1 SAMUEL 28:18 - Edisana ñwed Abasi Ibom

¹⁸ koro afo mukokopke uyo Jehovah, mukonyuŋ unamke Amalek nte ekemde ke ifiopesit esie, mmɔdo Jehovah anamde fi ntem mfin emi.

1 SAMUEL 28:18 ပူးပေါင်းရင်းမြစ်များ

1 NDIDEM 20:42

Ndien enye ɔdɔhɔ edidem, ete, Ntem ke Jehovah ɔdɔhɔ ete, koro afo akasanade owo nsobo mi ayak ɔbɔhɔ ke ubɔk, mmɔdo edikaŋade uwem fo ke ibuot uwem esie, ye ikɔt fo ke ibuot ikɔt esie.

1 CHRONICLES 10:13

Ntre ke Saul akpa ke eridue emi enye eduede Jehovah, kpa ke ikɔ Jehovah emi enye mikonimke, koro enye etienede nsaŋa ekpo,

JEREMIAH 48:10

Osuk ɔdɔdiɔk ɔnɔ owo eke edinamde utom Jehovah enyɔŋ-enyɔŋ! onyuŋ osuk ɔdɔdiɔk ɔnɔ owo eke emende ofut esie ke iyip efep!

1 SAMUEL 13:9

Ndien Saul ɔdɔhɔ ete, Mbufo eda edifɔp uwa, ye uwa emem esɔk mi. Ndien enye ɔfɔp edifɔp uwa.

1 SAMUEL 15:20

Ndien Saul ɔdɔhɔ Samuel, ete, Ŋkɔm mma ŋkop uyo Jehovah, nnyuŋ ŋka ke usuŋ emi Jehovah ɔkɔdɔŋde mi, mma nnyuŋ nda Agag edidem Amalek ndi, nnyuŋ nsobo Amalek fap.

1 SAMUEL 15:28

Ndien Samuel ɔdɔhɔ enye, ete, Jehovah ama awai fi ubɔŋ Israel ke ubɔk osio mfin emi, ama onyuŋ ada enye ɔnɔ mbɔhiduŋ fo emi ɔfɔnde akan fi.

1 SAMUEL 15:9

Ndien Saul ye kpukpru owo eyak Agag, ye ŋkpri ufene, ye enaŋ eke edide nti, ye eke oruk efen, ye nditɔ-erɔŋ, ye kpukpru se ifɔnde, inyuŋ inyimeke ndisobo mmɔ: edi mmɔ esobo kpukpru ufene eke edide mbukkpo ye mfum-mfum.