1 SAMUEL 25:24 - Edisana ñwed Abasi Ibom

²⁴ Onyuŋ ɔduɔ enye ke ukot, ndien ɔdɔhɔ ete, Ɔbɔŋ mi, yak idiɔk ido emi obiomo mi ke idem yak ofin aŋwan fo onyuŋ ɔdɔhɔ fi ke utɔŋ, mbɔk, nyuŋ kop uyo ofin aŋwan fo.

1 SAMUEL 25:24 ပူးပေါင်းရင်းမြစ်များ

GENESIS 44:18

Ndien Judah asaŋa ekpere, edidɔhɔ ete, Ɔbɔŋ mi, mbɔk, yak ofin fo etiŋ ikɔ esin ɔbɔŋ mi ke utɔŋ, esit fo okunyuŋ ofiop ye ofin fo: koro afo etiede nte Pharaoh.

2 SAMUEL 14:12

Ndien ŋwan oro ɔdɔhɔ ete, Mbɔk, yak ofin aŋwan fo etiŋ ikɔ kiet ɔnɔ ɔbɔŋ mi, edidem. Ndien enye ete, Dɔhɔ.

2 SAMUEL 14:9

Ndien ŋwan a Tekoa oro ɔdɔhɔ edidem, ete, O ɔbɔŋ mi, edidem, yak idiɔk-ŋkpɔ emi obiomo mi ye ufɔk ete mi: edi edidem ye ebekpo esie ekudue isop.

2 SAMUEL 20:17

Ndien ke adaŋemi enye asaŋade ekpere enye, ŋwan oro obup ete, Nte afo edi Joab? Ndien enye ete, Edi ami. Ndien aŋwan ete enye, Kop uyo ofin aŋwan fo. Ndien enye ete, Mmɔŋ ŋkop.

2 NDIDEM 4:37

Men eyen fo. Ndien ŋwan oduk ɔkɔduɔ enye ke ukot, ɔnuhɔ ke isɔŋ, onyuŋ emen eyen esie ɔwɔrɔ.

ESTHER 8:3

Ekem Esther ɔtɔŋɔ ntak ɔdɔhɔ ke iso edidem, onyuŋ ɔduɔ enye ke ukot, onyuŋ atua eyet ekpe enye ubɔk, ete enye akpan idiɔk ŋkpɔ Haman Agagite, ye uduak oro enye akaduakde abaŋa mme Jew.

MME ŊKE 25:15

Anyan ime esin ɔbɔŋ onyime: mmem-mmem edeme onyuŋ obuŋ ɔkpɔ.

ECCLESIASTES 10:4

Edieke edidem ayatde esit ye afo, kudaha ke ebiet fo; koro mmem-ibuot osukde ikpɔ ndudue.

MATTHEW 18:29

Ntre ke eyen-ufɔk ete esie ɔduɔ ke isɔŋ ekpe enye ubɔk, ete, Mme ime ye ami, ndien nyesio nnɔ fi.

1 SAMUEL 24:8

Ndien David onyuŋ etiene enye adaha ke enyɔŋ, oto ke aba ɔwɔrɔ, onyuŋ ofiori okot Saul, ete, Ete mi edidem! Ndien ke ini Saul akabarade ese edem, David otuk iso esie ese isɔŋ, onyuŋ ɔnuhɔ.

1 SAMUEL 25:23

Ekem adaŋemi Abigail okutde David, enye awara oto ass ke edem ɔsuhɔre, onyuŋ ɔduɔ ke isɔŋ ke iso David, otuk iso esie ɔnuhɔ ke isɔŋ.

1 SAMUEL 25:25

Mbɔk, ɔbɔŋ mi, kukpa ndikere oburobut owo Nabal emi koro enye edide nte enyiŋ esie edide; Nabal (ndisime) edi enyiŋ esie, ndisime onyuŋ odu ye enye: edi ami ofin aŋwan fo ŋkekwe mkparawa ɔbɔŋ mi oro afo ɔkɔdɔŋde utom.

1 SAMUEL 25:28

Mbɔk, fen ndudue ofin aŋwan fo: koro Jehovah miditreke ndinam ɔkpɔsɔŋ ufɔk nnɔ ɔbɔŋ mi; koro ɔbɔŋ mi aŋwanade ekɔŋ Jehovah, miko-nyuŋ ikwe fi idiɔk-ŋkpɔ ke idem ke ofuri uwem fo.