1 SAMUEL 23:26 - Edisana ñwed Abasi Ibom

²⁶ Ekem Saul asaŋa ke edem obot emi; David ye ikɔt esie enyuŋ esaŋa ke edem obot eken: ndien David ɔsɔp itɔk, ete ibɔhɔ Saul; Saul ye ikɔt esie enyuŋ ekan David ye ikɔt esie ekuk, ete imum mmɔ.

1 SAMUEL 23:26 ပူးပေါင်းရင်းမြစ်များ

2 SAMUEL 15:14

Ndien David ɔdɔhɔ kpukpru ikɔt esie emi edude ke Jerusalem ye enye, ete, Mbufo edaha ke enyɔŋ, nnyin ifeŋe; koro minyeneke nte nnyin idibɔhɔde ke iso Absalom: mbufo, emen idem edaŋa, mbak enye edide edibuat nnyin, onyuŋ ada idiɔk-ŋkpɔ oro anam nnyin, onyuŋ osobo obio ke iso ofut.

2 CHRONICLES 20:12

O Abasi nnyin nte afo udukpehe ikpe ye mmɔ? koro nnyin minyeneke odudu ke iso akwa otu owo emi edide ndiŋwana ekɔŋ ye nnyin? nnyin inyuŋ ifiɔkke se nnyin idinamde: edi nnyin idori enyin ye afo.

ŊWED MME PSALM 17:11

Mmɔ emekan nnyin ke ikpat isaŋ nnyin ke emi ekuk: eyewuk enyin mmɔ, ete iwaha ke isɔŋ.

ŊWED MME PSALM 17:9

mbak mme idiɔk owo eke esobode mi; mme asua eke enuakde mi itɔŋ uwem eyekan mi ekuk.

ŊWED MME PSALM 22:12

Ediwak nyara enaŋ ekan mi ekuk; mkpɔsɔŋ enaŋ Bashan ekan mi ekuk.

ŊWED MME PSALM 22:16

Koro ebua ekande mi ekuk: otu mme oburobut owo ekan mi ekuk: ekim mi ubɔk ye ukot.

ŊWED MME PSALM 31:22

Edi kpa ami ŋkɔdɔhɔ ke ini ndik anamde mi, nte “Emesibe mi ke iso fo efep”; edi afo omokop uyo mkpe ubɔk mi ke ini nsemede nnɔ fi.

2 ŊWED CORINTH 1:8

Koro nnyin ikpamaŋa mbufo etre ndifiɔk, nditɔ-ete, mbaŋa ukut emi ɔkɔwɔrɔde ɔnɔ nnyin ke Asia. Ekɔsɔŋɔ efik nnyin eti-eti, akan nte ikemede ndibiom, tutu iduɔk idori-enyin ite iyedu uwem:

ERIYARARE 20:9

Ndien mmɔ esuana eyɔhɔ ke ofuri iso isɔŋ, enyuŋ ekanare nna nti ikɔt Abasi ye obio emi Abasi amade ekuk: edi ikaŋ oto ke enyɔŋ ɔsuhɔre edita mmɔ.

JUDGES 16:2

Ndien etiŋ enɔ mbio-obio Gaza, ete, Samson emedi ken. Ndien mmɔ ekan enye ekuk, ena ekpeme enye ofuri okoneyo ke inua-otop obio, enyuŋ edop ofuri okoneyo, ete, Eyo ama esiere ke usenubɔk nnyin iyewot enye.

1 SAMUEL 19:12

Ndien Michal etie ke window ɔsuhɔre David: ndien enye efehe, aka, ɔbɔhɔ.

1 SAMUEL 20:38

Jonathan onyuŋ ofiori okot eyenɔwɔŋ oro, ete, Sɔp, men idem, kubigi. Ndien eyenɔwɔŋ Jonathan ataŋ idaŋ oro etiene ete esie.

1 SAMUEL 23:25

Ndien Saul ye ikɔt esie eka ekeyom enye. Ekem mmɔ etiŋ enɔ David: ndien enye ɔsuhɔre aka ke akamba itiat kiet, onyuŋ etie ke wilderness Maon. Ndien adaŋemi Saul okopde, enye ebine David ke wilderness Maon.

1 SAMUEL 23:27

Ekem isuŋutom edisim Saul, ete, Wawara di; koro mme Philistine ema ebumere eduk ke edem nnyin.