1 SAMUEL 24:4 - Edisana ñwed Abasi Ibom

⁴ Ndien ikɔt David edɔhɔ enye, ete, Sese, emi edi usen emi Jehovah ɔkɔdɔhɔde fi, ete, Sese, nyeda usua fo nsin fi ke ubɔk, man anam enye kpa nte afo amade. Ndien David adaha ke enyɔŋ, aka okosibe utɔŋ ekura Saul ke ndibe.

1 SAMUEL 24:4 ပူးပေါင်းရင်းမြစ်များ

2 SAMUEL 4:8

Ndien mmɔ eda ibuot Ish-bosheth edisɔk David ke Hebron, enyuŋ edɔhɔ edidem, ete, Se ibuot Ish-bosheth, eyen Saul, owo usua fo oro okoyomde uwem fo; ntem ke Jehovah ama osio usiene ye Saul, ye ubon esie, ɔnɔ ɔbɔŋ mi edidem mfin emi.

ŊWED JOB 31:31

Edieke mbio tent mi midɔhɔke, ite, Anie ekeme ndisiak owo eke unam esie

ŊWED MME PSALM 142:1

MFIORI ŋkot Jehovah ke uyo mi; nda uyo mi ŋkpe Jehovah ubɔk.

ŊWED MME PSALM 57:1

TUA mi mbɔm, O Abasi, tua mi mbɔm, koro ukpɔŋ mi ɔbuɔtde idem ye afo: ami nnyuŋ mbuɔt idem ke mfut mba fo tutu mme idiɔk-ŋkpɔ emi efehe ebe.

EXODUS 21:13

Ndien edieke enye minaŋa ibet, edi Abasi esin ɔduɔ enye ke ubɔk; ndien nyeda ebiet eke enye edifehede ika do nnim nnɔ fi.

1 SAMUEL 22:1

NDIEN David adaha do, efehe ɔbɔhɔ aka ke aba itiat Adullam: ndien adaŋemi nditɔ-ete esie ye ofuri ufɔk ete esie ekopde, mmɔ esuhɔre etiene enye do.

1 SAMUEL 23:17

Enye onyuŋ ɔdɔhɔ enye, ete, Kufehe ndik: koro ubɔk Saul ete mi midisimke fi; afo eyenyuŋ akabare edi edidem Israel, ami nyenyuŋ ndi andidiana fi; ete mi Saul omonyuŋ ɔfiɔk ntre.

1 SAMUEL 23:7

Ekem mmɔ etiŋ enɔ Saul, ete, David aka ke Keilah. Ndien Saul ɔdɔhɔ ete, Abasi amayak enye esin mi ke ubɔk: koro ekukde enye esin, koro enye odukde ke obio emi enyenede itim ye eto usin-usuŋ.

1 SAMUEL 24:10

Sese, mfin emi enyin fo emekut nte Jehovah akadade fi esin mi ke ubɔk mfin emi ke esit aba emi; ndien owo ɔdɔhɔ mi, ete ŋwot fi; edi ŋkatua fi mbɔm; nnyuŋ ndɔhɔ nte ke ndinyanke ubɔk mi ntuk ɔbɔŋ mi; koro edi enye ke Jehovah ekeyet aran.

1 SAMUEL 24:18

Afo ama onyuŋ etiŋ eti ŋkpɔ oro afo akanamde ye ami mfin emi: koro Jehovah akadade mi esin fi ke ubɔk, ndien afo uwotke mi.

1 SAMUEL 26:23

Yak Jehovah onyuŋ ada ido ye akpanikɔ owo osio owo oro usiene: koro Jehovah ekemende fi esin mi ke ubɔk mfin emi, edi ŋkonyimeke ndinyan ubɔk mi ntuk enye emi Jehovah ekeyetde aran.