1 SAMUEL 2:34 - Edisana ñwed Abasi Ibom

³⁴ Ndien emi edi idiɔŋɔ fo, emi editibede ye nditɔ-iren fo mbiba, Hophni ye Phinehas; ke usen kiet ke mmɔ mbiba edikpa.

1 SAMUEL 2:34 ပူးပေါင်းရင်းမြစ်များ

1 NDIDEM 13:3

Ndien enye asiak utibe-ŋkpɔ ke usen oro, ete, Emi edi utibe-ŋkpɔ emi Jehovah ɔkɔdɔhɔde ete, Sese, itie-uwa emi eyesiaha, ntɔŋ emi odude ke esit eyenyuŋ ɔduɔhɔ.

1 NDIDEM 14:12

Afo daha ke enyɔŋ ndien ka ke ufɔk fo: adaŋemi ukot fo odukde ke obio, eyen oro eyekpa.

LUKE 2:12

Emi onyuŋ edi idiɔŋɔ eke enɔde mbufo; mbufo eyekut nsek-eyen emi ewaŋde ke ɔfɔŋ nte anade ke ebiet usin-udia ufene.

1 SAMUEL 10:7

Ndien ama ekem ke ini mme idiɔŋɔ emi esimde fi, nam ke idem fo nte ubɔk fo edikutde: koro Abasi odude ye afo.

1 SAMUEL 2:33

Ndien ndisibeke owo fo mfep ke itie uwa mi, man enyin okpokim fi, esit okponyuŋ ayat fi: edi ofuri ŋkɔri ufɔk fo eyekpaŋa ke ini mmɔ edide iren-owo.

1 SAMUEL 3:12

Ke usen oro nyenam Eli kpukpru se ŋkɔdɔhɔde mbaŋa ufɔk esie: mma ntɔŋɔ, nyenam mma.

1 SAMUEL 4:11

Mmɔ enyuŋ eda ekebe Abasi: nditɔ Eli mbiba, Hophni ye Phinehas, enyuŋ ekpa.

1 SAMUEL 4:17

Ndien isuŋutom ɔbɔrɔ, ete, Israel emefehe ke iso mme Philistine, ema enyuŋ ewot ediwak owo ke otu ikɔt nnyin; nditɔ fo mbiba, Hophni ye Phinehas, ema enyuŋ ekpa ŋko; ema enyuŋ eda ekebe Abasi.

1 SAMUEL 4:21

Edi enye ibɔrɔke bɔrɔ, inyuŋ ikereke kere. Ndien enye osio eyenɔwɔŋ oro enyiŋ Ichabod (ubɔŋ iduhe aba), ete, Ubɔŋ amadaha ke Israel: koro ema ekeda ekebe Abasi: kabaŋa ete ebe esie ye ebe esie ŋko.

1 SAMUEL 4:22

Ndien enye ɔdɔhɔ ete, Ubɔŋ amadaha ke Israel: koro ema ekeda ekebe Abasi.