1 SAMUEL 26:23 - Edisana ñwed Abasi Ibom

²³ Yak Jehovah onyuŋ ada ido ye akpanikɔ owo osio owo oro usiene: koro Jehovah ekemende fi esin mi ke ubɔk mfin emi, edi ŋkonyimeke ndinyan ubɔk mi ntuk enye emi Jehovah ekeyetde aran.

1 SAMUEL 26:23 ပူးပေါင်းရင်းမြစ်များ

2 SAMUEL 22:21

Jehovah ɔnɔ mi usiene, nte eti ido mi edide: ɔnɔ mi nte ubɔk asanade mi.

2 SAMUEL 22:25

Mmɔdo Jehovah osiode mi usiene esin ke nti ido mi: ye nte idem asanade mi ke iso esie.

1 NDIDEM 8:32

ndien afo tie ke enyɔŋ kop, nyuŋ nam, nyuŋ kpe ikpe ikɔt fo, nyuŋ bat idiɔk owo ke idiɔk, nyuŋ da ido esie dori enye ke ibuot; nyuŋ bat edinen ke edinen, nyuŋ nɔ enye nte edinen ido esie ekemde.

NEHEMIAH 13:14

O Abasi mi, ti mi baŋa ŋkpɔ emi, kunyuŋ usɔhi mfɔnido mi emi ŋkanamde ye ufɔk Abasi mi, ye mme utom esie ufep.

ŊWED JOB 34:11

Koro enye eyeda se owo anamde osio usiene ye owo, onyuŋ anam owo okut nte asaŋade ye ido owo.

ŊWED MME PSALM 62:12

ete ke afo, Ɔbɔŋ, omonyuŋ enyene ima, koro ɔnɔde owo ekem ye se owo anamde.

1 SAMUEL 24:11

Ndien ŋko, ete mi, se utɔŋ ekura fo ke ubɔk mi: koro ŋkesibede utɔŋ ekura fo mfep, ndien mme-ŋwotke fi, da oro fiɔk, nyuŋ se, ete ke idiɔk ido ye ukwaŋ-ŋkpɔ iduhe mi ke ubɔk, ŋkonyuŋ nduehe fi baba ŋkpɔ kiet; edi afo ke osuk ebine ndibɔ mi uwem.

1 SAMUEL 24:12

Jehovah osuk ekpe ikpe ke ufɔt mi ye afo, Jehovah osuk onyuŋ osio usiene ye afo ɔnɔ mi: edi ubɔk mi iditukke fi.

1 SAMUEL 24:18

Afo ama onyuŋ etiŋ eti ŋkpɔ oro afo akanamde ye ami mfin emi: koro Jehovah akadade mi esin fi ke ubɔk, ndien afo uwotke mi.

1 SAMUEL 24:19

Ke ini owo okutde asua esie, nte eyeyak enye ɔbɔhɔ ke ifure? Jehovah osuk ada eti ŋkpɔ osio fi usiene ke ibuot ŋkpɔ emi afo akanamde ye ami mfin emi.

1 SAMUEL 26:11

Nsa mi O, ma Jehovah, ndinyanke ubɔk mi ntuk enye emi Jehovah ekeyetde aran: edi, mbɔk, kam men eduat emi odude ke ɔtɔ udoribuot esie, ye abaŋ mmɔŋ, ndien yak nnyin inyɔŋ.

1 SAMUEL 26:22

Ndien David ɔbɔrɔ ete, Se eduat edidem! yak akparawa kiet ndien ebe edibɔ enye.

1 SAMUEL 26:9

Ndien David ɔdɔhɔ Abishai, ete, Kusobo enye: koro anie edinyan ubɔk esie otuk enye emi Jehovah ekeyetde aran, ndien etre ndidue isop?