1 SAMUEL 20:5 - Edisana ñwed Abasi Ibom

⁵ Ndien David ɔdɔhɔ Jonathan, ete, Sese, mkpɔŋ edi obufa ɔfiɔŋ, ndien ŋkpetreke nditie ke itie udia ye edidem: edi yak ŋka ŋkedibe ke ikɔt, tutu osim ke ɔyɔhɔ mbubreyo ita.

1 SAMUEL 20:5 ပူးပေါင်းရင်းမြစ်များ

2 NDIDEM 4:23

Ndien ebe ɔdɔhɔ ete, Afo anam didie aka ɔtɔ esie mfin emi? Ke idige obufa ɔfiɔŋ, inyuŋ idige sabbath. Ndien enye ɔbɔrɔ ete, Ke ɔfɔfɔn.

ŊWED MME PSALM 55:12

Koro midige usua esuene mi: (ekpedi enye) ŋkpɔyɔ oro: inyuŋ idige owo utɔk mi emenere idem-esie ke enyɔŋ akan mi; (ekpedi enye) ŋkpodibe enye:

ŊWED MME PSALM 81:3

Mbufo efuri ukorowo ke obufa ɔfiɔŋ, ke ɔyɔhɔ ɔfiɔŋ, ke usen usɔrɔ nnyin.

MME ŊKE 22:3

Ɔniɔŋ owo okut idiɔk-ŋkpɔ, ndien odibe: edi mme ɔkɔi ebe eka iso, ndien eda ufen.

AMOS 8:5

“Ete, ini ewe ke obufa ɔfiɔŋ edibe, man nnyin inyam ibokpot? Ini ewe ke mme sabbath edibe, man nnyin isioŋo mkpasip” ke enam ephah ekpri, enyuŋ enam shekel okpon, enyuŋ ekwaŋa udomo ŋkpɔ abiaŋa?

NUMBERS 10:10

Ndien ŋko ke usen idara mbufo, ye ke ini usɔrɔ mbufo, ye ke iso ɔfiɔŋ mbufo, mbufo eda ukorowo efuri ebaŋa edifɔp uwa mbufo, ye mme uwa emem mbufo: man mmɔ edi ŋkpɔ eriti mbufo ke iso Abasi mbufo. Ami ndi Jehovah Abasi mbufo.

NUMBERS 28:11

Ndien ŋko mbufo eda edifɔp uwa esɔk Jehovah ke iso ɔfiɔŋ mbufo; abak enaŋ iba, ye okukim kiet, ye nditɔ erɔŋ isua kiet kiet itiaba, eke efɔnde ema;

JOHN 8:59

Do mmɔ etaŋ itiat ete itɔ Enye: edi Jesus odibe ɔwɔrɔ ke temple.

UTOM MME APOSTLE 17:14

Edi kpa idaha oro nditɔ-ete enam Paul adaha aka ŋkaŋ inyaŋ-inyaŋ: edi Silas ye Timothy esuk edu do.

ŊWED MBON COLOSSAE 2:16

Mmɔdo ekuyak baba owo kiet ekpe ikpe ɔnɔ mbufo ke se mbufo ediade, ye ke se mbufo eŋwɔŋde, ye ke ido eke mbufo enimde usɔrɔ ye obufa ɔfiɔŋ ye sabbath.

1 SAMUEL 19:2

Edi Jonathan eyen Saul ama David eti-eti. Jonathan onyuŋ asian David, ete, Saul ete mi ɔmɔŋ oyom fi ndiwot: ka ketie ke ndidibe ebiet, ke dibe.

1 SAMUEL 20:18

Ndien Jonathan ɔdɔhɔ enye, ete, Mkpɔŋ edi obufa ɔfiɔŋ: ndien eyeyom fi koro itie fo edinade ukpɔk.

1 SAMUEL 20:19

Ndien ke ɔyɔhɔ usen ita kutre ndisuhɔre iwiwa ndi ke ebiet oro afo okodibede do ke usen utom oko, nyuŋ tie ke mben itiat Ezel.

1 SAMUEL 20:24

Ntre ke David edibe ke iŋwaŋ: ndien adaŋemi obufa ɔfiɔŋ ɔwɔrɔde, edidem ɔsuhɔre etie ndidia ŋkpɔ.

1 SAMUEL 20:27

Edikem mkpɔŋ, ke udiana-akpa usen ɔfiɔŋ, itie David onyuŋ ana ukpɔk: ndien Saul ɔdɔhɔ Jonathan eyen esie, ete, Nsinam eyen Jesse midige udia mkpɔŋ, ye mfin?

1 SAMUEL 20:4

Ndien Jonathan ɔdɔhɔ David, ete, Se afo ɔdɔhɔde, oro ke ndinam nnɔ fi.

1 SAMUEL 20:6

Usɔ ama oyom mi, dɔhɔ ndien, ete, David ekebeŋe mi, ete nyak imɔ ifehe ika Bethlehem obio imɔ: koro ofuri oruk imɔ eyomde ndiwa uwa isua do.