1 SAMUEL 28:9 - Edisana ñwed Abasi Ibom

⁹ Ndien ŋwan oro ɔdɔhɔ enye, ete, Sese, afo ɔmɔfiɔk se Saul akanamde, nte enye okosibede mme nsaŋa ekpo, ye mbia-idiɔŋ ke isɔŋ efep: afo anam didie, ndien, ɔkɔk afia ɔnɔ uwem mi ete owot mi?

1 SAMUEL 28:9 ပူးပေါင်းရင်းမြစ်များ

2 SAMUEL 18:13

Mma ŋkpanam abiaŋa ntuk uwem mi, ndien baba ŋkpɔ kiet idibeke edidem, afo okponyuŋ onim idem ke usua mi.

2 NDIDEM 5:7

Edikem ke ini edidem Israel okotde ŋwed oro, enye awai ɔfɔŋ-idem esie, ete, Nte ami ndi Abasi, eke ŋwotde, nnyuŋ nnimde owo uwem, eke esinde owo emi ɔdɔŋ owo etiene mi, ete nnam akpa-mfia okure enye? Mbɔk, mbufo efiɔk, ndien, enyuŋ ese nte enye oyomde mi ikɔ.

LEVITICUS 19:31

Mbufo ekukabare etiene ekpo, ekunyuŋ ebup mbia-idiɔŋ, mbak mmɔ edisabare mbufo: ami ndi Jehovah Abasi mbufo.

1 SAMUEL 28:10

Ndien Saul otomo Jehovah ɔnɔ enye, ete, Ma uwem Jehovah, ufen idisimke fi ibaŋa ikɔ emi.

1 SAMUEL 28:3

Ndien Samuel ama akakpa, ofuri Israel ema enyuŋ etuaŋa enye, enyuŋ ebuk enye ke Ramah, ke obio esie. Saul ama okonyuŋ ebin mmɔ eke enyenede nsaŋa ekpo, ye mbia-idiɔŋ, ke isɔŋ efep.