1 SAMUEL 28:20 - Edisana ñwed Abasi Ibom

²⁰ Ndien ndo-ndo oro Saul anyanare ɔduɔ ke isɔŋ, onyuŋ edikhe ikɔ Samuel eti-eti: odudu inyuŋ iduhe aba enye ke idem: koro enye mikadiaha ŋkpɔ ke ofuri uwemeyo, ye ke ofuri okoneyo.

1 SAMUEL 28:20 ပူးပေါင်းရင်းမြစ်များ

ŊWED JOB 26:2

Afo aŋwam enye emi minyeneke odudu adaŋa didie! onyuŋ anyaŋa ubɔk eke misɔŋɔke!

1 SAMUEL 25:37

Edikem ke eyo esierede, ke adaŋemi wine oro atamde Nabal, ŋwan esie obuk kpukpru ikɔ emi ɔnɔ enye, ndien esit akpa enye ke idibi, enye onyuŋ akabare etie nte itiat.

1 SAMUEL 28:19

Jehovah eyenyuŋ ada Israel ŋko ye afo esin mme Philistine ke ubɔk: ndien mkpɔŋ afo ye nditɔ-iren fo eyedu ye ami: Jehovah eyenyuŋ ada mbon-ekɔŋ Israel esin mme Philistine ke ubɔk.

1 SAMUEL 28:21

Ndien ŋwan oro etiene Saul, onyuŋ okut nte idem akpade enye eti-eti, ndien ŋwan ɔdɔhɔ enye, ete, Sese ofin aŋwan fo ama okop uyo fo, mma nnyuŋ nda uwem mi nsin fi ke ubɔk, nnyuŋ ŋkop ikɔ fo oro afo ɔkɔdɔhɔde mi.

1 SAMUEL 28:5

Ndien adaŋemi Saul okutde nna-ekɔŋ mme Philistine, enye edikhe, nsia onyuŋ oyomo enye eti-eti.