1 SAMUEL 30:4 - Edisana ñwed Abasi Ibom

⁴ Ndien David ye mmɔ eke edude ye enye, emenere uyo mmɔ etua eyet, tutu enana odudu eyet.

1 SAMUEL 30:4 ပူးပေါင်းရင်းမြစ်များ

EZRA 10:1

EKEM adaŋemi Ezra akanamde mkpeubɔk, okonyuŋ ayararede, atua eyet, onyuŋ ɔduɔ ke isɔŋ ke iso ufɔk Abasi, ata akwa otu iren-owo, ye iban, ye nditɔwɔŋ emi etode ke Israel, esop idem ke ɔtɔ esie: koro kpukpru owo etuade eyet eti-eti.

NUMBERS 14:1

NDIEN ofuri esop emenere uyo mmɔ eseme: kpukpru owo enyuŋ etua eyet ŋko ke okoneyo oro.

NUMBERS 14:39

Ekem ke adaŋemi Moses eketiŋde ikɔ emi ɔnɔ kpukpru nditɔ Israel, mmɔ etua eyet eti-eti.

JUDGES 2:4

Edikem, ke ini angel Jehovah eketiŋde ikɔ emi ɔnɔ kpukpru nditɔ Israel, kpukpru owo emenere uyo mmɔ etua eyet.

JUDGES 21:2

Edikem kpukpru owo edi ke Bethel, enyuŋ etie do ke iso Abasi, tutu osim mbubreyo, enyuŋ emenere uyo mmɔ etua akamba eyet;

1 SAMUEL 11:4

Ekem mme isuŋutom oro edisim Gibeah Saul, enyuŋ edɔhɔ ikɔ emi ke utɔŋ mbio-obio: ndien kpukpru mbio-obio emenere uyo mmɔ etua eyet.

1 SAMUEL 30:3

Ekem David ye ikɔt esie edisim obio: ndien, sese, ema ekefɔp obio ke ikaŋ; ema enyuŋ etaŋ iban mmɔ, ye nditɔ mmɔ iren ye iban enyɔŋɔ.

1 SAMUEL 4:13

Ndien adaŋemi enye edide, sese, Eli ke etie ke ebekpo esie ke mben ɔkpɔ-usuŋ, ekpeme: koro nsia oyomode enye abaŋa ekebe Abasi. Ndien adaŋemi owo oro odukde ke obio eketiŋ,ofuri obio osio mkpo.