin imekeme ndisɔŋɔ esit ndɔhɔ ete, Jehovah edi Andiŋwam mi, ndifeheke ndik: Nso ke owo edikeme ndinam mi?

JUDGES 18:25

Ndien nditɔ Dan edɔhɔ enye, ete, Kuyak ekop uyo fo ke otu nnyin, mbak mbon iyaresit edibumere mbufo, ndien afo ɔduɔk uwem fo, ye uwem ufɔk fo.

JUDGES 20:22

Ndien nditɔ Israel esɔŋ esit, enyuŋ etɔŋɔ ntak etim udim-ekɔŋ ke ebiet oro mmɔ eketimde ke akpa usen.

1 SAMUEL 1:10

Ndien esit ɔdiɔk enye, (Hannah), enye onyuŋ ekpe Jehovah ubɔk, onyuŋ atua ɔkpɔsɔŋ eyet.

1 SAMUEL 23:16

Ekem Jonathan eyen Saul adaha ke enyɔŋ, aka okosim David ke akai, onyuŋ ɔsɔŋɔ enye ubɔk ke Abasi.

1 SAMUEL 28:15

Ndien Samuel ɔdɔhɔ Saul, ete, Afo anam didie otimere mi ke edinam mi ndɔk ndi? Ndien Saul ɔbɔrɔ ete, Mmetie ke ata itie ukut: ndien mme Philistine ke eŋwana ekɔŋ ye ami, Abasi ama onyuŋ akabare ɔkpɔŋ mi, inyuŋ ibɔrɔke aba mi ke ubɔk mme prophet, ye ke ndap: mmɔdo ŋkotde fi, man afo eteme mi se ndinamde.