1 SAMUEL 2:8 - Edisana ñwed Abasi Ibom

⁸ Anam ubuene adaha ke ntɔŋ, onyuŋ emen mme anana ŋkpɔ ke ifum odori, ete inam mmɔ etie ye mbɔŋ, enye onyuŋ ɔnɔ mmɔ ebekpo ubɔŋ enyene: koro mme obubɔk ererimbot enyenede Jehovah, ndien enye amada ekondo odori mmɔ ke esit.

1 SAMUEL 2:8 ပူးပေါင်းရင်းမြစ်များ

GENESIS 41:14

Ndien Pharaoh ɔdɔŋ ekekot Joseph edi, ndien mmɔ ewara esio enye ke obube, enye onyuŋ okporo ntaŋ-ebek, onyuŋ ɔkpuhɔ edisine-ŋkpɔ esie, ndien aka ke ebiet Pharaoh.

GENESIS 41:40

Afo eyekan ufɔk mi, kpukpru ikɔt mi eyenyuŋ enam ke uyo fo; ke ebekpo ikpɔŋ-ikpɔŋ ke ndikpon nkan fi.

2 SAMUEL 7:8

Dɔhɔ ntem, ndien ye owo mi David, ete, Ntem ke Jehovah mme udim ɔdɔhɔ, ete, Ami ŋkosio fi ke nna-erɔŋ emi afo etienede ŋkpri ufene, man afo edi etubom ikɔt mi Israel:

1 NDIDEM 16:2

Koro ŋkemenerede fi ke ntɔŋ, nnyuŋ nnimde fi ke etubom ikɔt mi Israel; ndien afo ama akasaŋa ke usuŋ Jeroboam, onyuŋ esin ikɔt mi Israel ediɔk, enyuŋ eyat mi esit ke idiɔk mmɔ; sese,

2 NDIDEM 9:6

Ndien enye adaha ke enyɔŋ oduk ke ufɔk; ndien enye ada aran oro ɔtɔhɔ enye ke ibuot, onyuŋ ɔdɔhɔ enye, ete, Ntem ke Jehovah Abasi Israel ɔdɔhɔ, ete, Mmeyet fi aran nnim ke edidem Israel, ikɔt Jehovah

ŊWED JOB 1:21

Enye onyuŋ ɔdɔhɔ ete: Ŋkoto iferi ke idibi eka mi ŋwɔrɔ, nyenyuŋ mfiak do iferi: edi Jehovah ɔkɔnɔ, Jehovah onyuŋ ɔbɔ; ekɔm enyiŋ Jehovah.

ŊWED JOB 2:8

Ndien enye ada mkpasip usiɔŋ akwat idem esie; onyuŋ ɔsuhɔre etie ke ntɔŋ.

ŊWED MME PSALM 102:25

Afo okodori isɔŋ ke itie esie ke eyo oko: ndien enyɔŋ edi se ubɔk fo enamde.

ŊWED MME PSALM 104:5

enye odori isɔŋ ke itie esie, idisehekede ke nsinsi-nsinsi.

ŊWED MME PSALM 107:41

Onyuŋ osio mme ubuene ke nnanenyin, emenere onim ke enyɔŋ, onyuŋ anam ufɔk etie nte otu erɔŋ.

ŊWED MME PSALM 24:2

Koro Enye odoride enye ke inyaŋ, onyuŋ otim onim enye ke enyɔŋ akpa mmɔŋ.

ŊWED MME PSALM 75:3

Isɔŋ ye kpukpru mme andiduŋ ke esit emetara: ntim ŋwuk mme adaha esie. [Selah.]

ŊWED MME PSALM 75:4

Mmɔdɔhɔ mbon iseri, nte, Mbufo ekuseri iseri: (mmonyuŋ ndɔhɔ) mme idiɔk owo, nte, Mbufo ekumenere nduk ke enyɔŋ.

ŊWED MME PSALM 75:7

Koro edi Abasi ekpe ikpe: enye ɔsuhɔre owo kiet, onyuŋ ofori owo eken.

ECCLESIASTES 4:14

Koro enye otode ke ufɔk ŋkpɔkɔbi ada ubɔŋ; koro enye emi akamanade ada ubɔŋ akabare ubuene.

ISAIAH 22:23

nyenyuŋ ŋkɔŋ enye nte ntok nsin ke ɔkpɔsɔŋ ebiet: enye eyenyuŋ akabare edi ebekpo ubɔŋ ufɔk ete esie.

DANIEL 2:48

Ndien edidem ofori Daniel, onyuŋ ɔnɔ enye ediwak ikpɔ enɔ, onyuŋ onim enye ke etubom ofuri esien Babylon, ye etubom kpukpru mme ɔfiɔk ŋkpɔ owo Babylon.

DANIEL 4:17

Ŋkpɔ emi oto ke ewuhɔ mme andikpeme, ikɔ emi onyuŋ oto ke uyo me edisana (angel); man mmɔ eke edude uwem efiɔk ete ke Ata Edikoŋ edi etubom ke ubɔŋ ererimbot, onyuŋ ada enye ɔnɔ owo eke enye amade, onyuŋ emen ata ŋkpri owo odori, ete edi etubom ke esit.

DANIEL 6:3

Ndien Daniel emi akan mbɔŋ ye ikpɔ owo emi: koro ata eti spirit odude enye ke idem: ndien edidem ekere ndinim enye ke akama ofuri obio.

MME HEBREW 1:3

Enye oro edi uyama ubɔŋ Abasi, ye ata mbiet Idem Esie, onyuŋ ada uyo odudu Esie omum kpukpru ŋkpɔ akama: ekem, ke Enye ama akama utom erinam owo esana ke mme idiɔk-ŋkpɔ, Enye ɔsuhɔre etetie ke ubɔk nnasia Andinyene-ubɔŋ ke enyɔŋ;

JAMES 2:5

Ekop, ndima nditɔ-ete mi; nte Abasi ikemekke mmɔ emi ebuenede ke ŋkpɔ ererimbot emi, ite mmɔ eforo ke mbuɔtidem, enyuŋ enyene Obio Ubɔŋ emi Enye ɔkɔŋwɔŋɔde ndinɔ mmɔ emi emade Enye?

ERIYARARE 1:6

Enye omonyuŋ anam nnyin idi obio Ubɔŋ, idi mme oku inɔ Abasi ye Ete Esie; enɔ Enye ubɔŋ ye erikara ekondo ke nsinsi-nsinsi. Amen.

ERIYARARE 22:5

enyiŋ Esie eyenyuŋ odu mmɔ ke ɔkpɔ-iso. Okoneyo idinyuŋ iduhe aba; mmɔ inyuŋ iyomke uŋwana utuen-ikaŋ mme uŋwana utin; koro Ɔbɔŋ Abasi mmɔ eyenɔ mmɔ uŋwana, ndien mmɔ eyeda ubɔŋ ke nsinsi-nsinsi.

ERIYARARE 3:21

Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.

ERIYARARE 5:10

omonyuŋ anam mmɔ edi Obio Ubɔŋ ye mme oku enɔ Abasi: mmɔ eyenyuŋ eda ubɔŋ ke isɔŋ.

1 SAMUEL 15:17

Ndien Samuel ɔdɔhɔ ete, adaŋoro afo esede idemfo ke ekpri, nte inimke fi ke etubom mme esien Israel? Ndien Jehovah eyet fi aran onim ke edidem Israel.