1 SAMUEL 22:14 - Edisana ñwed Abasi Ibom

¹⁴ Ahimelech ɔbɔrɔ edidem, ete, Ndien anie ke otu kpukpru ikɔt fo etie nte David, owo akpanikɔ, ye ukot edidem, emi onyuŋ edide owo mbet fo kiet, onyuŋ enyenede ukpono ke ufɔk fo?

1 SAMUEL 22:14 ပူးပေါင်းရင်းမြစ်များ

1 SAMUEL 17:25

Ndien eyen Israel ɔdɔhɔ ete, Nte mbufo emekut owo emi ɔdɔkde edi? Kakpan ke enye ɔdɔk edi ndisin Israel ke ndek: ndien ama ekem, edieke owo ediwotde enye, edidem eyeda ediwak inyene ɔdiɔŋ enye, onyuŋ ɔnɔ enye adiaha esie ɔdɔ, onyuŋ ayak ufɔk ete esie ebɔhɔ utomo ke Israel.

1 SAMUEL 18:13

Ekem Saul adianare enye ke idem esie efep onyuŋ onim enye ke etubom tɔsin ɔnɔ idem esie: ndien enye ɔwɔrɔ onyuŋ oduk ke iso mbio-obio.

1 SAMUEL 18:27

Ndien David adaha ke enyɔŋ asaŋa ye ikɔt esie aka okowot mme Philistine owo ikie iba; David onyuŋ ada edut mmɔ kpukpru edinɔ edidem, man enye edi ukot edidem. Ndien Saul ɔnɔ enye Michal uduŋwan esie ɔdɔ.

1 SAMUEL 20:32

Ndien Jonathan ɔbɔrɔ Saul ete esie, onyuŋ ɔdɔhɔ enye, ete, Enye edikpa abaŋa nso? Enye akanam nso?

1 SAMUEL 21:2

Ndien David ɔbɔrɔ Ahimelech oku, ete, Edidem ɔmɔdɔŋ mi utom, onyuŋ ɔdɔhɔ mi ete, Kuyak owo ɔfiɔk utom emi ami ndɔŋde fi, ye emi ŋwukde fi: ndien mma nteme ikɔt mi ebiet (nte ekpebetde).

1 SAMUEL 22:13

Ndien Saul ɔdɔhɔ enye, ete, Nsinam mbufo edukde odu ebaŋa mi, afo ye eyen Jesse, emi afo ɔkɔnɔde udia ye ofut, okonyuŋ obupde uyo Abasi ɔnɔ enye, man enye adaha ke enyɔŋ etie edet, ete inam mi ŋkpɔ, kpa nte edide mfin emi?

1 SAMUEL 24:11

Ndien ŋko, ete mi, se utɔŋ ekura fo ke ubɔk mi: koro ŋkesibede utɔŋ ekura fo mfep, ndien mme-ŋwotke fi, da oro fiɔk, nyuŋ se, ete ke idiɔk ido ye ukwaŋ-ŋkpɔ iduhe mi ke ubɔk, ŋkonyuŋ nduehe fi baba ŋkpɔ kiet; edi afo ke osuk ebine ndibɔ mi uwem.

1 SAMUEL 25:28

Mbɔk, fen ndudue ofin aŋwan fo: koro Jehovah miditreke ndinam ɔkpɔsɔŋ ufɔk nnɔ ɔbɔŋ mi; koro ɔbɔŋ mi aŋwanade ekɔŋ Jehovah, miko-nyuŋ ikwe fi idiɔk-ŋkpɔ ke idem ke ofuri uwem fo.

1 SAMUEL 26:23

Yak Jehovah onyuŋ ada ido ye akpanikɔ owo osio owo oro usiene: koro Jehovah ekemende fi esin mi ke ubɔk mfin emi, edi ŋkonyimeke ndinyan ubɔk mi ntuk enye emi Jehovah ekeyetde aran.