1 SAMUEL 25:39 - Edisana ñwed Abasi Ibom

³⁹ Ndien adaŋemi David okopde ete ke Nabal ama akpa, enye ɔdɔhɔ ete, Etoro Jehovah emi ɔkɔtɔhɔde utɔk ŋkpɔ but mi oro okotode ke ubɔk Nabal, okonyuŋ omumde owo esie, ete enye okunam idiɔk; koro Jehovah anamde idiɔk ido Nabal afiak ɔkɔtɔ enye ke ibuot. Ndien David ɔdɔŋ ekeneme nneme ye Abigail, ete ida enye idɔ.

1 SAMUEL 25:39 ပူးပေါင်းရင်းမြစ်များ

2 SAMUEL 1:16

David onyuŋ ɔdɔhɔ enye, ete, Iyip fo ɔsɔp idemfo: koro edi inua fo eketiŋ adian fi, ete, Ami ŋwot enye emi Jehovah ekeyetde aran.

1 NDIDEM 2:44

Ndien edidem onyuŋ ɔdɔhɔ Shimei, ete, Afo ɔmɔfiɔk kpukpru mme idiɔk ido emi esit fo otimde obure, emi afo akanamde David ete mi: Jehovah omonyuŋ ada idiɔk ido fo odori fi ke ibuot.

ESTHER 7:10

Ntre ke mmɔ eyiri Haman ke eto oro enye ekebemde onim ɔnɔ Mordecai. Ndien ikpahesit edidem ɔsuhɔ.

ESTHER 9:25

edi adaŋemi enye (Esther) odukde ke iso edidem, enye ɔdɔhɔ ke ŋwed, ete idiɔk ekikere oro enye ekekerede abaŋa mme Jew afiak odoro enye ke ibuot, ndien eyiri enye ye nditɔ-iren esie ke eto.

ŊWED MME PSALM 7:16

Ibak esie eyefiak ɔtɔ enye ke ibuot, afai esie eyenyuŋ ɔduɔ enye ke etiŋ-ibuot.

ŊWED MME PSALM 9:5

Afo amaduari mme idut, omosobo mme idiɔk, ɔmɔsɔhi enyiŋ mmɔ efep ke nsinsi-nsinsi.

MME ŊKE 18:22

Okut aŋwan okut eti ŋkpɔ, onyuŋ ɔbɔ Jehovah mfɔn.

MME ŊKE 19:14

Ufɔk ye inyene edi akpa mme ete: edi enyene-ibuot aŋwan oto Jehovah.

MME ŊKE 22:23

Koro Jehovah eyekpe ikpe mmɔ, onyuŋ abiat mme andibiat ukpɔŋ mmɔ.

MME ŊKE 31:10

Anie edikut enyene-ido aŋwan? Ŋkɔm ekɔm-urua esie akan pearl anyan usuŋ.

MME ŊKE 31:30

Mfɔnidem edi nsu, uyai onyuŋ edi ikpikpu edi eyetoro ŋwan eke abakde Jehovah.

IKWƆ SOLOMON 8:8

Eyen-eka nnyin emekpri, ndien inyeneke eba: nnyin idinam didie ye eyen-eka nnyin ke usen eke edidɔhɔde ebaŋa enye?

MICAH 7:9

Nyeyɔ ifuresit Jehovah, koro nduede enye: tutu enye edibiere ikɔ mi, onyuŋ ekpe ikpe mi: enye eyesio mi onim ke uŋwana: nyekut edinen ido esie.

2 ŊWED CORINTH 13:7

Imekpe Abasi ubɔk ite mbufo ekudue ke baba ŋkpɔ kiet; ibeŋeke man ikpetie nte nti owo, edi man mbufo enam se inende okposuk edi nte ebatde nnyin nte mbukpo owo.

1 ŊWED THESSALONICA 5:23

Abasi emem ke Idem Esie akpakam anam mbufo esana ofuri-ofuri, onyuŋ ekpeme mbufo ofuri-ofuri ke spirit ye ukpɔŋ ye ikpɔhidem, anam mbufo ekunyene ndo ke ini Ɔbɔŋ nnyin Jesus Christ edidide.

2 ŊWED TIMOTHY 4:18

Ɔbɔŋ eyenyaŋa mi osio ke kpukpru idiɔk ndunam owo, eyenyuŋ ekpeme mi okosim Obio Ubɔŋ Esie ke heaven. Enɔ Enye ubɔŋ ke nsinsi-nsinsi. Amen.

JUDGES 5:2

Mbufo etoro Jehovah: koro mme etubom ke Israel ekebemde iso; koro mbio-obio ekenyimede.

1 SAMUEL 24:15

Jehovah osuk edi ebierikpe ndien, onyuŋ ekpe ikpe ke ufɔt mi ye afo, onyuŋ ese, onyuŋ ɔtɔhɔ utɔk mi, onyuŋ osio mi efep ke ubɔk fo.

1 SAMUEL 25:26

Ndien, ɔbɔŋ mi, ma uwem Jehovah, ma uwem fo ŋko, koro Jehovah amakpan fi ndidue isop iyip, ndinyuŋ nda ubɔk fo nnyaŋa idem fo, yak mme asua fo, ye mmɔ eke eyomde ndidiɔk ye ɔbɔŋ mi ekam etie nte Nabal.

1 SAMUEL 25:32

Ndien David ɔdɔhɔ Abigail, ete, Ekɔm Jehovah Abasi Israel, emi ɔdɔŋde fi, ete edisobo ye ami mfin emi:

1 SAMUEL 25:34

Ndien ke akpanikɔ ma uwem Jehovah Abasi Israel, emi akpande mi ndinnam fi idiɔk-ŋkpɔ, ke afo mukpawarake udi udusobo ye ami, baba eyen-eren kiet ikpɔsuhɔke inɔ Nabal ke eyo esierede.

1 SAMUEL 25:40

Ndien ikɔt David eka ke Carmel, ke ɔtɔ Abigail, ekedɔhɔ enye, ete, David ɔdɔŋ nnyin utom ke ɔtɔ fo, ete ida fi isɔk imɔ idɔ.

1 SAMUEL 26:10

David onyuŋ ɔdɔhɔ ete, Ma uwem Jehovah, Jehovah eyewot enye; mme ini mkpa esie eyedi; mme enye eyesuhɔre ke ekɔŋ, ndien atak.