1 SAMUEL 26:8 - Edisana ñwed Abasi Ibom

⁸ Ndien Abishai ɔdɔhɔ David, ete, Abasi amada usua fo esin fi ke ubɔk mfin emi: mbɔk, kam yak nda eduat ŋkim enye ndian ke isɔŋ ini kiet, ndien ndikim ke enye utim ikaba.

1 SAMUEL 26:8 ပူးပေါင်းရင်းမြစ်များ

2 SAMUEL 16:9

Ndien Abishai eyen Zeruiah ɔdɔhɔ edidem, ete, Okpo ebua emi anam didie osuŋi ɔbɔŋ mi edidem? mbɔk, yak mbe ŋka ŋkebigi enye ibuot.

ŊWED MME PSALM 31:8

ukonyuŋ uyakke mi usin mme asua mi ke ubɔk: edi omonim ukot mi ke akamba ufaŋ.

JEREMIAH 40:15

Ndien Johanan eyen Kareah ɔdɔhɔ Gedaliah ndibe-ndibe ke Mizpah, ete, Mbɔk, yak ŋka ŋkowot Ishmael eyen Nethaniah, ndien baba owo kiet idifiɔkke: enye edinam didie owot fi, ofuri Judah emi ebonode ke ɔtɔ fo edinyuŋ esuana, ubak Judah emi ɔsuhɔde onyuŋ atak?

NAHUM 1:9

Mbufo eduak nso ŋkpɔ ebaŋa Jehovah? Enye eyenam ama: afanikɔŋ iditɔŋɔke ntak itibe.

ŊWED MBON ROME 11:32

Koro Abasi ama okui kpukpru owo abaha ke nsɔŋ-ibuot, man Enye atua kpukpru owo mbɔm.

DEUTERONOMY 32:30

Owo kiet ekpekeme didie ndibine tɔsin, iba ekpenyuŋ ekeme didie ndisin tɔsin duop efeŋe, ke midige Akwa Itiat mmɔ akanyam mmɔ, Jehovah okonyuŋ ayak mmɔ ɔnɔ?

JOSHUA 21:44

Jehovah onyuŋ ɔnɔ mmɔ nduɔk odudu akan okuk, nte enye ɔkɔŋwɔŋɔde kpukpru ɔnɔ mme ete mmɔ baba owo mme asua mmɔ kiet ikemeke ndida ke iso mmɔ; Jehovah emen kpukpru mme asua mmɔ esin mmɔ ke ubɔk.

JUDGES 1:4

Ntre Judah ɔdɔk; ndien Jehovah ada mme Canaanite ye mme Perizzite esin mmɔ ke ubɔk: ndien mmɔ ewot mmɔ tɔsin owo duop ke Bezek.

1 SAMUEL 23:14

Ndien David oduŋ ke wilderness ke mkpɔsɔŋ ebiet, onyuŋ oduŋ ke obot ke wilderness Ziph. Saul onyuŋ oyom enye kpukpru usen, edi Abasi idaha enye isin enye ke ubɔk.

1 SAMUEL 24:4

Ndien ikɔt David edɔhɔ enye, ete, Sese, emi edi usen emi Jehovah ɔkɔdɔhɔde fi, ete, Sese, nyeda usua fo nsin fi ke ubɔk, man anam enye kpa nte afo amade. Ndien David adaha ke enyɔŋ, aka okosibe utɔŋ ekura Saul ke ndibe.

1 SAMUEL 24:5

Edikem ndien esit ɔduɔ David: koro enye okosibede utɔŋ ekura Saul.

1 SAMUEL 26:23

Yak Jehovah onyuŋ ada ido ye akpanikɔ owo osio owo oro usiene: koro Jehovah ekemende fi esin mi ke ubɔk mfin emi, edi ŋkonyimeke ndinyan ubɔk mi ntuk enye emi Jehovah ekeyetde aran.

1 SAMUEL 26:7

Ekem David asaŋa ye Abiashai aka ke ɔtɔ mbon oro ke okoneyo: ndien, sese, Saul ana ke isɔŋ ede ke ɔtɔ mkpoduoho, eduat esie onyuŋ ɔwuhɔ ke isɔŋ ke ɔtɔ udoribuot esie: Abner ye kpukpru owo enyuŋ ena ekan enye ekuk.

1 SAMUEL 26:9

Ndien David ɔdɔhɔ Abishai, ete, Kusobo enye: koro anie edinyan ubɔk esie otuk enye emi Jehovah ekeyetde aran, ndien etre ndidue isop?