1 SAMUEL 28:21 - Edisana ñwed Abasi Ibom

²¹ Ndien ŋwan oro etiene Saul, onyuŋ okut nte idem akpade enye eti-eti, ndien ŋwan ɔdɔhɔ enye, ete, Sese ofin aŋwan fo ama okop uyo fo, mma nnyuŋ nda uwem mi nsin fi ke ubɔk, nnyuŋ ŋkop ikɔ fo oro afo ɔkɔdɔhɔde mi.

1 SAMUEL 28:21 ပူးပေါင်းရင်းမြစ်များ

2 NDIDEM 6:11

Ntre esit etimere edidem Syria abaŋa ŋkpɔ emi; ndien enye okot ikɔt esie, onyuŋ obup mmɔ, ete, Nte mbufo idiwutke mi owo ke otu nnyin, emi adade ye edidem Israel?

ŊWED JOB 13:14

Edi se ededi, nyemen obuk mi ke edet mi, nnyuŋ nsin uwem mi ke ubɔk mi.

JUDGES 12:3

Ndien ke ini ŋkutde nte mbufo midige idinyaŋa, nda uwem mi nsin ke ubɔk, ndien nsaŋa mbe ŋka ekɔŋ ye nditɔ Ammon, ndien Jehovah ada mmɔ esin mi ke ubɔk: mbufo enam didie ndien edɔk etiene mi mfin emi ndiŋwana ekɔŋ ye ami.

1 SAMUEL 19:5

ndien enye ekesin uwem esie ke ubɔk esie okowot Philistine oro, Jehovah okonyuŋ anam akamba erinyaŋa ɔnɔ ofuri Israel; afo ama okut, onyuŋ adat esit: nsinam ndien afo oyomde ndinam idiɔk ye iyip owo emi miduehe, ke ndiwot David ke ikpikpu?

1 SAMUEL 28:20

Ndien ndo-ndo oro Saul anyanare ɔduɔ ke isɔŋ, onyuŋ edikhe ikɔ Samuel eti-eti: odudu inyuŋ iduhe aba enye ke idem: koro enye mikadiaha ŋkpɔ ke ofuri uwemeyo, ye ke ofuri okoneyo.

1 SAMUEL 28:22

Mbɔk, ndien, afo ŋko-ŋko nyuŋ kop uyo ofin aŋwan fo, nyuŋ yak nda udia esisit nnim fi ke iso; ndien dia, man idem ɔsɔŋ fi ke ini afo asaŋade ke usuŋ.