1 SAMUEL 22:8 - Edisana ñwed Abasi Ibom

⁸ eke esinde kpukpru mbufo eduk odu ebaŋa mi, baba owo kiet eke asiande mi, ete ke eyen mi ama odiomi ediomi ye eyen Jesse, inyuŋ iduhe; baba owo mbufo kiet inyuŋ ituaha mi mbɔm, inyuŋ isianke mi, ite ke eyen mi edemere owo mi, ete enye etie ebet man anam mi ŋkpɔ, kpa nte edide mfin emi?

1 SAMUEL 22:8 ပူးပေါင်းရင်းမြစ်များ

2 NDIDEM 6:11

Ntre esit etimere edidem Syria abaŋa ŋkpɔ emi; ndien enye okot ikɔt esie, onyuŋ obup mmɔ, ete, Nte mbufo idiwutke mi owo ke otu nnyin, emi adade ye edidem Israel?

ŊWED JOB 33:16

Ndien enye ɔfuhɔre owo utɔŋ, onyuŋ onim item mmɔ idiɔŋɔ,

1 SAMUEL 18:1

EDIKEM adaŋemi enye ama ɔkɔdɔhɔ ye Saul ama, ukpɔŋ Jonathan eyire ye ukpɔŋ David, Jonathan onyuŋ ama enye nte ukpɔŋ esiemo.

1 SAMUEL 18:3

Jonathan onyuŋ odiomi ediomi ye David, koro amade enye nte ukpɔŋ esiemɔ.

1 SAMUEL 20:2

Ndien enye ɔbɔrɔ enye, ete, Nsa fo O: udukpaha kpa: sese, ete mi inamke ŋkpɔ, edide akamba, onyuŋ edide ekpri, ke miyarakede enye ke utɔŋ mi: ndien ete mi akpanam didie edip mi ŋkpɔ emi? ikemke ntre.

1 SAMUEL 20:42

Ndien Jonathan ɔdɔhɔ David, ete, Ka ke ifure, koro nnyin owo mbiba ike ŋwɔŋɔde, itomo enyiŋ Jehovah, ite Jehovah osuk odu ke ufɔt mi ye afo, ye ke ufɔt ubon fo ye ubon mi ke nsinsi. Ndien enye (David) adaha: Jonathan onyuŋ ɔnyɔŋ ke obio ŋko.

1 SAMUEL 20:8

Nyuŋ nam ido ufan ye owo fo; koro afo akanamde owo fo oduk ke ediomi Jehovah ye afo; edi edieke idiɔk-ŋkpɔ odude ye ami, afo wot mi; akpanam didie ada mi ɔsɔk usɔ?

1 SAMUEL 22:13

Ndien Saul ɔdɔhɔ enye, ete, Nsinam mbufo edukde odu ebaŋa mi, afo ye eyen Jesse, emi afo ɔkɔnɔde udia ye ofut, okonyuŋ obupde uyo Abasi ɔnɔ enye, man enye adaha ke enyɔŋ etie edet, ete inam mi ŋkpɔ, kpa nte edide mfin emi?

1 SAMUEL 23:21

Ndien Saul ɔdɔhɔ ete, Jehovah osuk ɔdiɔŋ mbufo: koro mbufo emenyene esit mbɔm ye ami.