1 SAMUEL 30:14 - Edisana ñwed Abasi Ibom

¹⁴ Nnyin ika ekɔŋ ke edem usuk mme Cherethite, ye ke se inyenede Judah, ye ke edem usuk Caleb; inyuŋ ifɔp Ziklag ke ikaŋ.

1 SAMUEL 30:14 ပူးပေါင်းရင်းမြစ်များ

2 SAMUEL 8:18

Benaiah eyen Jehoiada onyuŋ edi etubom mme Cherethite ye eke mme Pelethite; nditɔ-iren David enyuŋ edi mbɔŋ.

1 NDIDEM 1:38

Ndien Zadok oku, ye Nathan prophet, ye Benaiah eyen Jehoiada, ye mme Cherethite, ye mme Pelethite, esuhɔre, mmɔ enyuŋ eda Solomon edori ke mule edidem David, enyuŋ eda enye eka ke Gihon.

1 NDIDEM 1:44

Edidem omonyuŋ ɔdɔŋ Zadok oku, ye Nathan prophet, ye Benaiah eyen Jehoiada, ye mme Cherethite, ye mme Pelethite esaŋa ye enye, mmɔ ema enyuŋ edori enye ke mule edidem:

1 CHRONICLES 18:17

ndien Benaiah eyen Jehoiada edi etubom mme Cherethite, ye eke mme Pelethite; nditɔ-iren David enyuŋ edi akpan owo ke ubɔk edidem.

EZEKIEL 25:16

mmɔdo ntem ke Ɔbɔŋ Jehovah ɔdɔhɔ ete, Sese, ami mmɔŋ nnyanare ubɔk mi nnam mme Philistine, nnyuŋ nsibe mme Cherethite mfep, nnyuŋ nsobo se isuhɔde ke mben-inyaŋ.

ZEPHANIAH 2:5

Osuk ɔdiɔk ɔnɔ mme andiduŋ mben inyaŋ idut mme Cherethite! uyo Jehovah abaŋa mbufo; O Canaan, isɔŋ mme Philistine, nyesobo fi ŋko tutu owo eke oduŋde iduhe.

JOSHUA 14:13

Ndien Joshua ɔdiɔŋ enye, onyuŋ ada Hebron ɔnɔ Caleb eyen Jephunneh ke udeme.

JOSHUA 15:13

Ndien enye ɔnɔ Caleb eyen Jephunneh udeme ke ufɔt nditɔ Judah, kpa nte jehovah ɔkɔdɔhɔde Joshua, kpa obio Arba ete Anak, enye edi Hebron.

JOSHUA 21:12

Edi emen iŋwaŋ obio oro, ye mme obio iŋwaŋ esie, enɔ Caleb eyen Jephunnah ada enyene.

1 SAMUEL 25:3

Ndien enyiŋ owo oro ekere Nabal; enyiŋ ŋwan esie onyuŋ ekere Abigail: ndien ŋwan oro enyene eti ibuot, onyuŋ eye iso: edi eren oro ɔsɔŋ ido, onyuŋ ɔdiɔk ido; enye onyuŋ oto ke oruk Caleb.

1 SAMUEL 30:1

EDIKEM adaŋemi David ye ikɔt esie esimde Ziklag ke ɔyɔhɔ usen ita, mme Amalekite ema ekedi ekɔŋ ke edem usuk, ye ke Ziklag, enyuŋ esuan Ziklag,

1 SAMUEL 30:13

Ndien David obup enye, ete, Anie enyene fi? Afo onyuŋ oto mmɔŋ? Enye ɔdɔhɔ ete, Ami ndi eyen Egypt, ofin Amalekite kiet; ndien ete mi ɔkɔkpɔŋ mi, koro ŋkɔdɔŋɔde ke usen ita.

1 SAMUEL 30:15

Ndien David obup enye, ete, Nte afo edida mi ɔsuhɔre edisim udim emi? Ndien enye ɔbɔrɔ ete, Tomo Abasi nɔ mi, ete ke afo uduwotke mi, udunyuŋ udaha mi usin ete mi ke ubɔk, ndien nyeda fi nsuhɔre ŋkosim udim oro.

1 SAMUEL 30:16

Ekem adaŋemi enye akadade enye ɔsuhɔre, sese, mmɔ efuk ofuri iso isɔŋ, ke edia ŋkpɔ, enyuŋ eŋwɔŋ, enyuŋ enek unek, ebaŋa adaŋa ekese mbume oro mmɔ ekebumede ke isɔŋ mme Philistine, ye ke isɔŋ Judah.