1 SAMUEL 23:28 - Edisana ñwed Abasi Ibom

²⁸ Ndien Saul etre ndibene David, onyuŋ afiak edem aka ɔkɔbiɔŋɔ mme Philistine: mmɔdo esiode ebiet oro enyiŋ Sela-hammmahlekoth (Itiat eribahare).

1 SAMUEL 23:28 ပူးပေါင်းရင်းမြစ်များ

ŊWED MME PSALM 124:7

Ukpɔŋ nnyin ɔmɔbɔhɔ nte inuen ɔbɔhɔde afia ata-ikɔt: afia ɔmɔbuŋɔ, ndien nnyin imɔbɔhɔ.

1 SAMUEL 23:25

Ndien Saul ye ikɔt esie eka ekeyom enye. Ekem mmɔ etiŋ enɔ David: ndien enye ɔsuhɔre aka ke akamba itiat kiet, onyuŋ etie ke wilderness Maon. Ndien adaŋemi Saul okopde, enye ebine David ke wilderness Maon.

1 SAMUEL 23:27

Ekem isuŋutom edisim Saul, ete, Wawara di; koro mme Philistine ema ebumere eduk ke edem nnyin.

1 SAMUEL 23:29

Ndien David oto do ɔdɔk eketie ke mkpɔsɔŋ ebiet ke En-gedi.

1 SAMUEL 24:1

EDIKEM adaŋemi Saul otode ndibine mme Philistine afiak, mmɔ etiŋ enɔ enye, ete, Sese, David ke odu ke wilderness En-gedi.

1 SAMUEL 24:2

Ndien Saul ada tɔsin owo ita emi emekde ke ofuri Israel, aka ndiyom David ye ikɔt esie ke otu ikpɔ itiat ebot ikɔt.