1 SAMUEL 26:5 - Edisana ñwed Abasi Ibom

⁵ Ndien David adaha ke enyɔŋ aka ke ɔtɔ emi Saul anamde nna-ekɔŋ; David onyuŋ okut ebiet emi Saul anade do, ye Abner eyen Ner, etubom mbon-ekɔŋ esie: ndien Saul ana do ke ebiet mkpoduoho, kpukpru owo enyuŋ ena ekan enye ekuk,

1 SAMUEL 26:5 ပူးပေါင်းရင်းမြစ်များ

2 SAMUEL 3:27

Ekem ke ini Abner afiakde okosim Hebron, Joab ada enye ɔkpɔnɔre ada ke inua-otop, ete idɔhɔ ikɔ suŋ-suŋ ye enye; ndien okim enye do ke idibi owot, abaŋa iyip Asahel eyen-eka esie.

1 CHRONICLES 9:39

Ndien Ner obon Kish; ndien Kish obon Saul; ndien Saul obon Jonathan, ye Malchi-shua, ye Abinadab, ye Eshbal.

1 SAMUEL 17:20

Ndien David abak edemere ke usenubɔk, ayak ŋkpri ufene ɔnɔ owo eke ekpemede, ndien emen ŋkpɔ oro asaŋa, nte Jesse ɔkɔdɔhɔde enye: ndien ke ini enye osimde ebiet ukpat-ŋkpɔ, mbon ekɔŋ ewɔŋɔ eduk ke mme udim,enyuŋ esio mkpo ekɔŋ.

1 SAMUEL 17:55

Ndien adaŋemi Saul okutde David nte enye ɔwɔrɔde aka ekɔŋ ye Philistine oro, enye ɔdɔhɔ Abner, etubom mbon-ekɔŋ, ete, Abner, akparawa emi edi eyen anie owo? Ndien Abner ɔbɔrɔ ete, Ma uwem fo, O edidem, mfiɔkke.

1 SAMUEL 26:4

Ekem David ɔdɔŋ mbon uyep, ndien ɔfiɔk ete ke Saul edi ke akpanikɔ.

1 SAMUEL 9:1

NDIEN eyen Benjamin kiet okodu ekere Kish, eyen Abiel, eyen Zeror, eyen Becorath, eyen Aphiah, eyen Benjamin, owo uko.