1 SAMUEL 25:29 - Edisana ñwed Abasi Ibom

²⁹ Edi owo amadaha ke enyɔŋ ndibine fi, nnyuŋ nyom uwem fo: edi eyebɔp uwem ɔbɔŋ mi esin ke ebek uwem ye Jehovah Abasi fo; edi enye eyesin uwem mme asua fo ke esit ŋkpɔ utop-itiat ofuŋ ɔduɔk.

1 SAMUEL 25:29 ပူးပေါင်းရင်းမြစ်များ

GENESIS 15:1

KE ŋkpɔ emi ema ekebe, ikɔ Jehovah osim Abram ke ŋkukut, ete, Kufehe ndik, Abram: Ami ndi otu ekɔŋ fo, utip fo awak eti-eti.

2 SAMUEL 4:8

Ndien mmɔ eda ibuot Ish-bosheth edisɔk David ke Hebron, enyuŋ edɔhɔ edidem, ete, Se ibuot Ish-bosheth, eyen Saul, owo usua fo oro okoyomde uwem fo; ntem ke Jehovah ama osio usiene ye Saul, ye ubon esie, ɔnɔ ɔbɔŋ mi edidem mfin emi.

ŊWED JOB 27:22

Ndien enye (Abasi) otop ŋkpɔ ɔtɔ enye, inyuŋ inyeneke mbɔm: ubɔk esie esin enye efehe itɔk-itɔk.

ŊWED MME PSALM 116:15

Mkpa mbon ima Jehovah edi ŋkpɔ-uto ke enyin esie.

ŊWED MME PSALM 54:3

Koro isen owo enamde ikɔ ye ami: mbon nsɔŋ-ido enyuŋ eyom ukpɔŋ mi: mmɔ inimke Abasi ke iso mmɔ. [Selah.]

ŊWED MME PSALM 66:9

emi onimde ukpɔŋ nnyin ke uwem, ndien iyakke ukot nnyin esehere.

JEREMIAH 10:18

O andiduŋ ɔkpɔsɔŋ ebiet. Koro ntem ke Jehovah ɔdɔhɔ, ete, Sese, ami nyesin mme andiduŋ isɔŋ ke ŋkpɔ-utop ntop mmɔ ke ini emi, nnyuŋ ntuhɔ mmɔ, man mmɔ ekut.

MALACHI 3:17

Ndien Jehovah mme udim ɔdɔhɔ ete, Mmɔ eyedi ata inyene mi ke usen emi ami ndoride; ndien nyetua mmɔ mbɔm, kpa nte owo atuade eyen esie ke anamde ŋkpɔ ɔnɔ enye mbɔm.

JOHN 14:19

Osuk esisit, ndien ererimbot idikwe Mi aba; edi mbufo ke ekut Mi: sia Ami ndude uwem, mbufo eyedu uwem ŋko.

JOHN 17:21

man mmɔ kpukpru ekpakam edi kiet, nte Afo, Ete, odude Mi ke idem, Ami nnyuŋ ndude ke Afo; man mmɔ enyuŋ edu ke nnyin: man ererimbot enim ke akpanikɔ ete, edi afo ɔkɔdɔŋ Mi.

JOHN 17:23

man Ami ndu ke esit mmɔ, Afo onyuŋ odu ke esit Mi, man mmɔ ekabare efɔn ema edi kiet edehe; man ererimbot efiɔk ete edi Afo okosio Mi ɔdɔŋ, omonyuŋ ama mmɔ, kpa nte akamade Mi.

DEUTERONOMY 33:29

Ɔfɔfɔn ɔnɔ fi, O Israel; anie ebiet fi, mbio emi Jehovah anyaŋade, emi edide otu ekɔŋ eke ekpemede fi, emi onyuŋ edide ofut ubɔŋ fo; mme asua fo eyenyuŋ enem inua enɔ fi; afo eyenyuŋ edigi ŋkokoŋo ebiet mmɔ.

1 PETER 1:5

Abasi okonyuŋ onim udeme oro ke heaven ɔnɔ mbufo, emi Enye adade odudu Esie ekpeme oto ke mbuɔtidem, ete, edisim erinyaŋa eke enimde ebet akpatre ini ndiwut idem.

1 SAMUEL 2:9

Enye eyekpeme ukot mbon ima esie, mme idiɔk owo eyenyuŋ edobo ke ekim: koro midige ke odudu ke owo ɔsɔŋ idem.