1 SAMUEL 27:1 - Edisana ñwed Abasi Ibom

¹ EKEM David ɔdɔhɔ ke esit esie, ete, Usen kiet, ndien, ubɔk Saul eyesobo mi: ŋkwe ŋkpɔ eke ɔfɔnde mi, edi nyebɔhɔ ŋka edem mme Philistine; ndien Saul eyetre ndiyom mi aba ke ofuri adaŋa Israel: ntre ke ndibɔhɔ enye ke ubɔk. Ndien David adaha ke enyɔŋ,

1 SAMUEL 27:1 ပူးပေါင်းရင်းမြစ်များ

1 NDIDEM 12:26

Ekem Jeroboam ɔdɔhɔ ke esit esiemɔ, ete, Ke emi ke ubɔŋ edifiak ufɔk David ke ubɔk:

1 NDIDEM 12:28

Ndien edidem ekere, onyuŋ ada gold anam nditɔ enaŋ iba, onyuŋ ɔdɔhɔ mmɔ ete, Akan mbufo ndidɔk ke Jerusalem: O Israel, se mme abasi emi ekedade mbufo ke isɔŋ Egypt edɔk edi.

1 NDIDEM 19:3

Ndien adaŋemi enye okutde, enye adaha ke enyɔŋ, efehe ke uwem esie, aka ke Beersheba, emi enyenede Judah, ndien ɔkpɔŋ akparawa esie do.

2 CHRONICLES 25:17

Ekem Amaziah edidem Judah ekere, ndien ɔdɔŋ ekedɔhɔ Joash eyen Jehoahaz eyen Jehu, edidem Israel, ete, Di man kiet ese kiet iso.

ŊWED MME PSALM 116:11

Ami ŋkɔdɔhɔ ke ndik mi, nte, “Kpukpru owo edi mme osunsu.”

ŊWED MME PSALM 55:7

Sese, ŋkpefe ŋka anyan ebiet, ŋkpadaŋ ke wilderness. [Selah.]

EXODUS 14:12

Nte emi idige ikɔ oro nnyin ikɔdɔhɔde fi ke Egypt, ite, Kpɔŋ nnyin, man nnyin idi ikɔt nditɔ Egypt? Koro ɔfɔnde ye nnyin nte nnyin idide ikɔt nditɔ Egypt, akan nte idikpaŋade ke wilderness.

MME ŊKE 13:12

Idori-enyin eke anamde ubigi esin esit ɔdɔŋɔ; edi ndibɔ se eyomde edi eto uwem.

ISAIAH 51:12

Ami, ami, ndi enye emi ndɔŋde mbufo esit: afo edi anie eke ekpefehede owo emi edikpade, efehe eyen owo emi edinimde enye nte mbiet;

NUMBERS 14:3

Ndien nsinam Jehovah akadade nnyin edi ke isɔŋ emi, ete ikpaŋa ke ofut, man iban nnyin ye nsek nditɔ nnyin enyuŋ edi ŋkpɔ mbume? Nte ndifiak ke Egypt ifɔnke nnyin ikan?

MATTHEW 14:31

Edi idaha oro Jesus anyanare ubɔk omum enye, onyuŋ ɔdɔhɔ enye ete, O afo owo ekpri mbuɔtidem, nsidi ntak afo eyikde?

MARK 4:40

Ndien Enye ɔdɔhɔ mmɔ ete, Nsinam mbufo efehede ndik? nte mbufo inyeneke kaŋa mbuɔtidem?

2 ŊWED CORINTH 7:5

Koro kpa ke ini nnyin isimde Macedonia, ikopde nduɔk-odudu ke obukidem; efefik nnyin ke kpukpru ŋkan; eŋwan odu nnyin ke edem, ndik odu nnyin ke esit.

1 SAMUEL 16:1

EKEM Jehovah ɔdɔhɔ Samuel, ete, Adaŋa didie ke afo editua Saul, sia mma nsio enye mfep ke idaha edidem Israel? Sin aran ke nduk fo yɔhɔ; ndien ka, nyedɔŋ fi utom ke ebiet Jesse eyen Bethlehem: koro mmokut edidem mi ke otu nditɔ-iren esie.

1 SAMUEL 16:13

Ntre Samuel ada nduk aran eyet enye idem ke otu nditɔ-ete esie: ndien spirit Jehovah oduk David ke idem toto ke usen oro, aka iso. Ndien Samuel adaha ɔnyɔŋ Ramah.

1 SAMUEL 20:3

Ndien David ɔŋwɔŋɔ ŋko, ete, Usɔ ɔmɔfiɔk ete ke afo amama mi; ndien enye, ɔdɔhɔ ete, Kuyak Jonathan ɔfiɔk emi, mbak esit ediyat enye: edi ma uwem Jehovah, ma uwem idem fo ŋko, ayak ikpat kiet ami ndikpa.

1 SAMUEL 22:5

Ndien prophet Gad ɔdɔhɔ David, ete, Kutie ke ɔkpɔsɔŋ ebiet emi; daha ka ke isɔŋ Judah. Ndien David aka okoduk ke akai Hereth.

1 SAMUEL 23:17

Enye onyuŋ ɔdɔhɔ enye, ete, Kufehe ndik: koro ubɔk Saul ete mi midisimke fi; afo eyenyuŋ akabare edi edidem Israel, ami nyenyuŋ ndi andidiana fi; ete mi Saul omonyuŋ ɔfiɔk ntre.

1 SAMUEL 25:30

Ndien ama ekem ke adaŋemi Jehovah edinamde ɔbɔŋ mi kpukpru ufɔn emi enye ɔkɔdɔhɔde abaŋa fi, edinyuŋ onimde fi ke etubom Israel;

1 SAMUEL 26:19

Mbɔk, ndien, yak ɔbɔŋ mi edidem okop uyo owo esie. Ndi Jehovah ekedemere fi ete ebine mi, yak enye ɔbɔ uwa; edi ama edi nditɔ owo, osuk ɔdɔdiɔk ɔnɔ mmɔ ke iso Jehovah; koro mmɔ emebin mi efep mfin emi, esin mi ŋkusop idem ye udeme Jehovah, ete, Ka kanam ŋkpɔ nɔ Abasi efen.

1 SAMUEL 29:2

Ndien mbɔŋ mme Philistine esaŋa ke ikie, ke ikie, ye ke tɔsin ke tɔsin, ebe: David ye ikɔt esie enyuŋ esaŋa ke ukpere-edem ye Achish, ebe.

1 SAMUEL 29:3

Ndien mbɔŋ mme Philistine ebup, ete, Mme Hebrew emi edi mme anie? Ndien Achish ɔbɔrɔ mbɔŋ mme Philistine, ete, Nte emi idige David, owo Saul edidem Israel, emi ama okodu ye ami anyan ini emi, mme ke mme isua emi, ndien ŋkanam ŋkwe enye baba idiɔk ŋkpɔ kiet ke idem, ɔtɔŋɔde ke usen oro enye etienede mi, tutu osim mfin emi.