1 SAMUEL 2:10 - Edisana ñwed Abasi Ibom

¹⁰ Jehovah eyenuak mbon utɔk esie; enye etie ke enyɔŋ ada obuma esie ɔtɔ mmɔ: Jehovah eyekpe ikpe utit ererimbot; eyenyuŋ ɔnɔ edidem esie nsɔŋidem, onyuŋ emen nduk Messiah esie onim ke enyɔŋ.

1 SAMUEL 2:10 ပူးပေါင်းရင်းမြစ်များ

2 SAMUEL 22:14

Jehovah akatuak enyɔŋ, Ata Andikoŋ onyuŋ osiosro uyo.

2 SAMUEL 7:13

Enye eyebɔp ufɔk ɔnɔ enyiŋ mi, nyenyuŋ nnam ebekpo ubɔŋ esie ɔsɔŋ ada ke nsinsi.

2 SAMUEL 7:8

Dɔhɔ ntem, ndien ye owo mi David, ete, Ntem ke Jehovah mme udim ɔdɔhɔ, ete, Ami ŋkosio fi ke nna-erɔŋ emi afo etienede ŋkpri ufene, man afo edi etubom ikɔt mi Israel:

ŊWED JOB 40:9

Nte afo emenyene ubɔk ebiet eke Abasi? Nte emekeme ndituak enyɔŋ ke uyo eke ebietde esie?

ŊWED MME PSALM 132:17

Do ke ndinam nduk otibe ɔnɔ David: mmɔdiɔŋ utuenikaŋ nnɔ Messiah fo.

ŊWED MME PSALM 148:14

Enye omonyuŋ emenere nduk ikɔt esie onim ke enyɔŋ, ye itoro ofuri mbon-ima esie; kpa eke nditɔ Israel, mbon emi ekperede enye.

ŊWED MME PSALM 2:2

Ndidem ererimbot edaha eda, mbɔŋ enyuŋ ebono eduk odu ebaŋa Jehovah ye Messiah esie, ete,

ŊWED MME PSALM 2:6

Ndien edi ami mmonim edidem mi ke enyɔŋ Zion edisana obot mi.

ŊWED MME PSALM 2:9

Afo eyenuak mmɔ ke esaŋ ukwak; onyuŋ obom mmɔ nte ŋkpɔ eke obot-eso anamde.

ŊWED MME PSALM 20:6

Ke emi ke mfiɔk nte ke Jehovah anyaŋa Messiah esie; eyetie ke edisana heaven esie eyere enye, ke odudu erinyaŋa ubɔk nnasia esie.

ŊWED MME PSALM 20:7

Ndusuk ebure ke chariot, ndusuk ke horse: edi nnyin iyebure ke enyiŋ Jehovah Abasi nnyin.

ŊWED MME PSALM 21:1

O JEHOVAH, edidem eyedat esit ke odudu fo; adaŋa didie ke enye edidara erinyaŋa fo!

ŊWED MME PSALM 28:8

Jehovah edi odudu mmɔ, enye onyuŋ edi ɔkpɔsɔŋ andinyaŋa Messiah esie.

ŊWED MME PSALM 45:7

Afo ama se inende, onyuŋ asua se ikwaŋade; oro esin Abasi, kpa Abasi fo, ada aran idara eyet fi, akan mme ufan fo.

ŊWED MME PSALM 89:17

Koro afo edide ubɔŋ odudu mmɔ: mfɔnido fo eyenyuŋ emenere nduk nnyin ke

ŊWED MME PSALM 89:24

Edi akpanikɔ mi ye ima mi eyeda ye enye; enyiŋ mi eyenyuŋ emenere nduk esie onim ke enyɔŋ.

ŊWED MME PSALM 89:25

Ndien nyesin ubɔk esie ke inyan, ye nnasia esie ke mme akpa-mmɔŋ.

ŊWED MME PSALM 96:13

Koro enye edide; koro enye edide ndikpe ikpe ererimbot: enye eyekpe ekondo ke edinen ido, ye mme idut ke akpanikɔ esie.

ŊWED MME PSALM 98:9

ke iso Jehovah; koro enye edide ndikpe ererimbot: enye eyekpe ekondo ke eti ido, ye mme idut nte enende.

EXODUS 15:6

Ubɔk nnasia fo, O Jehovah omokpon ke odudu: ubɔk nnasia fo, O Jehovah, amanuak mme asua fo mbai-mbai.

ECCLESIASTES 11:9

O akparawa, dara ke uyen fo; yak esit fo onyuŋ enem fi ke usen emi afo edide akparawa, nyuŋ tiene usuŋ esit fo, ye se enyin fo okutde: edi fiɔk ete ke Abasi edikot fi edi ikpe abaŋa kpukpru ŋkpɔ emi.

ECCLESIASTES 12:14

Koro Abasi eyekot kpukpru ŋkpɔ emi enamde edi ikpe, ɔkɔrɔ ke kpukpru ndibe-ndibe ŋkpɔ, edide eti, eyuŋ edide mme idiɔk.

ISAIAH 29:6

Ndien obuma, ye unyek-isɔŋ, ye akwa uyom, ye idio, ye oyobio, ye edemikaŋ eke etade, eyeto Jehovah mme udim, edinam fi.

ISAIAH 32:1

SESE, edidem kiet eyekama obio nte enende; ama edi mbɔŋ, mmɔ ŋko eyeda ubɔŋ ke eti ido.

ISAIAH 45:24

Owo ɔdɔhɔ, ete, Ami nnyene edinen ido ye odudu ke Jehovah ikpɔŋ-ikpɔŋ: enye eyebine enye; ndien but eyenam kpukpru mmɔ eke eyatde esit ye enye.

EZEKIEL 29:21

Ke usen oro nyenam nduk otibe ɔnɔ ufɔk Israel nnyuŋ nyak fi aŋwaŋade inua ke otu mmɔ: ndien mmɔ eyefiɔk ete ke ami ndi Jehovah.

MATTHEW 25:34

Ekem Edidem eyedɔhɔ mmɔ emi edude ke ubɔk nnasia, ete, Edi, mbufo emi Ete Mi ɔdiɔŋde, edida ubɔŋ emi ekonimde enɔ mbufo toto ke eritɔŋɔ ererimbot.

MATTHEW 28:18

Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

LUKE 1:69

Onyuŋ anam nduk erinyaŋa otibe ɔnɔ nnyin Ke ufɔk owo Esie David,

LUKE 19:27

Edi ama edi mme asua mi emi mikoyomke ami ŋkara mmɔ, eda mmɔ edi mi, enyuŋ ewot mmɔ ke iso mi.

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

UTOM MME APOSTLE 4:27

Koro ke akpanikɔ ke obio emi, Herod ye Pontius Pilate, ye mme Gentile ye mbon Israel, esop idem ɔtɔ kiet ndiŋwana ye Edisana Owo Fo Jesus, emi Afo okonimde ete edi Christ Fo,

2 ŊWED CORINTH 5:10

Koro kpukpru nnyin inyene ndiwɔrɔ nyarare ke iso itie-ikpe Christ; man owo kiet kiet ɔbɔ utip eke ekemde ye se enye akanamde ke ikpɔhidem, ye ŋkpɔ oro edide eti, ye onyuŋ edide idiɔk.

JUDGES 5:31

O Jehovah, nam kpukpru mme asua fo etak ntem! Edi mmɔ eke emade enye ebiet nte utin asiahade ke odudu esie. Ndien isɔŋ ana suŋ ke ofuri isua aba.

1 SAMUEL 12:13

Sese, ndien, edidem emi mbufo emekde enyuŋ eyomde! ndien, sese, Jehovah omonim edidem ɔnɔ mbufo.

1 SAMUEL 12:17

Nyeseme nnɔ Jehovah, ndien enye eyenam enyɔŋ oyomo, onyuŋ anam edim edep; man mbufo efiɔk, enyuŋ ekut ete ke idiɔk ido mbufo omokpon, emi mbufo ekenamde ke iso Jehovah, ke eriyom edidem nnɔ idem mbufo.

1 SAMUEL 12:18

Ndien Samuel eseme ɔnɔ Jehovah, ndien Jehovah anam enyɔŋ oyomo, onyuŋ anam edim edep ke usen oro: ndien kpukpru owo ebak Jehovah ye Samuel eti-eti.

1 SAMUEL 12:3

Se mi mi: mbufo ebaŋa mi ke iso Jehovah, ye ke iso enye emi Enye ekeyetde aran: ŋkɔbɔ anie owo enaŋ esie? ŋkɔbɔ anie owo ass esie ŋko? ŋkonyuŋ ntuk anie owo? ŋko-nyuŋ mfik anie? anie owo ke ŋkenyuŋ mbɔ inyene ke ubɔk, man nda enye mfuk enyin mi? ndien nyeyak nnɔ mbufo.

1 SAMUEL 15:28

Ndien Samuel ɔdɔhɔ enye, ete, Jehovah ama awai fi ubɔŋ Israel ke ubɔk osio mfin emi, ama onyuŋ ada enye ɔnɔ mbɔhiduŋ fo emi ɔfɔnde akan fi.

1 SAMUEL 16:1

EKEM Jehovah ɔdɔhɔ Samuel, ete, Adaŋa didie ke afo editua Saul, sia mma nsio enye mfep ke idaha edidem Israel? Sin aran ke nduk fo yɔhɔ; ndien ka, nyedɔŋ fi utom ke ebiet Jesse eyen Bethlehem: koro mmokut edidem mi ke otu nditɔ-iren esie.

1 SAMUEL 7:10

Ndien ke ini Samuel osuk ɔfɔpde edifɔp uwa oro, mme Philistine esaŋa ekpere ndiŋwana ye Israel: edi Jehovah atuak enyɔŋ, ada ɔkpɔsɔŋ uyo okuni mme Philistine, onyuŋ asuan mmɔ usen oro; ndien mmɔ enuaha ke iso Israel.