1 SAMUEL 23:4 - Edisana ñwed Abasi Ibom

⁴ Ndien David ɔtɔŋɔ ntak obup Jehovah. Ndien Jehovah ɔbɔrɔ enye, ete, Daha ke enyɔŋ suhɔre ke Keilah; koro ami nyeda mme Philistine nsin fi ke ubɔk.

1 SAMUEL 23:4 ပူးပေါင်းရင်းမြစ်များ

2 SAMUEL 2:1

EDIKEM ke ŋkpɔ oro ebede, David obup Jehovah, ete, Mme nyedɔk ŋka ke obio Judah kiet? Ndien Jehovah ɔdɔhɔ enye, ete, Dɔk. Ndien David obup, ete, Ndidɔk ŋka mmɔŋ? Ndien enye ɔdɔhɔ ete,Ke Hebron.

2 SAMUEL 5:19

Ndien David obup Jehovah, ete, Nte ndɔk ŋka ekɔŋ ye mme Philistine? Nte afo edida mmɔ esin mi ke ubɔk? Ndien Jehovah ɔdɔhɔ David, ete, Dɔk: koro mmenditreke ndida mme Philistine nsin fi ke ubɔk.

2 NDIDEM 3:18

Jehovah onyuŋ abat emi ke ekpri ŋkpɔ: enye eyenyuŋ ada Moab esin mbufo ke ubɔk.

1 CHRONICLES 14:10

Ndien David obup Abasi, ete, Nte ndɔk ŋkaŋwana ekɔŋ ye mme Philistine? Nte afo edinyuŋ ada mmɔ esin mi ke ubɔk? Ndien Jehovah ɔdɔhɔ enye, ete, Dɔk, ndien nyeda mmɔ nsin fi ke ubɔk.

JOSHUA 8:7

Ndien mbufo edaha ke itie udibe, ekeda obio: Jehovah Abasi mbufo eyenyuŋ ada enye ɔnɔ mbufo ke ubɔk.

JUDGES 6:39

Ndien Gideon ɔdɔhɔ Abasi, ete, Kuyat esit ye ami, ndien nyedɔhɔ kpa ini kiet emi: mbɔk, yak nda idet erɔŋ ndomo kpa ini kiet emi; mbɔk, yak idet erɔŋ ikpɔŋ-ikpɔŋ asat; yak mbara onyuŋ odu ke ofuri isɔŋ.

JUDGES 7:7

Ndien Jehovah ɔdɔhɔ Gideon, ete, Nyeda owo ikie ita emi edeide nnyaŋa mbufo, nnyuŋ nda Midian nsin fi ke ubɔk: ndien yak kpukpru owo eken enyɔŋɔ ke ebiet mmɔ.

JUDGES 7:9

Edikem, ke okoneyo oro, Jehovah ɔdɔhɔ enye, ete, Daha ke enyɔŋ suhɔre ka nna: koro mmada enye nsin fi ke ubɔk.

1 SAMUEL 10:22

Ndien mmɔ eyom enye, edi ikwe. Ndien mmɔ etɔŋɔ ntak ebup Jehovah, ete, Nte owo emi edidi ken? Ndien Jehovah ɔbɔrɔ ete, Sese, enye aka okodibe ke otu mkpoduoho.

1 SAMUEL 23:2

Ndien David obup Jehovah, ete, Nte ndika ŋkasuan mme Philistine emi? Ndien Jehovah ɔbɔrɔ David, ete, Ka kasuan mme Philistine, nyuŋ nyaŋa Keilah.

1 SAMUEL 23:3

Edi ikɔt David edɔhɔ enye, ete, Sese, ndik ke anam nnyin mi ke Judah; ŋwaŋwa edi nso ke nnyin idikade ke Keilah ikaŋwana ekɔŋ ye mme udim-ekɔŋ mme Philistine.

1 SAMUEL 23:5

Ndien David ye ikɔt esie eka ke Keilah eke ŋwana ekɔŋ ye mme Philistine, ndien mmɔ etaŋ ufene mmɔ efep, enyuŋ ewot mmɔ ata ediwak owo. Ntem David anyaŋa mme andiduŋ Keilah.

1 SAMUEL 28:6

Ndien adaŋemi Saul obupde Jehovah, Jehovah ibɔrɔke enye ke ndap, ye ke Urim, ye ke mme prophet.

1 SAMUEL 30:8

Ndien David obup Jehovah, ete, Nte ndibine udim owo emi? Nte ndisim mmɔ? Ndien enye ɔdɔhɔ enye, ete, Bine: koro afo mudutreke ndisim mmɔ,