1 SAMUEL 2:3 - Edisana ñwed Abasi Ibom

³ Mbufo ekukɔbɔ nditiŋ iseri-iseri; ekuyak isa-isa ikɔ ɔwɔrɔ mbufo ke inua: koro Jehovah edi Abasi ifiɔk, enye onyuŋ odomo ido

1 SAMUEL 2:3 ပူးပေါင်းရင်းမြစ်များ

1 NDIDEM 8:39

afo tie ndien ke enyɔŋ, ebiet iduŋ fo, kop, nyuŋ dahado, nyuŋ nam, nyuŋ nɔ owo emi afo ɔfiɔkde esit esie, nte kpukpru usuŋ esie edide: koro afo ikpɔŋ ɔfiɔkde esit kpukpru nditɔ Adam;

ŊWED JOB 31:6

Yak edomo mi ke balance eke enende: yak Abasi onyuŋ ɔfiɔk ete ke mfɔn mma.

ŊWED MME PSALM 147:5

Ɔbɔŋ nnyin omokpon, omonyuŋ ɔsɔŋ odudu: ifiɔk esie akan nte owo obukde.

ŊWED MME PSALM 17:10

Ikpɔŋ mmɔ ɔfuhɔ mmɔ: mmɔ edɔhɔ iseri-iseri ke inua mmɔ.

ŊWED MME PSALM 31:18

Yak enam mkpɔk-inua nsu edop, emi edade iseri ye esuene edɔhɔ ɔkpɔsɔŋ ikɔ ye nti owo.

ŊWED MME PSALM 44:21

nte Abasi ididuŋɔke emi? koro enye ɔfiɔkde ndibeŋkpɔ esit owo.

ŊWED MME PSALM 75:5

Ekumenere nduk mbufo enim ke edikoŋ ebiet: ekudɔhɔ ke itɔŋ iseri.

ŊWED MME PSALM 94:4

Adaŋa didie ke kpukpru mme anam-idiɔk ediŋwaŋa enyuŋ etiŋ mkpɔsɔŋ ikɔ, edinyuŋ ebure mbure?

MME ŊKE 16:2

Kpukpru usuŋ owo esana ke enyin esie: edi Jehovah odomo spirit.

MME ŊKE 24:12

Afo ama ɔdɔhɔ ete, “Sese, mmimɔ ikɔfiɔkke;” nte andidomo esit itimke ikut? Nte andikpeme ukpɔŋ fo ifiɔkke? Nte enye idinyuŋ inɔŋɔ owo nte utom owo edide?

MME ŊKE 8:13

Uteŋe Jehovah edi ndisua idiɔk, ye iseri, ye iseŋ, ye idiɔk ido: ami nnyuŋ nsua abak inua.

ISAIAH 26:7

Usuŋ edinen owo enenen: Afo Edinen eyediɔŋ ɔkpɔ-usuŋ edinen owo.

ISAIAH 37:23

Afo okosuŋi onyuŋ esuene anie? okonyuŋ emenere uyo fo ke enyɔŋ, onyuŋ emenere enyin fo ke enyɔŋ abaŋa anie? Ke abaŋa Edisana Abasi Israel.

JEREMIAH 17:10

Ami Jehovah nduŋɔre esit, ndomo ŋkpɔ esit idem, man nnɔ kpukpru owo nte ekemde ke usuŋ mmɔ, ye nte ekemde ke mfri utom mmɔ.

EZEKIEL 35:13

Ntre ke mbufo ebre mbre enɔ mi ke inua mbufo, enyuŋ ewak nditiŋ ikɔ mbufo mbaŋa mi: ami mmokop.

DANIEL 4:37

Ke emi ami Nebuchadnezzar ŋkɔm nnyuŋ ntoro nnyuŋ ŋkpono Edidem enyɔŋ, emi kpukpru se enye anamde edide akpanikɔ; mme usuŋ esie enyuŋ edi ikpe: ndien enye emekeme ndisuhɔre mmɔ eke esaŋade ke iseri.

DANIEL 5:27

TEKEL: emedomo fi ke balance; enyuŋ ekut ete ke afo ukemke.

MALACHI 3:13

Jehovah ɔdɔhɔ ete, Mbufo emesɔŋɔ uyo ye ami. Ndien mbufo ke ebup, ete, nnyin idɔhɔ didie idian fi?

MME HEBREW 4:12

Koro ikɔ Abasi enyene uwem, onyuŋ ananam ŋkpɔ, onyuŋ ɔsɔp akan kpukpru ofut iso iba, okim abahare ukpɔŋ ye spirit, ye ikek ye ndia; onyuŋ enyene ukeme ndiduŋɔre ekikere ye uduak esit owo.

JOSHUA 22:22

Abasi, Abasi Jehovah, Abasi, Abasi Jehovah ɔfiɔk, Israel eyenyuŋ efiɔk: ama edi nsɔŋ-ibuot, mme idiɔk ido ye Jehovah (kunyaŋa nnyin mfin emi),

ERIYARARE 2:23

nyenyuŋ nda mkpa ŋwot nditɔ esie; ndien kpukpru mme ufɔk Abasi eyefiɔk ete ke Ami ndi Andiduŋɔre ekput ye esit; nyenyuŋ nnɔ kpukpru mbufo kiet kiet nte ekemde ye utom mbufo.

JUDGES 9:38

Ndien Zebul ɔdɔhɔ enye, ete, Enye ndien inua fo emi afo akadade ɔdɔhɔ ete, Abimelech edi anie eke nnyin ikpedide ikɔt esie? Nte idige mme mmɔ emi afo ekesinde ke ndek edi emi? Wɔrɔ, ndien, kaŋwana ye mmɔ.

1 SAMUEL 16:7

Edi Jehovah ɔdɔhɔ Samuel, ete, Kuse enye iso, kunyuŋ use nte enye okoŋde idaha; koro mmesin enye: koro (mmensehe) nte owo esede; koro owo esede enyin, edi Jehovah ese esit.