1 SAMUEL 2:25 - Edisana ñwed Abasi Ibom

²⁵ Edieke owo eduede ye owo, Abasi eyekpe ikpe esie; edi edieke owo eduede ye Jehovah, anie edikpe ubɔk inɔ enye? Edi mmɔ ikopke uyo ete mmɔ, koro Jehovah amade ndiwot mmɔ.

1 SAMUEL 2:25 ပူးပေါင်းရင်းမြစ်များ

GENESIS 38:10

eyen-eka esie eyen. Ndien se enye anamde ɔdiɔk ke iso Jehovah; ndien Enye owot enye nde.

GENESIS 38:7

Edi Er akpan Judah, ɔdiɔk ke iso Jehovah;

1 NDIDEM 8:31

Adaŋemi owo ediduede mbɔhɔ-iduŋ esie, ndien edori enye akaŋa, man enam enye akaŋa akaŋa, ndien akaŋa oro edi ke iso itie-uwa fo ke ufɔk emi:

1 NDIDEM 8:32

ndien afo tie ke enyɔŋ kop, nyuŋ nam, nyuŋ kpe ikpe ikɔt fo, nyuŋ bat idiɔk owo ke idiɔk, nyuŋ da ido esie dori enye ke ibuot; nyuŋ bat edinen ke edinen, nyuŋ nɔ enye nte edinen ido esie ekemde.

2 CHRONICLES 10:15

Ntre edidem ikopke uyo mmɔ oro: koro edide Abasi ekesin ɔwɔrɔ ntem, kpaŋ Jehovah akpanam uyo esie osu, emi enye akadade inua Ahijah Shilonite ɔdɔhɔ Jeroboam eyen Nebat.

2 CHRONICLES 25:16

Edikem ke ini enye osuk ɔdɔhɔde ye enye, edidem obup enye, ete, Nte nnyin imenim fi ke andinɔ edidem item? Tre; edinam didie ewot fi? Ndien prophet oro etre, onyuŋ ɔdɔhɔ ete, Mmɔfiɔk nte ke Abasi amaduak ndisobo fi, koro afo anamde emi, ndien mukopke item mi.

ŊWED JOB 9:33

Ebierikpe inyuŋ isineke ke ufɔt nnyin, eke akpadade ubɔk esie odori nnyin owo mbiba ke idem.

ŊWED MME PSALM 51:16

Koro afo muyomke uwa emem; (okpoyom) ŋkpɔnɔ: unyuŋ umaŋa edifɔp uwa.

ŊWED MME PSALM 51:4

Mmedue fi, kpa fi ikpɔŋ, mmonyuŋ nnam idiɔk ke iso fo: man afo enen ke ikɔ fo, onyuŋ edi edisana ke ini afo ekpede ikpe.

MME ŊKE 13:1

EYEN eti ibuot okop item ete esie: edi ɔsɔŋ-enyin ikopke nduari.

MME ŊKE 15:10

Ɔkpɔsɔŋ ufen enyene owo eke awahade ɔkpɔŋ usuŋ: owo eke asuade ntunɔ eyekpa.

MME ŊKE 29:1

OWO eke ewakde ndidua-ri enye, ndien enye ɔsɔŋ obot itɔŋ, eyebiara usɔp-usɔp, ndien ididige nte ekɔkde enye.

ECCLESIASTES 3:3

ini eke ewotde, ye ini eke ekɔkde (unan); ini eke ewuride, ye ini eke ediɔŋde;

NUMBERS 15:30

Edi ama edi owo eke okoide koi anam ŋkpɔ ke ibak, edide amana ke isɔŋ, onyuŋ edide esen owo, enye esuene Jehovah, ndien yak esibe owo oro ke mbio-obio mmɔ efep.

DEUTERONOMY 1:17

Mbufo ekuteŋe owo enyin ke ikpe: ekop uyo ekpri owo, kpa nte uyo akamba owo; mbufo ekubak iso owo; koro ikpe edide eke Abasi: ndien mbufo eda ikɔ eke ɔsɔŋde akan mbufo, esɔk mi man ŋkop enye.

DEUTERONOMY 2:30

Ndien Sihon ɔbɔŋ Heshbon ikonyimeke ndiyak nnyin isaŋa ibe enye: koro Jehovah Abasi fo ɔkɔsɔŋde enye ibuot, onyuŋ anamde esit esie edi itun, ete ida enye isin fi ke ubɔk, kpa nte edide mfin emi.

1ŊWED TIMOTHY 2:5

Koro Abasi kiet odu, Ekpe-emem kiet ke ufɔt Abasi ye owo onyuŋ odu, emi ke Idem Esie edide owo, kpa Christ Jesus;

MME HEBREW 10:26

Koro edieke nnyin iduede ke nkoi-nnam, ke ini nnyin ima ikɔbɔ ifiɔk akpanikɔ, uwa iduhe aba inɔ idiɔk-ŋkpɔ, edi idori-enyin ikpe eke enyenede ndik,

MME HEBREW 10:27

ye ikaŋ-ikaŋ iyaresit eke edifɔbɔde mmɔ emi eŋwanade ye Abasi.

MME HEBREW 7:25

Ke ntak emi Enye onyuŋ ekeme ndinyaŋa mmɔ emi esaŋade ke Enye ekpere Abasi ɔyɔhɔ-ɔyɔhɔ, sia enye odude uwem ke nsinsi ndinam mkpe-ubɔk nnɔ mmɔ.

JOSHUA 11:20

Koro okotode Jehovah, maan enye ɔsɔŋ mmɔ esit ndiŋwana ekɔŋ ye Israel, man enye osobo mmɔ, kpa nte Jehovah eketemede Moses.

1 SAMUEL 3:14

Mmɔdo ŋkɔŋwɔŋɔde mbaŋa ufɔk Eli, nte ke idikemeke ndida uwa ye inuakudia nsio isop oburobut ido ufɔk Eli ke nsinsi.