1 SAMUEL 28:6 - Edisana ñwed Abasi Ibom

⁶ Ndien adaŋemi Saul obupde Jehovah, Jehovah ibɔrɔke enye ke ndap, ye ke Urim, ye ke mme prophet.

1 SAMUEL 28:6 ပူးပေါင်းရင်းမြစ်များ

2 SAMUEL 22:42

Mmɔ etiŋ enyin ese, edi owo eke anyaŋade iduhe; ese Jehovah, edi enye ibɔrɔke mmɔ.

ŊWED MME PSALM 74:9

Nnyin ikwe mme idiɔŋɔ nnyin; prophet iduhe aba: ndien owo eke ɔfiɔkde adaŋa ini ewe, iduhe ye nnyin.

EXODUS 28:20

Ye ɔyɔhɔ udim inaŋ, beryl, ye onyx, ye jasper: esine ke socket o-gold ke ɔtɔ eke esinde mmɔ.

EXODUS 28:30

Ndien da Urim ye Thummim sin ke mbana-ikpanesit-ikpe; ndien mmɔ eyedoro Aaron ke esit, ke ini enye odukde ke iso Jehovah, ndien Aaron edibiom ikpe nditɔ Israel ke esit esie ke iso Jehovah kpukpru ini.

MME ŊKE 27:1

KUBURE mbure ubaŋa mkpɔŋ: koro afo mufiɔkke se usen kiet edimande.

JEREMIAH 23:28

Yak prophet eke ndap odude ye enye etiŋ ndap; ndien yak owo eke ikɔ mi odude ye enye, etiŋ ikɔ mi akpan-akpan. Ikpɔk ibokpot asaŋa nso ye idem ibokpot? Jehovah ɔdɔhɔ.

ŊWED ESEME 2:9

Mme itim esie ebuhɔ ke isɔŋ; enye abiat onyuŋ obuŋ eto usin-usuŋ esie: edidem esie ye mbɔŋ esie edu ke otu mme idut; ŋwed mbet iduhe: prophet esie inyuŋ ikwe ŋkukut eke otode Jehovah.

JOEL 2:28

Ndien ama ekem ke ini ŋkpɔ emi ebede, nyeŋwaŋa spirit mi nnɔ ofuri obukidem; ndien nditɔiren mbufo, ye nditɔ mbufo iban eyetiŋ prophecy, mbiowo mbufo eyedaba ndap, mkparawa mbufo eyekut ŋkukut.

LEVITICUS 8:8

Ndien ɔkɔŋɔ enye mbana-ikpanesit; onyuŋ esin URIM ye THUMMIM ke mbana-ikpanesit.

MICAH 3:7

Ndien but eyenam mbon ŋkukut; mbia-idiɔŋ eyenyuŋ efuk mkpɔk-inua mmɔ: koro ibɔrɔ Abasi mididuhe.

NUMBERS 12:6

Ndien enye ɔdɔhɔ ete, Mbufo ekop ndien ikɔ mi: edieke prophet ediduŋde ke otu mbufo, ami Jehovah nyeyarare idem mi nnɔ enye ke ŋkukut, nnyuŋ ndɔhɔ ye enye ke ndap.

NUMBERS 27:21

Ndien enye edida ke iso Eleazar oku, emi edibupde ŋkpɔ ke ido Urim ke iso Jehovah enɔ enye: ndien mmɔ edida uyo esie ewɔrɔ, enyuŋ eda uyo esie eduk, enye, ye kpukpru nditɔ Israel ŋko, kpa ofuri esop.

MATTHEW 1:20

Edi ke adaŋemi enye ekerede mme ŋkpɔ emi, sese, angel Jehovah ɔbiɔŋɔre enye ke iso ke ndap, ete enye, Joseph, eyen David, kufehe ndida Mary ŋwan fo nnyɔŋ ufɔk: koro idibi oro enye oyomode oto ke Edisana Spirit.

JOHN 9:31

Nnyin imɔfiɔk ite Abasi ikopke ebeŋe mme idiɔk owo: edi edieke owo eteŋede Abasi, onyuŋ anamde se Abasi amade, Enye okop ebeŋe owo oro.

DEUTERONOMY 33:8

Enye onyuŋ ɔdɔhɔ abaŋa Levi, ete, Akpanikɔ Fo ye uŋwana Fo eyedu ye owo emi Afo amade, emi Afo okodomode ke Massah, okonyuŋ ɔtɔhɔde ye enye ke ikɔ mmɔŋ Meribah:

JAMES 4:3

Mbufo ebeŋe, edi inɔŋɔ mbufo, koro mbufo ebeŋede ke idiɔk usuŋ, man eda edep ŋkpɔ-mbre.

1 SAMUEL 14:37

Ndien Saul obup Abasi, ete, Nte nsuhɔre mbine mme Philistine? Nte afo edida mmɔ esin ke ubɔk Israel? Edi enye ibɔrɔke enye ke ini oro.

1 SAMUEL 28:15

Ndien Samuel ɔdɔhɔ Saul, ete, Afo anam didie otimere mi ke edinam mi ndɔk ndi? Ndien Saul ɔbɔrɔ ete, Mmetie ke ata itie ukut: ndien mme Philistine ke eŋwana ekɔŋ ye ami, Abasi ama onyuŋ akabare ɔkpɔŋ mi, inyuŋ ibɔrɔke aba mi ke ubɔk mme prophet, ye ke ndap: mmɔdo ŋkotde fi, man afo eteme mi se ndinamde.

1 SAMUEL 28:5

Ndien adaŋemi Saul okutde nna-ekɔŋ mme Philistine, enye edikhe, nsia onyuŋ oyomo enye eti-eti.