1 SAMUEL 23:18 - Edisana ñwed Abasi Ibom

¹⁸ Ndien mmɔ mbiba ediomi ediomi ke iso Jehovah; ndien David etie ke akai oro, Jonathan onyuŋ ɔnyɔŋ ke ufɔk esie.

1 SAMUEL 23:18 ပူးပေါင်းရင်းမြစ်များ

2 SAMUEL 21:7

Edi edidem ɔkpɔŋ Mephibosheth, eyen Jonathan, eyen Saul, abaŋa uŋwɔŋɔ Jehovah oro okodude ke ufɔt mmɔ, kpa ke ufɔt David ye Jonathan eyen Saul.

2 SAMUEL 9:1

EKEM David ɔdɔhɔ ete, Nte owo ke odudu kaŋa osuk ke ufɔk Saul, man mfɔn ido ye enye mbaŋa Jonathan?

1 SAMUEL 18:1

EDIKEM adaŋemi enye ama ɔkɔdɔhɔ ye Saul ama, ukpɔŋ Jonathan eyire ye ukpɔŋ David, Jonathan onyuŋ ama enye nte ukpɔŋ esiemo.

1 SAMUEL 18:3

Jonathan onyuŋ odiomi ediomi ye David, koro amade enye nte ukpɔŋ esiemɔ.

1 SAMUEL 20:42

Ndien Jonathan ɔdɔhɔ David, ete, Ka ke ifure, koro nnyin owo mbiba ike ŋwɔŋɔde, itomo enyiŋ Jehovah, ite Jehovah osuk odu ke ufɔt mi ye afo, ye ke ufɔt ubon fo ye ubon mi ke nsinsi. Ndien enye (David) adaha: Jonathan onyuŋ ɔnyɔŋ ke obio ŋko.

1 SAMUEL 20:8

Nyuŋ nam ido ufan ye owo fo; koro afo akanamde owo fo oduk ke ediomi Jehovah ye afo; edi edieke idiɔk-ŋkpɔ odude ye ami, afo wot mi; akpanam didie ada mi ɔsɔk usɔ?

1 SAMUEL 21:1

NDIEN David aka ke Nob, etiene Ahimelech oku: ndien Ahimelech edikhe adaŋemi enye osobode ye David, ndien ɔdɔhɔ enye, ete, Nsinam afo asaŋade ikpɔŋ, ndien owo baba kiet miduhe ye afo?