1 SAMUEL 2:24 - Edisana ñwed Abasi Ibom

²⁴ Nditɔ mi, mbufo ekunam: koro midige eti etop ke ami ŋkop; mbufo esin ikɔt Jehovah edue.

1 SAMUEL 2:24 ပူးပေါင်းရင်းမြစ်များ

1 NDIDEM 15:26

Ndien enye anam se idiɔkde Jehovah ke enyin, onyuŋ asaŋa ke usuŋ ete esie, ye ke idiɔk ido esie emi enye akadade esin Israel ediɔk.

1 NDIDEM 15:30

ke abaŋa mme idiɔk ido Jeroboam emi enye akanamde, ye se enye esinde Israel enam, ke eriyat emi enye ayatde Jehovah Abasi Israel esit.

2 NDIDEM 10:31

Edi Jehu itimke ndisaŋa ke mbet Jehovah Abasi Israel ke ofuri esit esie: enye ikabakede ikpɔŋ idiɔk ido Jeroboam, emi akanamde Israel edue.

EXODUS 32:21

Ndien Moses ɔdɔhɔ Aaron, ete, Mbio emi ekenam fi nso ŋkpɔ, eke esinde fi ada akwa idiɔk-ŋkpɔ odori mmɔ?

MALACHI 2:8

Edi mbufo emekpɔŋ usuŋ; emenam ediwak owo eduɔŋɔ ke mbet; emebiat ediomi Levi, Jehovah mme udim ɔdɔhɔ.

MATTHEW 18:7

Mbɔm ererimbot ke ntak erisin owo ɔduɔ; koro ntak iduɔ enyene ndidi, edi eyedɔdiɔk ɔnɔ owo oro ŋkpɔ iduɔ otode enye.

UTOM MME APOSTLE 6:3

Edi, nditɔ-ete, emek owo itiaba, emi enyenede eti enyiŋ, enyuŋ eyɔhɔde ye Edisana Spirit ye ifiɔk, esio ke otu idem mbufo, man nnyin inim mmɔ ndise mbaŋa utom emi.

2 ŊWED CORINTH 6:8

ke ini ukpono ye ke ini esuene, ke idiɔk etop eke esiode nnyin, ye ke eti etop; ebat nnyin ke owo abiaŋa, edi nnyin idi owo akpanikɔ;

1ŊWED TIMOTHY 3:7

Akan oro, ana nte enye enyene eti etop ke otu mmɔ emi edude ke esien; mbak enye ediduɔ oduk ke esuene ye ke afia Satan.

2 PETER 2:18

Koro mmɔ etiŋ ikpikpu ikɔ ŋkpon-inua, enyuŋ eda obukpo ido esaŋa ke idiɔk itɔŋ obukidem, etap mmɔ emi ke ebɔbɔhɔ mbon nduyo.

3 JOHN 1:12

Kpukpru owo edi ntiense enɔ Demetrius. Akpanikɔ onyuŋ edi ntiense ɔnɔ enye. Nnyin inyuŋ idi ntiense inɔ enye ŋko-ŋko: ndien afo ɔmɔfiɔk ete ikɔ-ntiense nnyin edi akpanikɔ.

ERIYARARE 2:20

Edi mmenyene se ndade mbiom fi, ete, ayak itie ɔnɔ ŋwan oro, Jezebel, emi okotde idem prophet-aŋwan; onyuŋ adade abiaŋa ekpep ikɔt Mi ndinam use, nnyuŋ ndia se ekewade enɔ ndem.

1 SAMUEL 2:17

Ntre ke idiɔk ido mkparawa oro ekpon ekan ke iso Jehovah: koro mmɔ esinde mbon oro ese uwa Jehovah ke ndek.

1 SAMUEL 2:22

Ndien Eli ɔsɔŋ eti-eti, enye onyuŋ okop kpukpru se nditɔ esie enamde ofuri Israel, ye nte mmɔ ekotde iban oro ekam ebonode ke enyin-usuŋ efe esop.

1 SAMUEL 2:23

Ndien enye ɔdɔhɔ mmɔ ete, Nsinam mbufo enamde oruk ŋkpɔ emi, kpa mme idiɔk ido mbufo emi ami ŋkopde ofuri mbio emi etiŋde?