1 SAMUEL 25:17 - Edisana ñwed Abasi Ibom

¹⁷ Fiɔk ndien, nyuŋ kere se afo edinamde: koro emeduak idiɔk-ŋkpɔ enɔ ete nnyin, ye ofuri ufɔk esie: enye onyuŋ edi oburobut owo akan nte owo ekemede ndidɔhɔ ikɔ ye enye.

1 SAMUEL 25:17 ပူးပေါင်းရင်းမြစ်များ

2 SAMUEL 24:13

Ntre ke Gad aka ke ebiet David eketiŋ ɔnɔ enye, onyuŋ ɔdɔhɔ enye, ete, Nte isua akaŋ itiaba eyetiene fi ke isɔŋ fo? Mme afo eyefehe itɔk ke ofuri ɔfiɔŋ ita ke iso mme asua fo, ke mmɔ ebinede fi? Mme idiɔk udɔŋɔ usen ita odu ke isɔŋ fo? Fiɔk ndien, nyuŋ kere ikɔ eke ndidade ntiŋ nnɔ Andidɔŋ mi.

1 NDIDEM 21:10

enyuŋ eda owo iba, mme oburobut owo, enim enye ke iso, man etiŋ ikɔ ntiense ebaŋa enye, ete, Afo okosuŋi Abasi ye edidem. Ndien mbufo esio enye, enyuŋ etɔŋɔ enye ke itiat, ewot.

1 NDIDEM 21:13

ata mme oburobut owo, eduk eketie ke iso Naboth: ndien mme oburobut owo oro etiŋ ikɔ ntiense edian enye Naboth, ke iso mbio-obio, ete, Naboth okosuŋi Abasi ye edidem. Ndien mmɔ esio enye eka ke edem obio, eketɔŋɔ enye ke itiat, ewot.

2 CHRONICLES 13:7

Mbukpo owo emenyuŋ esop ye enye, kpa mme oburobut owo emi esɔŋde ido ye Rehohoam eyen Solomon, ke ini Rehoboam edide eyenɔwɔŋ, onyuŋ ememde esit minyuŋ ikemke ubɔk ye mmɔ.

2 CHRONICLES 25:16

Edikem ke ini enye osuk ɔdɔhɔde ye enye, edidem obup enye, ete, Nte nnyin imenim fi ke andinɔ edidem item? Tre; edinam didie ewot fi? Ndien prophet oro etre, onyuŋ ɔdɔhɔ ete, Mmɔfiɔk nte ke Abasi amaduak ndisobo fi, koro afo anamde emi, ndien mukopke item mi.

ESTHER 7:7

Ndien edidem akpaha esit adaha ke itie uŋwɔŋ wine aka ke iŋwaŋ-esa ufɔk edidem: edi Haman adaha ke enyuŋ ndibeŋe Esther ɔbɔŋ-aŋwan uwen esie: koro enye okutde ete ke edidem ɔmɔŋ aduak ndinam imɔ idiɔk-ŋkpɔ.

MME ŊKE 12:8

Adaŋa nte owo asiande, ke eda etoro enye: edi eyesuene owo eke akwaŋade ke esit.

DEUTERONOMY 13:13

Ndusuk nditɔ Belial ema ewɔŋɔ ke otu mbufo, ema enyuŋ enam mbio-obio mmɔ ewaha, ete, Eyak nnyin ika ikanam ŋkpɔ mme abasi efen, eke mbufo mikɔfiɔkke:

JUDGES 19:22

Ke ini mmɔ edatde esit ntre, sese, mbio-obio eke edide mme oburobut owo, edikan ufɔk ekuk, etuak usuŋ, enyuŋ edɔhɔ akani-eren oro, ete ufɔk, ete, Da eren oro okodukde ke ufɔk fo, wɔrɔ di, man nnyin ifiɔk enye.

1 SAMUEL 10:27

Ndien mme oburobut owo edɔhɔ ete, Owo emi edida nso inyaŋa nnyin? Ndien mmɔ esin enye ke ndek, inyuŋ idaha enɔ isɔk enye. Edi enye odop uyo.

1 SAMUEL 2:12

Ndien nditɔ Eli edi oburobut owo; mmɔ ifiɔkke Jehovah.

1 SAMUEL 20:7

Enye ama ɔdɔhɔ ntre, ete, Ɔfɔn; owo fo eyekut ifure: edi enye ama ayat esit eti-eti, fiɔk ete ke enye amaduak mi idiɔk uduak.

1 SAMUEL 20:9

Ndien Jonathan ɔdɔhɔ, ete, Nsa fo O! koro ŋkpɔfiɔk nte ke ete mi ɔmɔŋ aduak ete idiɔk-ŋkpɔ anam fi, ŋkpetiŋke nnɔ fi?

1 SAMUEL 25:16

Mmɔ ekedi ibibene nnyin ke okoneyo ye ke uwemeyo ŋko, ke ofuri ini nnyin ikodude ye mmɔ ibɔk ŋkpri ufene.

1 SAMUEL 25:18

Ndien Abigail awara ada uyo ikie iba, ye ikpa wine iba, ye erɔŋ emi etemde ition, ye edifɔp ibokpot ke idomo ition, ye ebok edisat grape ikie, ye ebok fig ikie iba, ada mmɔ odori ass ke idem.

1 SAMUEL 25:25

Mbɔk, ɔbɔŋ mi, kukpa ndikere oburobut owo Nabal emi koro enye edide nte enyiŋ esie edide; Nabal (ndisime) edi enyiŋ esie, ndisime onyuŋ odu ye enye: edi ami ofin aŋwan fo ŋkekwe mkparawa ɔbɔŋ mi oro afo ɔkɔdɔŋde utom.