1 SAMUEL 2:7 - Edisana ñwed Abasi Ibom

⁷ Jehovah anam owo ebuene, onyuŋ anam enyene ŋkpɔ: enye ɔduɔk ke isɔŋ, onyuŋ emen onim ke enyɔŋ.

1 SAMUEL 2:7 ပူးပေါင်းရင်းမြစ်များ

2 NDIDEM 9:6

Ndien enye adaha ke enyɔŋ oduk ke ufɔk; ndien enye ada aran oro ɔtɔhɔ enye ke ibuot, onyuŋ ɔdɔhɔ enye, ete, Ntem ke Jehovah Abasi Israel ɔdɔhɔ, ete, Mmeyet fi aran nnim ke edidem Israel, ikɔt Jehovah

1 CHRONICLES 29:12

Inyene ye ukpono eto fi ke iso, afo onyuŋ edi andikara kpukpru: odudu ye uko enyuŋ edu fi ke ubɔk; onyuŋ enyene fi ndinam kpukpru ekpon enyuŋ esɔŋ.

2 CHRONICLES 32:27

Ekem Hezekiah enyene inyene ye ubɔŋ eti-eti: enye onyuŋ anam ebiet unim-ŋkpɔ-uto ke idem esie ɔnɔ silver, ye gold, ye ndiye itiat, ye ufuɔŋkpɔ, ye otu-ekɔŋ, ye kpukpru ŋkpɔ inemesit:

2 CHRONICLES 32:29

Enye onyuŋ anam obio ke idem esie, onyuŋ ɔkɔ ŋkpri ufene, ye enaŋ ediwak: koro Abasi ɔkɔnɔde enye ata ediwak inyene eti-eti.

ŊWED JOB 1:21

Enye onyuŋ ɔdɔhɔ ete: Ŋkoto iferi ke idibi eka mi ŋwɔrɔ, nyenyuŋ mfiak do iferi: edi Jehovah ɔkɔnɔ, Jehovah onyuŋ ɔbɔ; ekɔm enyiŋ Jehovah.

ŊWED JOB 40:12

Se kpukpru se ikoŋde koŋ, nyuŋ suhɔre enye nim; nyuŋ digi mme idiɔk owo ke itie mmɔ.

ŊWED JOB 5:11

Onyuŋ emen mmɔ eke esuhɔrede onim ke enyɔŋ; mmɔ eke etuaŋade enyuŋ emenere idem mmɔ esim ifure.

ŊWED MME PSALM 102:10

mbaŋa iyaresit fo ye ifuresit fo: koro afo ekemende mi, ndien ɔduɔk mi ke isɔŋ.

ŊWED MME PSALM 75:7

Koro edi Abasi ekpe ikpe: enye ɔsuhɔre owo kiet, onyuŋ ofori owo eken.

ŊWED MME PSALM 75:8

Koro cup odude Jehovah ke ubɔk; wine onyuŋ ofut mbuaha ɔyɔhɔ ke esit; enye onyuŋ ada enye ɔtɔhɔ: kpu-kpru mme idiɔk owo ke ererimbot enyene ndikɔrɔde nnyuŋ ŋŋwɔŋ ntak esie.

MME ŊKE 22:2

Mme enyene-ŋkpɔ ye mme anana-ŋkpɔ esop idem ɔtɔ kiet: Jehovah edi andibot mmɔ kpukpru.

ISAIAH 2:12

Koro Jehovah mme udim omonim usen abaŋa kpukpru se ikoŋde, inyuŋ idorode ke enyɔŋ, onyuŋ abaŋa kpukpru se imenerede ke enyɔŋ: ndien mmɔ eyesuhɔre:

JEREMIAH 49:15

Koro, sese, mmonim fi ke ekpri ke otu mme idut, ke se owo esede ke ndek.

EZEKIEL 17:24

ndien kpukpru eto ikɔt eyefiɔk ete ke ami Jehovah nduɔk edikoŋ eto, mmenere edinuhɔ eto ke enyɔŋ, nnam nsehe eto asat, nnyuŋ nnam edisat eto esehe: ami Jehovah ndɔhɔ nnyuŋ nnam.

JAMES 4:10

Esuhɔre idem ke iso Ɔbɔŋ, ndien Enye eyemen mbufo onim ke enyɔŋ.