1 SAMUEL 3:9 - Edisana ñwed Abasi Ibom

⁹ Ndien Eli ɔdɔhɔ Samuel, ete, Ka kanana: ndien ama ekem, edieke edikotde fi, bɔrɔ ndien, ete, O Jehovah, dɔhɔ; koro owo fo ɔmɔŋ okop. Ndien Samuel aka akana ke ɔtɔ esiemɔ.

1 SAMUEL 3:9 ပူးပေါင်းရင်းမြစ်များ

ŊWED MME PSALM 85:8

Nyekop se Abasi Jehovah edidɔhɔde: koro enye eyedɔhɔ emem-emem ye ikɔt esie, ye mbon-ima esie: edi kuyak mmɔ efiak edem ke ndisime.

ŊWED MME PSALM 85:9

Erinyaŋa esie emekpere mmɔ eke ebakde enye ikpɔŋ-ikpɔŋ, man ubɔŋ oduŋ ke edem nnyin.

EXODUS 20:19

Ndien mmɔ edɔhɔ Moses ete, Afo tiŋ nɔ nnyin, nnyin iyekop: edi yak Abasi okudɔhɔ ye nnyin, mbak nnyin idikpaŋa.

ISAIAH 6:8

Ndien ŋkop uyo Ɔbɔŋ ɔdɔhɔde, ete, Anie ke ndidɔŋ utom? Anie edinyuŋ aka ŋkpɔ ɔnɔ nnyin? Ndien ndɔhɔ nte, Se mi, dɔŋ mi utom.

DANIEL 10:19

Kufehe, O owo emi enemde Abasi esit; ɔfɔn ɔnɔ fi, sɔŋ esit, tim sɔŋ esit. Ndien ke adaŋemi enye ɔdɔhɔde ntre ye ami, ami ŋkop idem, nnyuŋ ndɔhɔ nte, Yak Ɔbɔŋ mi etiŋ ndien; koro afo amanam idem ɔsɔŋ mi.

UTOM MME APOSTLE 9:6

Edi daha ke enyɔŋ, duk ke obio, ndien eyesian fi se afo enyenede ndinam.

JOSHUA 5:14

Ndien enye ete, Ih ih; koro ami ndi ke emi nte etubom mbon-ekɔŋ Jehovah. Ndien Joshua ɔduɔ ke isɔŋ okubi iso esie, atuak ibuot, onyuŋ obup enye, ete, Nso ke Ɔbɔŋ mi ɔdɔhɔ owo esie?

1 SAMUEL 3:10

Ndien Jehovah edi edida, onyuŋ okot kpa nte eke akpa, ete, Samuel, Samuel. Ndien Samuel ɔbɔrɔ, ete, Dɔhɔ; koro owo fo ɔmɔŋ okop.

1 SAMUEL 3:8

Ndien Jehovah ɔtɔŋɔ ntak okot Samuel ɔyɔhɔ utim ikata. Ndien enye adaha ke enyɔŋ aka ke ɔtɔ Eli, ɔkɔdɔhɔ ete, Se mi mi ŋkɔm afo okokot mi. Ndien Eli ɔdiɔŋɔ ete ke Jehovah okokot eyen ɔwɔŋ oro.