1 SAMUEL 21:11 - Edisana ñwed Abasi Ibom

¹¹ Ndien ikɔt Achish edɔhɔ enye, ete, Nte emi idige David edidem idut oro? Nte idige enye ke mmɔ ekekwɔ ebaŋa ke unek, ete, Saul ama owot mme tɔsin esie; edi David ama owot mme tɔsin esie duop?

1 SAMUEL 21:11 ပူးပေါင်းရင်းမြစ်များ

ŊWED MME PSALM 34:1

NYEKƆM Jehovah kpukpru ini: itoro esie eyesuk atak mi ke inua.

1 SAMUEL 16:1

EKEM Jehovah ɔdɔhɔ Samuel, ete, Adaŋa didie ke afo editua Saul, sia mma nsio enye mfep ke idaha edidem Israel? Sin aran ke nduk fo yɔhɔ; ndien ka, nyedɔŋ fi utom ke ebiet Jesse eyen Bethlehem: koro mmokut edidem mi ke otu nditɔ-iren esie.

1 SAMUEL 19:18

Ntre ke David efehe, ɔbɔhɔ, aka ke ɔtɔ Samuel ke Ramah, onyuŋ asian enye kpukpru se Saul akanamde enye. Ndien enye ye Samuel eka ekedaŋ ke Naioth.

1 SAMUEL 27:1

EKEM David ɔdɔhɔ ke esit esie, ete, Usen kiet, ndien, ubɔk Saul eyesobo mi: ŋkwe ŋkpɔ eke ɔfɔnde mi, edi nyebɔhɔ ŋka edem mme Philistine; ndien Saul eyetre ndiyom mi aba ke ofuri adaŋa Israel: ntre ke ndibɔhɔ enye ke ubɔk. Ndien David adaha ke enyɔŋ,

1 SAMUEL 27:2

ye owo ikie itiokiet oro edude ye enye, asaŋa ebe aka ke ɔtɔ Achish, eyen Maoch, edidem Gath.

1 SAMUEL 29:5

Nte emi idige David oro mmɔ ekekwɔde ke unek, ete, Saul ama owot mme tɔsin esie, edi David mme tɔsin esie duop?