1 SAMUEL 25:28 - Edisana ñwed Abasi Ibom

²⁸ Mbɔk, fen ndudue ofin aŋwan fo: koro Jehovah miditreke ndinam ɔkpɔsɔŋ ufɔk nnɔ ɔbɔŋ mi; koro ɔbɔŋ mi aŋwanade ekɔŋ Jehovah, miko-nyuŋ ikwe fi idiɔk-ŋkpɔ ke idem ke ofuri uwem fo.

1 SAMUEL 25:28 ပူးပေါင်းရင်းမြစ်များ

2 SAMUEL 5:2

Tutuko adaŋemi Saul edide edidem nnyin, edi afo akada Israel ɔwɔrɔ, onyuŋ ada oduk. Jehovah okonyuŋ ɔdɔhɔ fi, ete, Afo eyebɔk ikɔt mi Israel, afo eyenyuŋ edi etubom Israel.

2 SAMUEL 7:11

ɔtɔŋɔde ke usen oro ami ŋkonimde mme eberikpe ke mme etubom ikɔt mi Israel; mma nnyuŋ nnɔ fi nduɔk-odudu ɔbɔhɔ kpukpru mme asua fo. Jehovah onyuŋ asian fi ete iyenam ufɔk inɔ fi.

2 SAMUEL 7:16

Ntre ke ufɔk fo ye ubɔŋ fo edisɔŋ eda ke iso fo ke nsinsi: ebekpo fo eyewuhɔ ke nsinsi.

2 SAMUEL 7:27

Koro afo, O Jehovah mme udim, Abasi Israel, ama ɔdɔhɔ owo fo ke utɔŋ, ete, Nyebɔp ufɔk nnɔ fi: mmɔdo owo fo ɔsɔŋɔde esit ekpe fi mkpe-ubɔk emi.

1 NDIDEM 15:3

Enye onyuŋ asaŋa ke kpukpru mme idiɔk ido ete esie, emi ete ekebemde enye iso anam: ofuri esit esie inyuŋ isaŋake ye Jehovah Abasi esie, nte esit David ete esie.

1 NDIDEM 15:5

koro David akanamde se inende ke iso Jehovah, mikonyuŋ iwahake ikpɔŋ baba ŋkpɔ kiet eke Enye eketemede enye ke ofuri eyo uwem esie, ke mibɔhɔke ke ikɔ Uriah Hittite ikpɔŋ-ikpɔŋ.

1 NDIDEM 9:5

ndien nyenam ebekpo ubɔŋ fo ɔsɔŋ ada ke Israel ke nsinsi, kpa nte ŋkɔdɔhɔde David usɔ, nte, Owo idinanake fi ke ebekpo Israel.

1 CHRONICLES 17:10

ye tutu osim ke ini oro ŋkonimde mme ebierikpe, nte ekara ikɔt mi Israel. Ndien ŋko nyesuan kpukpru mme asua fo. Ndien ŋko ndɔhɔ fi, nte ke Jehovah edinam ufɔk ɔnɔ fi.

1 CHRONICLES 17:25

Koro afo, O Abasi mi, amayarare ɔnɔ owo fo, ete ke afo edibɔp ufɔk ɔnɔ enye: mmɔdo owo fo okutde usuŋ nte ekpede fi ubɔk.

2 CHRONICLES 20:15

ndien enye ɔdɔhɔ, ete, mbufo ekpaŋ utɔŋ ofuri Judah, ye mme andiduŋ Jerusalem, ye edidem Jehoshaphat, ntem ke Jehovah ɔdɔhɔ mbufo, ete, Mbufo ekudikhe, nsia okunyuŋ oyomo mbufo ke iso akwa otu owo emi; koro midige mbufo ke ekɔŋ emi enyene, ke edi eke Abasi.

ŊWED MME PSALM 7:3

O Jehovah Abasi mi, edieke ŋkanamde ŋkpɔ emi; edieke ukwaŋ-ŋkpɔ odude mi ke ekaubɔk;

ŊWED MME PSALM 89:29

Nyenyuŋ nnim ubon esie ke nsinsi, ye ebekpo esie nte mme usen heaven.

NUMBERS 23:21

Enye isehe idiɔk ke Jacob, inyuŋ ikwe ŋkwaŋa ke Israel: Jehovah Abasi esie odu ye enye, mkpo edidem onyuŋ odu ke otu mmɔ.

MATTHEW 5:16

Kpa ntre yak uŋwana mbufo ayama ke iso owo, man mmɔ ekut nti utom mbufo, enyuŋ etoro Ete mbufo emi odude ke Heaven.

LUKE 23:41

Ndien ke akpanikɔ nnyin ikut ufen eke enende: koro nnyin ibɔ utip eke odotde ke erinam nnyin: edi owo emi iduehe baba ŋkpɔ kiet.

LUKE 23:47

Ndien ke ini centurion okutde se itibede, enye ɔnɔ Abasi itoro ete, ke akpanikɔ owo emi ekedi edinen owo.

1 SAMUEL 15:28

Ndien Samuel ɔdɔhɔ enye, ete, Jehovah ama awai fi ubɔŋ Israel ke ubɔk osio mfin emi, ama onyuŋ ada enye ɔnɔ mbɔhiduŋ fo emi ɔfɔnde akan fi.

1 SAMUEL 17:47

Ndien ofuri esop emi eyefiɔk ete ke Jehovah idaha ofut, inyuŋ idaha eduat, iŋwana: koro ekɔŋ enyenede Jehovah, ndien enye eyeda mbufo esin nnyin ke ubɔk.

1 SAMUEL 18:17

Ndien Saul ɔdɔhɔ David, ete, Se adiaha mi Merab, nyeda enye nnɔ fi ɔdɔ; edi afo di owo uko nɔ mi, nyuŋ ŋwana ekɔŋ Jehovah. Koro Saul ɔdɔhɔde ete, Ubɔk mi okutuk enye, edi yak ubɔk mme Philistine etuk enye.

1 SAMUEL 2:35

Ndien nyenam oku akpanikɔ adaha da ɔnɔ mi, enye eyenam kpa nte odude ke esit mi ye ke ekikere mi; nyenyuŋ mbɔp ɔkpɔsɔŋ ufɔk nnɔ enye; ndien enye eyesaŋa ke iso Messiah mi ke nsinsi.

1 SAMUEL 22:14

Ahimelech ɔbɔrɔ edidem, ete, Ndien anie ke otu kpukpru ikɔt fo etie nte David, owo akpanikɔ, ye ukot edidem, emi onyuŋ edide owo mbet fo kiet, onyuŋ enyenede ukpono ke ufɔk fo?

1 SAMUEL 24:11

Ndien ŋko, ete mi, se utɔŋ ekura fo ke ubɔk mi: koro ŋkesibede utɔŋ ekura fo mfep, ndien mme-ŋwotke fi, da oro fiɔk, nyuŋ se, ete ke idiɔk ido ye ukwaŋ-ŋkpɔ iduhe mi ke ubɔk, ŋkonyuŋ nduehe fi baba ŋkpɔ kiet; edi afo ke osuk ebine ndibɔ mi uwem.

1 SAMUEL 24:17

Enye onyuŋ ɔdɔhɔ David, ete, Afo emenen akan mi: koro afo akadade eti ŋkpɔ usiene ɔnɔ mi: edi ami nda idiɔk-ŋkpɔ nsio fi usiene.

1 SAMUEL 24:21

Tomo, ndien, Jehovah nɔ mi, ete ke afo udusibeke ubon mi emi editienede mi, ufep, ete ke afo udunyuŋ usoboke enyiŋ mi ke ufɔk ete mi ufep.

1 SAMUEL 24:4

Ndien ikɔt David edɔhɔ enye, ete, Sese, emi edi usen emi Jehovah ɔkɔdɔhɔde fi, ete, Sese, nyeda usua fo nsin fi ke ubɔk, man anam enye kpa nte afo amade. Ndien David adaha ke enyɔŋ, aka okosibe utɔŋ ekura Saul ke ndibe.

1 SAMUEL 25:24

Onyuŋ ɔduɔ enye ke ukot, ndien ɔdɔhɔ ete, Ɔbɔŋ mi, yak idiɔk ido emi obiomo mi ke idem yak ofin aŋwan fo onyuŋ ɔdɔhɔ fi ke utɔŋ, mbɔk, nyuŋ kop uyo ofin aŋwan fo.

1 SAMUEL 29:3

Ndien mbɔŋ mme Philistine ebup, ete, Mme Hebrew emi edi mme anie? Ndien Achish ɔbɔrɔ mbɔŋ mme Philistine, ete, Nte emi idige David, owo Saul edidem Israel, emi ama okodu ye ami anyan ini emi, mme ke mme isua emi, ndien ŋkanam ŋkwe enye baba idiɔk ŋkpɔ kiet ke idem, ɔtɔŋɔde ke usen oro enye etienede mi, tutu osim mfin emi.

1 SAMUEL 30:26

Edikem adaŋemi David osimde ke Ziklag, enye ɔnɔ ubak mbume oro esɔk mbiowo Judah, kpa mme ufan esiemɔ, ete, Se ŋkpɔ mfɔn mbufo, emi otode ke mbume mme asua Jehovah;