1 SAMUEL 23:17 - Edisana ñwed Abasi Ibom

¹⁷ Enye onyuŋ ɔdɔhɔ enye, ete, Kufehe ndik: koro ubɔk Saul ete mi midisimke fi; afo eyenyuŋ akabare edi edidem Israel, ami nyenyuŋ ndi andidiana fi; ete mi Saul omonyuŋ ɔfiɔk ntre.

1 SAMUEL 23:17 ပူးပေါင်းရင်းမြစ်များ

ŊWED MME PSALM 118:6

Jehovah edi okimmɔ; ndidigeke: owo ekeme ndinam mi nso ŋkpɔ?

MME ŊKE 14:26

Ɔkpɔsɔŋ iberedem odu ke uteŋe Jehovah: ndien nditɔ esie eyenyene ubɔhɔ.

MME ŊKE 19:21

Ediwak ekikere edu owo ke esit: edi edi uduak Jehovah edisu.

ISAIAH 35:3

Mbufo esɔŋ mmeme ubɔk, enyuŋ esin odudu ke edɔŋ eke efumde.

ISAIAH 35:4

Mbufo edɔhɔ mbon nnyekesit, ete, Mbufo esɔŋ esit, ekudikhe: sese Abasi mbufo: ufen ke edi, usiene Abasi; enye eyedi edinyaŋa mbufo.

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

ISAIAH 41:14

Kufehe, afo Jacob utuŋ, ye mbufo mbio Israel; Jehovah ɔdɔhɔ ete, Ami mmaŋwam fi; ndien andifak fi edi Edisana Abasi Israel.

ISAIAH 54:17

Baba ŋkpɔ ekɔŋ kiet eke ebotde ebaŋa fi idikwe unen; afo eyenyuŋ anam ikɔ otip kpukpru edeme eke edahade eda enam ikɔ ye afo. Jehovah ɔdɔhɔ ete, Emi edi udeme ikɔt Jehovah, edinen ido mmɔ onyuŋ oto ye ami.

LUKE 12:32

Ekufehe ndik, ekpri otu erɔŋ; koro edide eti uduak Ete mbufo ndida Obio Ubɔŋ oro nnɔ mbufo.

UTOM MME APOSTLE 28:16

Ke ini nnyin idukde ke Rome, eyak Paul oduŋ ke idem esie ye owo-ekɔŋ emi ekpemede enye.

UTOM MME APOSTLE 5:39

edi edieke otode Abasi, mbufo idikemeke ndiwuri mmɔ; mbak mbufo edikut idem nte eŋwanade ye Abasi.

ŊWED MBON ROME 15:24

ini ekededi eke ndikade Spain, mmodori enyin nte nyese mbufo ke usuŋ isaŋ mi, nte mbufo eyenyuŋ eda mi ekeyak, ke mma ŋkokut ndusuk inemesit ye mbufo.

MME HEBREW 13:6

Ntre ke nnyin imekeme ndisɔŋɔ esit ndɔhɔ ete, Jehovah edi Andiŋwam mi, ndifeheke ndik: Nso ke owo edikeme ndinam mi?

1 SAMUEL 20:31

Koro adaŋa ini nte eyen Jesse edidude uwem ke isɔŋ, afo udusɔŋɔke uda, ubɔŋ fo idinyuŋ isɔŋɔke ida. Dɔŋ ndien ekeda enye esɔk mi: koro enye edide owo mkpa.

1 SAMUEL 22:23

Tie ye ami, kufehe ndik: koro andiyom uwem mi ke oyom uwem fo; koro afo edide se ndikpemede.

1 SAMUEL 24:19

Ke ini owo okutde asua esie, nte eyeyak enye ɔbɔhɔ ke ifure? Jehovah osuk ada eti ŋkpɔ osio fi usiene ke ibuot ŋkpɔ emi afo akanamde ye ami mfin emi.

1 SAMUEL 24:20

Ndien, sese, mmɔfiɔk nte ke afo udutreke ndidi edidem, nte ke itie edidem Israel eyenyuŋ ɔsɔŋ ada fi ke ubɔk.

1 SAMUEL 24:21

Tomo, ndien, Jehovah nɔ mi, ete ke afo udusibeke ubon mi emi editienede mi, ufep, ete ke afo udunyuŋ usoboke enyiŋ mi ke ufɔk ete mi ufep.

1 SAMUEL 24:4

Ndien ikɔt David edɔhɔ enye, ete, Sese, emi edi usen emi Jehovah ɔkɔdɔhɔde fi, ete, Sese, nyeda usua fo nsin fi ke ubɔk, man anam enye kpa nte afo amade. Ndien David adaha ke enyɔŋ, aka okosibe utɔŋ ekura Saul ke ndibe.

1 SAMUEL 25:30

Ndien ama ekem ke adaŋemi Jehovah edinamde ɔbɔŋ mi kpukpru ufɔn emi enye ɔkɔdɔhɔde abaŋa fi, edinyuŋ onimde fi ke etubom Israel;