1 SAMUEL 2:28 - Edisana ñwed Abasi Ibom

²⁸ Ŋkonyuŋ mmek enye ŋko ke otu kpukpru mme esien Israel, nnim ke oku mi, man enye ɔfɔp uwa ke itie uwa mi, onyuŋ ɔfɔp incense, onyuŋ esine ephod ke iso mi. Ŋkonyuŋ nda kpukpru mme uwa ikaŋ nditɔ Israel nnɔ ufɔk usɔ.

1 SAMUEL 2:28 ပူးပေါင်းရင်းမြစ်များ

2 SAMUEL 12:7

Ndien Nathan ɔdɔhɔ David, ete, Edi afo edi owo oro. Ntem ke Jehovah Abasi Israel ɔdɔhɔ, ete, Ami ŋkeyet fi aran nnim ke edidem Israel, ami ŋkonyuŋ nsio fi ke ubɔk Saul;

2 SAMUEL 6:14

David onyuŋ enek unek ke ofuri odudu esie ke iso Jehovah; David onyuŋ esine ephod linen.

EXODUS 28:1

NDIEN afo sio Aaron eyen-uka, ye nditɔ-iren esie ŋko, ke otu nditɔ Israel, dian idem, man mmɔ eda oku mi, kpa Aaron, ye Nadab, ye Abihu, ye Eleazar, ye Ithamar nditɔ Aaron

EXODUS 28:4

Ndien edisine-ŋkpɔ emi ke mmɔ edinam: mbana-ikpanesit, ye ephod, ye ekura, ye ŋwet-ŋwet frock, ye mitre, ye ubɔp-isin; yak mmɔ enyuŋ enam edisana edisine-ŋkpɔ enɔ Aaron eyen-uka, ye nditɔ esie, man enye ada oku mi.

EXODUS 30:7

Ndien Aaron edifɔp edifuɔŋ incense ke esit; yak enye ɔfɔp incense ke esit kpukpru usenubɔk, ke ini enye ɔdiɔŋde utuen-ikaŋ.

EXODUS 30:8

Ndien ŋko ke ini Aaron onyuŋ odomode utuenikaŋ ke mbubreyo, yak enye ɔfɔp incense ke esit; nte nsinsi incense ke iso Jehovah, ke ofuri emana mbufo.

LEVITICUS 2:10

Ndien ubak inuak-udia eke ɔsuhɔde enyene Aaron ye nditɔ esie: edi ata edisana ubak mme uwa ikaŋ Jehovah.

LEVITICUS 2:3

Ndien ubak inuak-udia eke ɔsuhɔde enyene Aaron ye nditɔ esie: enye edi ata edisana ubak uwa ikaŋ Jehovah.

LEVITICUS 6:16

Ndien Aaron ye nditɔ esie edia ubak eke ɔsuhɔde; yak edia enye ke edisana ebiet, ekusin leaven; ke okure efe esop ke edidia enye. Ekusin leaven esaŋ enye.

LEVITICUS 7:32

Ndien ŋko mbufo esioŋo afara nnasia ke mme uwa emem mbufo, eda enɔ oku ke eke edimenere.

LEVITICUS 7:36

emi Jehovah okowukde ete ebɔ nditɔ Israel enɔ mmɔ, ke usen emi enye eyetde mmɔ aran, ke nsinsi ewuhɔ ke ofuri emana mmɔ.

NUMBERS 16:5

Ndien ɔdɔhɔ Korah, ye kpukpru nsaŋa esie, ete, Eyo esiere, Jehovah eyewut eke edide esiemɔ, ye eke onyuŋ asanade: eyenyuŋ ada enye adian ke idem: enye eyeda owo eke enye edimekde adian ke idem.

NUMBERS 18:19

Mmada kpukpru edimenere uwa ke edisana ŋkpɔ emi nditɔ Israel ewade enɔ Jehovah, nnɔ fi, ye nditɔ-iren fo, ye nditɔ-iban fo ŋko, ke nsinsi ewuhɔ; enye edi nsinsi ediomi inuŋ fo, ye eke ubon fo, ke iso Jehovah.

1 SAMUEL 14:3

ye Ahijah eyen Ahitub, eyeneka Ichabod, eyen Phinehas, eyen Eli, oku Jehovah ke Shiloh, esine ephod. Ndien mmɔ ifiɔkke ite ke Jonathan aka

1 SAMUEL 2:18

Ntre ke Samuel anam ŋkpɔ ke iso Jehovah, nte eyenɔwɔŋ, ɔbɔbɔ ephod linen.