1 SAMUEL 28:15 - Edisana ñwed Abasi Ibom

¹⁵ Ndien Samuel ɔdɔhɔ Saul, ete, Afo anam didie otimere mi ke edinam mi ndɔk ndi? Ndien Saul ɔbɔrɔ ete, Mmetie ke ata itie ukut: ndien mme Philistine ke eŋwana ekɔŋ ye ami, Abasi ama onyuŋ akabare ɔkpɔŋ mi, inyuŋ ibɔrɔke aba mi ke ubɔk mme prophet, ye ke ndap: mmɔdo ŋkotde fi, man afo eteme mi se ndinamde.

1 SAMUEL 28:15 ပူးပေါင်းရင်းမြစ်များ

ŊWED MME PSALM 51:11

Kumen mi ke iso fo uduɔk; kunyuŋ ubɔ mi edisana spirit fo.

MME ŊKE 14:14

Eyeda usuŋ andifiak edem ke esit eyuhɔ enye: edi eti owo isaŋake kiet ye enye.

HOSEA 9:12

Mmɔ ema ekpebɔk nditɔ mmɔ, ŋkpɔbɔ mmɔ nditɔ tutu baba owo kiet isuhɔke: koro osuk ɔdɔdiɔk ɔnɔ mmɔ ke ini ŋkabarede ŋkpɔŋ mmɔ.

MATTHEW 25:41

Ekem Enye eyedɔhɔ mmɔ emi edude ke ubɔk ufien, ete, Edianare Mi, mbufo emi edide mbon nsobo, ekoduk ke nsinsi ikaŋ, emi ekonimde enɔ Satan ye mme angel esie.

JUDGES 16:20

Ndien enye ɔdɔhɔ ete, Mme Philistine emɔŋ emum fi Samson. Ndien enye edemere ke idap, onyuŋ ɔdɔhɔ ete, Nyewɔrɔ nte ŋkam ŋwɔrɔde, nnyuŋ nnyeŋe idem mi. Edi enye ifiɔkke ite ke Jehovah ɔmɔkpɔŋ imɔ.

1 SAMUEL 18:12

Ndien ndik David anam Saul, koro Jehovah odude ye enye, ama onyuŋ ɔkpɔŋ Saul.

1 SAMUEL 23:2

Ndien David obup Jehovah, ete, Nte ndika ŋkasuan mme Philistine emi? Ndien Jehovah ɔbɔrɔ David, ete, Ka kasuan mme Philistine, nyuŋ nyaŋa Keilah.

1 SAMUEL 23:4

Ndien David ɔtɔŋɔ ntak obup Jehovah. Ndien Jehovah ɔbɔrɔ enye, ete, Daha ke enyɔŋ suhɔre ke Keilah; koro ami nyeda mme Philistine nsin fi ke ubɔk.

1 SAMUEL 28:11

Ndien ŋwan obup ete, Anie ke ndinam ɔdɔk nnɔ fi? Ndien enye ɔbɔrɔ ete, Nam Samuel ɔdɔk nɔ mi.

1 SAMUEL 28:16

Ndien Samuel ɔdɔhɔ ete, Nsinam afo obupde mi, sia Jehovah ama ɔkɔkpɔŋ fi, onyuŋ akabare edi asua fo?

1 SAMUEL 28:6

Ndien adaŋemi Saul obupde Jehovah, Jehovah ibɔrɔke enye ke ndap, ye ke Urim, ye ke mme prophet.

1 SAMUEL 28:8

Ndien Saul oforo owo efen, onyuŋ esine edisine-ŋkpɔ efen, onyuŋ ada owo iba aka, ndien mmɔ esim ɔtɔ ŋwan oro ke okoneyo: ndien enye ɔdɔhɔ ete, Mbɔk, da nsaŋa ekpo bre ɔnɔ mi, nyuŋ nam owo eke ndidɔhɔde fi ɔdɔk nɔ mi.

1 SAMUEL 30:6

ndien David etie ke ata itie ukut: koro kpukpru owo edɔhɔde ete itɔŋɔ enye ke itiat; koro esit ayatde kpukpru owo abaŋa nditɔ mmɔ iren ye iban: edi David ɔsɔŋɔ esit esie ke Jehovah Abasi esie.