1 SAMUEL 19:24 - Edisana ñwed Abasi Ibom

²⁴ Enye onyuŋ osio ɔfɔŋ-idem esie ŋko, onyuŋ anam prophecy ŋko-ŋko ke iso Samuel, onyuŋ ɔduɔ ke isɔŋ ana iferi ke ofuri uwemeyo oro, ye ke ofuri okoneyo oro. Mmɔdo edɔhɔde ete, Emi-e? Saul onyuŋ odu ke otu mme prophet?

1 SAMUEL 19:24 ပူးပေါင်းရင်းမြစ်များ

2 SAMUEL 6:14

David onyuŋ enek unek ke ofuri odudu esie ke iso Jehovah; David onyuŋ esine ephod linen.

2 SAMUEL 6:20

Ndien David afiak aka ndikɔm nditɔ ufɔk esiemɔ. Ndien Michal uduŋwan Saul ɔwɔrɔ ndisobo ye David, onyuŋ ɔdɔhɔ, ete, Ŋkɔm edidem Israel akanam ubɔŋ mfin, emi ɔkɔfuhɔrede idemesie mfin ke iso ifin iban ikɔt esie, kpa nte kiet ke otu mme oburobut owo ɔfuhɔrede idemesie ke aŋwa!

ISAIAH 20:2

ke ini oro Jehovah ɔdɔhɔ esin ke ubɔk Isaiah eyen Amoz, ete, Ka katat ɔfɔŋ-ikpo ke isin fo fep, nyuŋ sio ikpa-ukot fo ke ukot fo fep. Ndien enye anam ntre, asaŋa iferi ye ukot ikpikpu.

MICAH 1:8

Nyeseme nnyuŋ ntua mbaŋa ŋkpɔ emi, nyesioŋo ŋkpɔ ke idem nsaŋa iferi: nyeseme eseme nte jackal, nnyuŋ ntua nte ostrich.

NUMBERS 24:4

Uyo andikop ikɔ Abasi, emi okokutde ŋkukut Ata Ɔkpɔsɔŋ, nte enye ɔduɔde, ke enyin anana:

UTOM MME APOSTLE 9:21

Edi mkpa-idem omum kpukpru mmɔ eke ekopde ikɔ esie, mmɔ enyuŋ edɔhɔ ete, Nte emi idige owo emi okosobode mmɔ eke esemede ekot enyiŋ Jesus ke Jerusalem? enye okonyuŋ edi mi, man ada mmɔ ke ebuka aka ke iso ikpɔ oku.

1 SAMUEL 10:6

ndien spirit Jehovah eyeduk fi ke idem, ndien afo eyetiene mmɔ anam prophecy, eyenyuŋ akabare edi owo efen.

1 SAMUEL 15:35

Ndien Samuel itɔŋɔke aba ntak ikut Saul tutu osim usen mkpa esie: edi Samuel atua Saul: Jehovah onyuŋ atua mkpɔfiɔk koro enye okonimde Saul ke edidem Israel.

1 SAMUEL 18:10

Edikem ke usen efen, idiɔk spirit Abasi oduk Saul ke idem, ndien enye adama ke ufɔk: ndien David ebre harp ke ubɔk esie, nte enye akam esinamde: eduat onyuŋ odu Saul ke ubɔk.