1 SAMUEL 19:5 - Edisana ñwed Abasi Ibom

⁵ ndien enye ekesin uwem esie ke ubɔk esie okowot Philistine oro, Jehovah okonyuŋ anam akamba erinyaŋa ɔnɔ ofuri Israel; afo ama okut, onyuŋ adat esit: nsinam ndien afo oyomde ndinam idiɔk ye iyip owo emi miduehe, ke ndiwot David ke ikpikpu?

1 SAMUEL 19:5 ပူးပေါင်းရင်းမြစ်များ

2 SAMUEL 23:10

enye adaha ke enyɔŋ owot mme Philistine, tutu ubɔk emem enye, ubɔk onyuŋ adiana enye ke ofut: ndien Jehovah anam akamba erinyaŋa ke usen oro; ndien kpukpru owo efiak etiene enye, eka ekebume mbume ikpɔŋ-ikpɔŋ.

1 CHRONICLES 11:14

Ndien mmɔ etuak eda ke ufɔt iŋwaŋ oro, enyuŋ enyaŋa enye, enyuŋ ewot mme Philistine; ntem ke Jehovah anyaŋa mmɔ akamba erinyaŋa.

1 CHRONICLES 11:18

Ndien mbita oro esiak usuŋ ke ufɔt mme Philistine, ekekoi mmɔŋ ke obube Beth-lehem, emi odude ke inua-otop, eda edisɔk David: David inyimeke ndiŋwɔŋ enye, edi aŋwaŋa enye ɔnɔ Jehovah.

ŊWED MME PSALM 109:5

Mmɔ enyuŋ edori mi idiɔk ke usiene eti, ye usua ke ibuot ima mi.

ŊWED MME PSALM 119:109

Ukpɔŋ mi odu mi ke ubɔk kpukpru ini: edi mfreke ido fo.

ŊWED MME PSALM 25:3

Kuyak baba owo mmɔ kiet eke ebetde fi okut but: nam mmɔ eke ebiaŋade ke ikpikpu ekut but.

ŊWED MME PSALM 69:4

Mmɔ eke esuade mi ke ikpikpu ewak ekan idet ibuot mi: nsu nsu mme asua mi emi eyomde ndisobo mi, esɔŋɔ: ndien mmenyene ndiyak se mmeŋkobumeke.

ŊWED MME PSALM 94:21

Mmɔ ewuk ewuhɔ ebaŋa ukpɔŋ edinen owo, enyuŋ enam ikpe otip iyip emi miduehe isop.

EXODUS 14:13

Ndien Moses ɔdɔhɔ kpukpru owo, ete, Mbufo ekufehe ndik, etuak eda, enyuŋ ekut erinyaŋa Jehovah, emi enye edinyaŋade mbufo mfin emi: koro nte emi mbufo ekutde nditɔ Egypt mfin emi, mbufo idikwe aba mmɔ ke nsinsi.

JEREMIAH 26:15

Edi mbufo etim efiɔk, ete ke edieke mbufo ewotde mi, ke mbufo eda iyip owo eke miduehe edori ke idem mbufo, ye ke obio emi, ye ke mme andiduŋ enye: koro ke akpanikɔ ke edi Jehovah ɔdɔŋ mi utom ke ɔtɔ mbufo, ete ntiŋ kpukpru ikɔ emi ke utɔŋ mbufo.

MATTHEW 27:24

Edi ke ini Pilate okutde ete, imɔ ikemeke ndinam ndomo ŋkpɔ kiet, edi utu ke oro ndutime edidu, enye ada mmɔŋ eyet ubɔk ke iso otu owo, ete mmɔ, Nsaŋake ŋkpɔ ke iyip eti owo emi: mbuhehe mbufo edi oro.

MATTHEW 27:4

Edi mmɔ ete enye, Nnyin isaŋa nso do? Ikɔ fo edi oro.

JOHN 15:25

Edi emi ɔwɔrɔ, man osu nte ewetde ke ibet mmɔ, ete, Mmɔ ekesua Mi ke unana ntak.

UTOM MME APOSTLE 20:24

Edi mbatke uwem mi ke ŋkpɔ, man ŋkeme ndifehe mbuba mi mma, nnyuŋ nnam utom oro Ɔbɔŋ Jesus ɔnɔde mi, ete ŋkwɔrɔ gospel mfɔn Abasi.

ŊWED MBON PHILIPPI 2:30

koro osuk esisit enye ndikpa ke erinam utom Christ, ikereke uwem esie, man enye anam se isuhɔde mbufo ndinam nnɔ mi ɔyɔhɔ.

MME HEBREW 2:3

Nnyin idinam didie ibɔhɔ edieke nnyin isinde erinyaŋa eke okponde ntem? eke Ɔbɔŋ ekebemde iso etiŋ, mmɔ emi ekekopde Enye enyuŋ esɔŋɔ ikɔ oro enɔ nnyin;

JUDGES 12:3

Ndien ke ini ŋkutde nte mbufo midige idinyaŋa, nda uwem mi nsin ke ubɔk, ndien nsaŋa mbe ŋka ekɔŋ ye nditɔ Ammon, ndien Jehovah ada mmɔ esin mi ke ubɔk: mbufo enam didie ndien edɔk etiene mi mfin emi ndiŋwana ekɔŋ ye ami.

JUDGES 9:17

koro ete mi akaŋwanade ekɔŋ ɔnɔ mbufo, onyuŋ emende uwem esie ɔduɔk, onyuŋ anyaŋa mbufo osio ke ubɔk Midian:

1 SAMUEL 11:13

Edi Saul ɔdɔhɔ ete, Owo idikpaha mfin emi koro mfin emi Jehovah amanam erinyaŋa ke Israel.

1 SAMUEL 14:45

Nte ɔfɔn Jonathan ndikpa, emi akanamde akamba erinyaŋa emi ke Israel? Nsa nnyin! ma uwem Jehovah, baba idet kiet iditoho enye ke ibuot iduɔ ke isɔŋ; koro enye amanam ye Abasi mfin emi. Ndien mmɔ enyaŋa Jonathan, iyakke enye akpa.

1 SAMUEL 19:6

Ndien Saul okop uyo Jonathan: Saul onyuŋ ɔŋwɔŋɔ ete, Ma uwem Jehovah, enye idikpaha.

1 SAMUEL 20:32

Ndien Jonathan ɔbɔrɔ Saul ete esie, onyuŋ ɔdɔhɔ enye, ete, Enye edikpa abaŋa nso? Enye akanam nso?

1 SAMUEL 22:14

Ahimelech ɔbɔrɔ edidem, ete, Ndien anie ke otu kpukpru ikɔt fo etie nte David, owo akpanikɔ, ye ukot edidem, emi onyuŋ edide owo mbet fo kiet, onyuŋ enyenede ukpono ke ufɔk fo?

1 SAMUEL 28:21

Ndien ŋwan oro etiene Saul, onyuŋ okut nte idem akpade enye eti-eti, ndien ŋwan ɔdɔhɔ enye, ete, Sese ofin aŋwan fo ama okop uyo fo, mma nnyuŋ nda uwem mi nsin fi ke ubɔk, nnyuŋ ŋkop ikɔ fo oro afo ɔkɔdɔhɔde mi.