1 SAMUEL 25:26 - Edisana ñwed Abasi Ibom

²⁶ Ndien, ɔbɔŋ mi, ma uwem Jehovah, ma uwem fo ŋko, koro Jehovah amakpan fi ndidue isop iyip, ndinyuŋ nda ubɔk fo nnyaŋa idem fo, yak mme asua fo, ye mmɔ eke eyomde ndidiɔk ye ɔbɔŋ mi ekam etie nte Nabal.

1 SAMUEL 25:26 ပူးပေါင်းရင်းမြစ်များ

GENESIS 20:6

ubɔk. Ndien Abasi ɔdɔhɔ enye ke ndap, ete, Ami ŋko mmɔfiɔk nte afo anam ŋkpɔ emi ke eti esit; Ami ŋkonyuŋ ŋkpan fi ndidue mi: mmɔdo mmeŋkayakke fi otuk enye.

2 SAMUEL 18:32

Ndien edidem ɔdɔhɔ Cushi ete, Nte ɔfɔn ye eyen oro, kpa Absalom? Ndien Cushi ɔbɔrɔ ete, Yak mme asua ɔbɔŋ mi edidem, ye kpukpru owo eke edahade ke enyɔŋ ete inam fi idiɔk, etie nte eyen oro.

2 NDIDEM 2:2

Ndien Elijah ɔdɔhɔ Elisha, ete, Mbɔk, tie mi; koro Jehovah ɔdɔŋde mi utom ke Beth-el. Edi Elisha ɔdɔhɔ ete, Ma uwem Jehovah, ye uwem ukpɔŋ fo. Ndikpɔŋke fi.

2 NDIDEM 4:6

Edikem adaŋemi mme abaŋ eyɔhɔde, enye ete eyen esie, Da abaŋ efen sɔk mi. Ndien eyen ɔdɔhɔ enye, ete, Abaŋ efen iduhe.

ŊWED MME PSALM 44:3

koro midige ofut mmɔ ke mmɔ eda ebɔ isɔŋ enyene, minyuŋ idige ubɔk mmɔ anyaŋa mmɔ: koro edide ita nnasia fo, ye ubɔk fo, ye uŋwana iso fo, koro afo amade mmɔ.

MME ŊKE 31:12

Ŋwan oro anam enye eti ŋkpɔ, idinamke idiɔk, kpukpru usen uwem esie.

JEREMIAH 29:22

Ndien kpukpru nditɔ Judah oro eketaŋde efep emi edude ke Babylon, eyeda mmɔ ikɔ isuŋi ke idem, ete, “Yak Jehovah osuk onim fi nte Zedekiah, ye nte Ahab emi edidem Babylon ɔkɔfɔpde ke ikaŋ.”

DANIEL 4:19

Ndien idem akpa Daniel emi ekerede Belteshazzar idaha kiet, ekikere enyuŋ etimere enye. Edidem ɔbɔrɔ onyuŋ ɔdɔhɔ, ete, Belteshazzar, kuyak ndap emi ye se enye ediwɔrɔde akpa fi idem. Belteshazzar ɔbɔrɔ, ete, Ɔbɔŋ mi, yak ndap emi enyene mmɔ eke esuade fi, yak ŋkpɔ emi enye ediwɔrɔde onyuŋ osim mbon-utɔk fo.

MME HEBREW 10:30

Koro nnyin imɔfiɔk Enye emi ɔdɔhɔde ete, Usiene edi okim, nyesio usiene; onyuŋ ɔdɔhɔde ŋko ete, Jehovah eyekpe ikpe ikɔt Esie.

1 SAMUEL 1:26

Ndien eka ɔdɔhɔ ete, O ɔbɔŋ mi, ma uwem fo, ɔbɔŋ mi, ami ndi ŋwan oro akadade ekpere fi mi, ŋkpe Jehovah ubɔk.

1 SAMUEL 2:9

Enye eyekpeme ukot mbon ima esie, mme idiɔk owo eyenyuŋ edobo ke ekim: koro midige ke odudu ke owo ɔsɔŋ idem.

1 SAMUEL 20:16

Ntre ke Jonathan odiomi ediomi ye ufɔk David, ete, Jehovah osuk osio usiene ye mme asua David.

1 SAMUEL 20:3

Ndien David ɔŋwɔŋɔ ŋko, ete, Usɔ ɔmɔfiɔk ete ke afo amama mi; ndien enye, ɔdɔhɔ ete, Kuyak Jonathan ɔfiɔk emi, mbak esit ediyat enye: edi ma uwem Jehovah, ma uwem idem fo ŋko, ayak ikpat kiet ami ndikpa.

1 SAMUEL 22:3

Ekem David oto do aka Mizpeh Moab: ɔkɔdɔhɔ edidem Moab, ete, Mbɔk, yak ete mi ye eka mi ewɔrɔ etiene fi, tutu ndifiɔk se Abasi edinamde ye ami.

1 SAMUEL 25:25

Mbɔk, ɔbɔŋ mi, kukpa ndikere oburobut owo Nabal emi koro enye edide nte enyiŋ esie edide; Nabal (ndisime) edi enyiŋ esie, ndisime onyuŋ odu ye enye: edi ami ofin aŋwan fo ŋkekwe mkparawa ɔbɔŋ mi oro afo ɔkɔdɔŋde utom.

1 SAMUEL 25:39

Ndien adaŋemi David okopde ete ke Nabal ama akpa, enye ɔdɔhɔ ete, Etoro Jehovah emi ɔkɔtɔhɔde utɔk ŋkpɔ but mi oro okotode ke ubɔk Nabal, okonyuŋ omumde owo esie, ete enye okunam idiɔk; koro Jehovah anamde idiɔk ido Nabal afiak ɔkɔtɔ enye ke ibuot. Ndien David ɔdɔŋ ekeneme nneme ye Abigail, ete ida enye idɔ.

1 SAMUEL 26:10

David onyuŋ ɔdɔhɔ ete, Ma uwem Jehovah, Jehovah eyewot enye; mme ini mkpa esie eyedi; mme enye eyesuhɔre ke ekɔŋ, ndien atak.