1 SAMUEL 3:18 - Edisana ñwed Abasi Ibom

¹⁸ Ndien Samuel emen kpukpru ikɔ oro etiŋ ɔnɔ enye, inyuŋ idipke enye baba kiet. Ndien enye ɔbɔrɔ ete, Ke edi Jehovah: yak enye anam se ifɔnde enye ke enyin.

1 SAMUEL 3:18 ပူးပေါင်းရင်းမြစ်များ

GENESIS 18:25

Nsa fo O! Ndinam ntem, ndiwot mmɔ eke enende ye mmɔ eke minenke: mmɔ eke enende ndinyuŋ ntie nte mmɔ eke minenke, nsa fo O! Nte Ebierikpe ofuri ererimbot idinamke se inende?

2 SAMUEL 10:12

ami nyedi ndinyaŋa fi. Sɔŋ esit, yak nnyin inyuŋ inam nte iren-owo inɔ oruk nnyin, ye mme obio Abasi nnyin: yak Jehovah onyuŋ anam nte enye amade.

2 SAMUEL 15:26

edi edieke enye ɔdɔhɔde ntem, ete, Mmaŋa fi: se mi mi, yak enye anam mi nte enye amade.

2 NDIDEM 20:19

Ndien Hezekiah ɔdɔhɔ Isaiah, ete, Uyo Jehovah emi afo ɔdɔhɔde ɔfɔn. Enye onyuŋ ɔdɔhɔ, ete, Ŋkɔm emem ye akpanikɔ eyedu ke ini mi?

1 CHRONICLES 19:13

Sɔŋ esit, yak nnyin idaha uko ibaŋa oruk nnyin ye mme obio Abasi nnyin; yak Jehovah onyuŋ anam se enye amade.

ŊWED JOB 1:21

Enye onyuŋ ɔdɔhɔ ete: Ŋkoto iferi ke idibi eka mi ŋwɔrɔ, nyenyuŋ mfiak do iferi: edi Jehovah ɔkɔnɔ, Jehovah onyuŋ ɔbɔ; ekɔm enyiŋ Jehovah.

ŊWED JOB 2:10

Kpɔŋ Abasi, ndien kpa mkpa. Ndien enye ɔdɔhɔ ŋwan, ete, Afo ɔdɔhɔ nte ndisime ŋwan ɔdɔhɔde; nte nnyin ibɔ Abasi eti ŋkpɔ, ndien idibɔhɔ idiɔk ŋkpɔ ŋko? Ke ofuri ŋkpɔ emi Job inamke idiɔk ke mkpɔk-inua esie.

ŊWED MME PSALM 39:9

Ntie imum, ntatke inua mi: koro edide afo akanam.

EXODUS 34:5

Ndien Jehovah etie ke obubit enyɔŋ ɔsuhɔre, edida ye enye do, onyun ataŋa enyiŋ Jehovah.

ISAIAH 39:8

Ndien Hezekiah ɔdɔhɔ Isaiah, ete, Ikɔ Jehovah emi afo ɔdɔhɔde ɔfɔn. Enye onyuŋ ɔdɔhɔ ete, Koro emem ye akpanikɔ eyedu ke eyo mi.

JEREMIAH 34:6

Ndien Jeremiah prophet etiŋ kpukpru ikɔ emi ɔnɔ Zedekiah edidem Judah ke Jerusalem;

JEREMIAH 38:14

Ndien Zedekiah edidem ɔdɔŋ ekeda Jeremiah prophet esɔk enye ke ɔyɔhɔ enyin-usuŋ ita emi odude ke ufɔk Jehovah; ndien edidem ɔdɔhɔ Jeremiah, ete, Ami mmɔŋ mbup fi ŋkpɔ kiet; kudip mi baba ikɔ kiet.

JEREMIAH 42:4

Ndien Jeremiah prophet ɔdɔhɔ mmɔ, ete, Mmokop; sese, ami nyekpe Jehovah Abasi mbufo ubɔk, nte ekemde ke uyo mbufo; ndien ama ekem nyesian mbufo kpukpru ikɔ emi Jehovah edibɔrɔde mbufo: ndidipke mbufo baba ikɔ kiet.

ŊWED ESEME 3:39

Owo uwem edinam didie eseme, owo anam didie eseme (ufen) idiɔk ido esie?

LEVITICUS 10:3

Ndien Moses ɔdɔhɔ Aaron ete, Emi edi se Jehovah ɔdɔhɔde ete, Kpukpru mmɔ eke esaŋade ekpere mi, enyene ndise mi ke edisana, enyuŋ enyene ndikpono mi ke iso kpukpru owo. Ndien Aaron odop uyo.

1 PETER 5:6

Esuhɔre idem ndien ke idak ɔkpɔsɔŋ ubɔk Abasi, man Enye ekpemenere mbufo onim ke enyɔŋ ke edikem ini.

JUDGES 10:15

Ndien nditɔ Israel edɔhɔ Jehovah, ete, Nnyin ima inam idiɔk ido: nam nnyin ŋkpɔ ekededi eke afo amade; edi, mbɔk, kam nyaŋa nnyin mfin emi.