1 SAMUEL 3:10 - Edisana ñwed Abasi Ibom

¹⁰ Ndien Jehovah edi edida, onyuŋ okot kpa nte eke akpa, ete, Samuel, Samuel. Ndien Samuel ɔbɔrɔ, ete, Dɔhɔ; koro owo fo ɔmɔŋ okop.

1 SAMUEL 3:10 ပူးပေါင်းရင်းမြစ်များ

JOSHUA 5:14

Ndien enye ete, Ih ih; koro ami ndi ke emi nte etubom mbon-ekɔŋ Jehovah. Ndien Joshua ɔduɔ ke isɔŋ okubi iso esie, atuak ibuot, onyuŋ obup enye, ete, Nso ke Ɔbɔŋ mi ɔdɔhɔ owo esie?

1 SAMUEL 12:2

Ndien, sese, ke emi edidem ke asaŋa mbufo ke iso: ami mmɔsɔŋ mmonyuŋ ntibe iwat; ndien, sese, nditɔ mi edu ye mbufo: ami mma nnyuŋ nsaŋa ke iso mbufo toto ke ini uyen mi tutu osim mfin emi.

1 SAMUEL 3:11

Ndien Jehovah ɔdɔhɔ Samuel, ete, Sese, ami mmɔŋ nnam ŋkpɔ kiet ke Israel, eke edinamde utɔŋ mbiba eduat kpukpru mmɔ eke ekopde enye.

1 SAMUEL 3:15

Ndien Samuel ana ke isɔŋ tutu eyo esiere, ndien eberere itim ufɔk Jehovah: ndien ndik iyakke Samuel etiŋ ŋkukut emi ɔnɔ Eli.

1 SAMUEL 3:21

Ndien Jehovah ɔtɔŋɔ ntak owut mmɔ idem ke Shiloh: koro Jehovah ayararede idem ɔnɔ Samuel ke Shiloh ke uyo Jehovah.

1 SAMUEL 3:8

Ndien Jehovah ɔtɔŋɔ ntak okot Samuel ɔyɔhɔ utim ikata. Ndien enye adaha ke enyɔŋ aka ke ɔtɔ Eli, ɔkɔdɔhɔ ete, Se mi mi ŋkɔm afo okokot mi. Ndien Eli ɔdiɔŋɔ ete ke Jehovah okokot eyen ɔwɔŋ oro.

1 SAMUEL 3:9

Ndien Eli ɔdɔhɔ Samuel, ete, Ka kanana: ndien ama ekem, edieke edikotde fi, bɔrɔ ndien, ete, O Jehovah, dɔhɔ; koro owo fo ɔmɔŋ okop. Ndien Samuel aka akana ke ɔtɔ esiemɔ.