1 SAMUEL 25:7 - Edisana ñwed Abasi Ibom

⁷ Ke emi mmokop ete ke afo enyene mme andifat: ndien mme ekpeme ufene fo ekedu ye nnyin; nnyin ikanamke mmɔ ŋkpɔ, baba ŋkpɔ kiet ikonyuŋ isopke mmɔ ofuri ini oro mmɔ ekedude ke Carmel.

1 SAMUEL 25:7 ပူးပေါင်းရင်းမြစ်များ

2 SAMUEL 13:23

Edikem ke isua iba ema ekebe, Absalom enyene mme andifat idet erɔŋ ke Baal-hazor emi ekperede Ephraim: ndien Absalom okot kpukpru nditɔ-iren edidem edi.

2 SAMUEL 13:24

Ndien Absalom aka ɔkɔdɔhɔ edidem, ete, Mbɔk, sese, owo fo enyene mme andifat idet erɔŋ; mbɔk, yak edidem, ye ikɔt esie esaŋa ye owo fo eka.

LUKE 3:14

Mbonekɔŋ nde ebup enye ete, Nnyin inyene ndinam nso? Enye ete mmɔ, Ekutuk owo, ekunyuŋ edori owo ikɔ ke nsu, enyuŋ enemesit ye ŋkpɔ-eyen-utom mbufo.

ŊWED MBON PHILIPPI 2:15

man mbufo ekunyene ubiom-ikpe, ekunyuŋ enyene ndudue, edi edi nditɔ Abasi eke enanade ndo ke ufɔt ŋkwakwaŋa ye idiɔk emana; emi mbufo ke eyayama ke otu mmɔ nte ntantafiɔŋ ke ererimbot,

ŊWED MBON PHILIPPI 4:8

Ke akpatre item, nditɔ-ete, ŋkpɔ ekededi eke edide akpanikɔ, ye ŋkpɔ ekededi eke enyenede ukpono, ye ŋkpɔ ekededi eke enende, ye ŋkpɔ ekededi eke edide edisana, ye ŋkpɔ ekededi eke odotde ete ema, ye ŋkpɔ ekededi eke ɔwɔrɔde eti etop; edieke eti ido odude ke ŋkpɔ, edieke itoro onyuŋ odude, ekere ŋkpɔ oro.

1 SAMUEL 22:2

Ndien kpukpru owo nnan-enyin, ye kpukpru owo isɔn, ye kpukpru owo eke esit minemke mmɔ, esop idem ke ɔtɔ esie; enye onyuŋ akabare edi etubom mmɔ: ntre ke owo ikie inaŋ edu ye enye.

1 SAMUEL 25:21

Ndien David ama ɔkɔdɔhɔ ete, Ŋkɔm mma ŋkekpeme kpukpru se inyenede owo emi ke wilderness ke ikpikpu, baba ŋkpɔ esie kiet ikonyuŋ isopke: ndien enye ada idiɔk osio mi usiene eti.