1 SAMUEL 20:2 - Edisana ñwed Abasi Ibom

² Ndien enye ɔbɔrɔ enye, ete, Nsa fo O: udukpaha kpa: sese, ete mi inamke ŋkpɔ, edide akamba, onyuŋ edide ekpri, ke miyarakede enye ke utɔŋ mi: ndien ete mi akpanam didie edip mi ŋkpɔ emi? ikemke ntre.

1 SAMUEL 20:2 ပူးပေါင်းရင်းမြစ်များ

GENESIS 44:7

Ndien mmɔ edɔhɔ enye ete, Ke didie ke ɔbɔŋ nnyin ɔdɔhɔ ikɔ emi? nsa nnyin ikɔt fo inamke oruk ŋkpɔ emi.

ŊWED MME PSALM 40:6

Afo umaŋa uwa emem ye inuak-udia: afo otibi mi utɔŋ: ubupke edifɔp uwa ye uwa idiɔk ido.

MME ŊKE 29:24

Owo eke abuanade ŋkpɔ ye inɔ, asua uwem esiemɔ: enye eyekop nte ewukde, edi iyarakede.

ISAIAH 50:5

Ɔbɔŋ Jehovah aŋwaŋade mi utɔŋ, ndien ami nsɔŋke ibuot: mfiakke edem.

LUKE 20:16

Enye eyedi edisobo mme ekpeme-iŋwaŋ emi, onyuŋ ayak iŋwaŋ-vine ɔnɔ mmɔ eŋwen. Ke ini mmɔ ekopde, mmɔ ete, Idiɔk-ŋkpɔ aka nsan-nsan.

JOHN 15:15

Ŋkotke aba mbufo mme asaŋutom, koro asaŋutom mifiɔkke se ete-ufɔk esie anamde; edi ŋkot mbufo mme ufan, koro mma mmen kpukpru se ŋkokopde ke inua Ete Mi nyarare nnɔ mbufo.

JOHN 17:8

koro mmayak mme ikɔ emi ɔkɔnɔde Mi nnɔ mmɔ: mmɔ ekɔbɔ mme ikɔ oro, enyuŋ eneŋere efiɔk ete ŋkoto ke ɔtɔ Fo ŋwɔrɔ, enyuŋ enim ke akpanikɔ ete edi Afo ɔkɔdɔŋ Mi.

JOSHUA 22:29

Nsa nnyin O! nnyin isɔŋke ibuot ye Jehovah, inyuŋ ifiake edem ikpɔŋ Jehovah mfin emi, inyuŋ inamke itie-uwa ke eke edifɔp uwa, ye ke eke inuak-udia, ye ke eke uwa-emem, ikɔrɔ ke itie-uwa Jehovah Abasi nnyin emi odude ke iso iduŋ esie.

JOSHUA 24:16

Ndien kpukpru owo ebɔrɔ, ete, Nsa nnyin O! nnyin ikpɔŋke Jehovah inam ŋkpɔ abasi efen:

1 SAMUEL 14:45

Nte ɔfɔn Jonathan ndikpa, emi akanamde akamba erinyaŋa emi ke Israel? Nsa nnyin! ma uwem Jehovah, baba idet kiet iditoho enye ke ibuot iduɔ ke isɔŋ; koro enye amanam ye Abasi mfin emi. Ndien mmɔ enyaŋa Jonathan, iyakke enye akpa.

1 SAMUEL 20:1

EKEM David adaha ke Naioth ke Ramah efehe aka ɔkɔdɔhɔ ke iso Jonathan, ete, Ŋkanam nso? Nsidi idiɔk ido mi? Ŋkonyuŋ nnam nso idiɔk ŋkpɔ ke iso usɔ, eke esinde enye oyom uwem mi?

1 SAMUEL 20:12

Ndien Jonathan ɔdɔhɔ David, ete, O Jehovah Abasi Israel, ke ami nditimde mbup ete mi ke adaŋa emi mkpɔŋ, mme okut, ndien, sese, ama ɔfɔn ɔnɔ David, ndien mmendidɔŋke edisian fi;

1 SAMUEL 20:3

Ndien David ɔŋwɔŋɔ ŋko, ete, Usɔ ɔmɔfiɔk ete ke afo amama mi; ndien enye, ɔdɔhɔ ete, Kuyak Jonathan ɔfiɔk emi, mbak esit ediyat enye: edi ma uwem Jehovah, ma uwem idem fo ŋko, ayak ikpat kiet ami ndikpa.

1 SAMUEL 9:15

Ndien Jehovah ama ayarare ke utɔŋ Samuel edem mkpɔŋ, ndien Saul edidi,ete,