1 SAMUEL 26:7 - Edisana ñwed Abasi Ibom

⁷ Ekem David asaŋa ye Abiashai aka ke ɔtɔ mbon oro ke okoneyo: ndien, sese, Saul ana ke isɔŋ ede ke ɔtɔ mkpoduoho, eduat esie onyuŋ ɔwuhɔ ke isɔŋ ke ɔtɔ udoribuot esie: Abner ye kpukpru owo enyuŋ ena ekan enye ekuk.

1 SAMUEL 26:7 ပူးပေါင်းရင်းမြစ်များ

GENESIS 45:19

Mmeteme fi ndien; mbufo enam emi; eda ukpat-ŋkpɔ ke idem mbufo ke isɔŋ Egypt enɔ ŋkpri nditɔwɔŋ mbufo, ye iban mbufo, ndien emen ete mbufo ekama edi.

1 SAMUEL 17:20

Ndien David abak edemere ke usenubɔk, ayak ŋkpri ufene ɔnɔ owo eke ekpemede, ndien emen ŋkpɔ oro asaŋa, nte Jesse ɔkɔdɔhɔde enye: ndien ke ini enye osimde ebiet ukpat-ŋkpɔ, mbon ekɔŋ ewɔŋɔ eduk ke mme udim,enyuŋ esio mkpo ekɔŋ.

1 SAMUEL 26:6

Ndien David ɔbɔrɔ Ahimelech Hittite, ye Abishai eyen Zeruiah, eyen-eka Joab, ete, Anie editiene mi ɔsuhɔre ke ɔtɔ Saul ke nna-ekɔŋ? Ndien Abishai ɔdɔhɔ ete, Ami nyetiene fi nsuhɔre.

1 SAMUEL 26:8

Ndien Abishai ɔdɔhɔ David, ete, Abasi amada usua fo esin fi ke ubɔk mfin emi: mbɔk, kam yak nda eduat ŋkim enye ndian ke isɔŋ ini kiet, ndien ndikim ke enye utim ikaba.